Maple Diary

𝑃𝑎𝑟𝑡-6

Unicode

-----

"မေလေး"

"ရှင် မမ"

"ကိုယ်လေ..."

"ဝါးလားလားရေခဲမုန့်တွေရမယ်နော်...100တန်ပါတယ် 200တန်ပါတယ်...."

"ဟမ်...ရေခဲမုန့်တဲ့မမ"

"စားချင်လို့လား"

"ဟုတ်မမ"

"ခနလေးစောင့် ကိုယ်သွားဝယ်လိုက်မယ်"

"ဟုတ်"

ရေခဲမုန့်သွားဝယ်လာပြီး ပြုံးကာပန်းခြံရဲ့ခုံတန်းလေးတစ်ခုမှာထိုင်စောင့်နေသူဆီ အရည်မပျော်ခင်အမြန်လေးပြေးသွားကာပေးလိုက်တယ်။

"အရည်ပျော်ကုန်တော့မယ်"

ရာသီဥတုကပူတာကြောင့် ရေခဲမုန့်ကိုအရည်မပျော်ခင်အမြန်လေးစားလိုက်ပြီးမှ ခုနကစကားပြောရန်ပြင်ခဲ့တာကိုသတိရမိသည်။

"မမ ခုနကဘာပြောမလို့လဲဟင်"

"ဟမ်....အာ....ကိုယ်...အဲ့တာကလေ"

"ဟော...ဘာလို့စကားတွေထစ်နေတာလဲ မမ မပီသလိုက်တာ"

ပြောပြီးလက်ထဲကတစ်သျှူး(tissue)လေးနှင့် နှုတ်ခမ်းနားကရေခဲမုန့်အချို့ပေနေသည်ကိုသုတ်ပေးလိုက်မိတယ်။မျက်ဝန်းများလက်လာကာအံ့ဩသလိုလေးကြည့်လာတဲ့မမကိုပြန်ပြုံးပြလိုက်ပြီး

"ဆက်ပြောလေမမရဲ့"

"အမ်....အဟမ်း....ဘာမှမဟုတ်တော့ပါဘူး...ဟိုကလေးတွေလည်းအခုထိကားထဲကကိုထွက်မလာကြဘူးပဲ"

(အခုကဖွင့်ပြောဖို့အချိန်မကျသေးဘူးထင်တယ် ငါပိုပြင်ဆင်မှပါပဲ)

"ဟုတ်တယ်နော်မမ အဲ့ကလေးတွေဘာများလုပ်နေကြပါလိမ့်... နှစ်ယောက်လုံးအိပ်ပျော်နေတာများလား"

"အိပ်ပျော်နေရင်လည်းထားလိုက်ပါတော့"

"ဟုတ်ပါ့မမရယ်"

"ဒီပန်းခြံကိုမှတ်မိလား မေလေး"

"မှတ်မိတယ်...မေလေးတို့ပထမဆုံးတွေ့ကြပြီး မမကမေ့ကို mapleရွက်လေးပေးခဲ့တဲ့ပန်းခြ‌ံလေး"

ခေါင်းငုံ့သွားပြီးပါးလေးတွေရဲတက်လာသူကို နှောင်းမြင်ဖြစ်အောင်ကိုမြင်လိုက်ပါသေးတယ်....