༺ الفصل الخامس ༻
#كاليندا
#بقلم_ولاء_رفعت
في مركز الوحدة الصحية التابعة للقرية، تتمدد أعلي التخت وعينيها تحدق في السقف، تقف الممرضة علي يمينها تعلق كيس المحلول علي العمود المعدني، وعلي الجهة الأخرى يتابع الطبيب ضغط الدم عبر الجهاز اليدوي قائلاً :
_ كده تمام، وشويه بعد ما تخلص المحاليل هيبقي الضغط مظبوط، ها يا شمس حاسة بإيه دلوقت؟
تحركت مقلتيها نحوه بدون أن تتحدث ثم عادت لوضع التحديق في السقف مرة أخري.
_ طب أنا رايح أكمل الكشوفات اللي عندي بسرعة وراجعلك تاني.
خرج الطبيب من الغرفة الصغيرة، سألته زينب بقلق وخوف علي ابنتها:
_ بنتي مالها يا دكتور؟
أجاب بهدوء وطمأنينة:
_ أطمني يا مدام، بنتك كويسة الحمدلله كل الحكاية ضغطها نزل شوية وطبعاً واضح إنها مبتاكلش فقلب معاها بهبوط، والحمدلله بعد ما علقنا لها المحاليل فاقت لكن شكلها مش حابه تتكلم، وده نتيجة ضغوط نفسية وعصبية، فياريت بعد ما تقوم بالسلامة تودوها لدكتور نفسية.
شهقت والدتها بضجر:
_ بعد الشر يا دكتور، ليه هو أنا بنتي مجنونة؟
أبتسم رغماً عنه من بساطة تلك المرأة فأوضح لها:
_أنا مقولتش توديها مستشفي أمراض نفسية، أنا بقولكم خليها تزور دكتور نفسية بيقعد معاها كذا جلسه يرجعها لكم أحسن من الأول.
تدخل محمد قائلاً:
_أنا فاهم قصد حضرتك يا دكتور، بس ما تأخذنيش الوضع والظروف اللي إحنا فيها مش هتنفع لزيارات لدكتور نفسي، بس ممكن نغير لها الجو اللي عايشه فيه.
أومأ له الطبيب مُرحباً :
_ ياريت، يبقي أفضل، بس أهم حاجة الراحة النفسية وتبعد عن أي حاجة تضيقها، لأن التعب اللي عندها ده نفسي أكتر ماهو عضوي، ولو محتاجين أي مساعدة أنا في الخدمة.
_تسلم يا دكتور، ربنا يوفقك.
فأجاب الآخر:
_العفو، عن أذنكم.
ولج كليهما إلي ابنتهما المُنفصلة عن الواقع، جلست زينب بجوارها:
_ شمس، أنتي كويسة يا ضنايا؟
أمسك محمد يدها وعانقها بين كفيه:
_ شمس حياتي، يلا بقي عايزك ترجعي البنت القوية، وهخليكي تغيري جو البلد خالص، وهاخدك عند رحاب بنت عمك، مش كان نفسك تشوفيها؟
رمقته زوجته بامتعاض فهو يعلم ماهية تلك النظرة، كيف تجد ابنتك راحتها في بيت عمها و زوجته التي تشبهها دائماً بالحية في دهائها وخبثها، لا تحب الخير لأحد بتاً وخاصة زوجات أشقاء زوجها.
بادلها بنظرة حاسمة وقال:
_عموماً أنا كلمت أخويا وقالي بيتي مفتوح في أي وقت وفرح جامد.
تفوهت زينب دون أن تدرك فداحة سؤالها الأحمق:
_وياتري قولتله إيه سبب الزيارة والمفروض كلهم عارفين إنها كانت هاتتجوز بعد أسبوع؟
أنت تقرأ
كاليندا
Romanceعاد من عمله ليجد الهدوء يعُم أرجاء المنزل، ولج إلي غرفة النوم، وجدها تنتظره في أبهي زينتها، ترتدي ما يخطف الأنفس و يأسر قلوب أبناء آدم، و عطرها الفواح يخترق أنفه، تبتسم له بنظرة يقع من أجلها أعتي الرجال. تقول له بدلال أنثوي: - كل سنة و أنت طيب يا حب...
