♕أبًنِ شُيَوٌخِ♕(رواية عراقية مصرية)

البارت ال 23

أبن شيوخ ♕

بقلمي عاشقة ♡

.............................

يگول مجنون ليلى

حبيبٌ نأى عنِّي الزَّمانُ بِقُرْبِهِ

فَصَيَّرنِي فَرْداً بغيْرِ حَبيبِ

فلي قلب محزون وعقل مدله

وَوَحْشَة ُ مَهجُورٍ وَذُلُّ غَريبِ

فيا حقب الأيام هل فيك مطمع

لِرَدِّ حبيبٍ أوْ لِدَفْعِ كُرُوبِ

....................................

حسيت علة نفسي ضهري مكسور وميتة برد نايمة علگاع  مادري شگد مر وقت بس شفت  الشمس غايبة ولدنيا ليل مبين من شباك الغرفة.

كمت بكسل شغلت الضوء ودخلت للحمام غسلت وطلعت اريد انزل جوة 

صارت عسل بوجهي  رادت تحجي وتغث  مانطيتهة مجال عفتهة  وراية ونزلت.  حبوبة ونسوان  عمامي كلهن  موجودات   ومرت عمي رحمن امددة وزينب  گاعدة تسويلهة  كمادات 

مروة بصوت متوتر وخايفة ..  شـ شـ شصار ر

محد رد علية كلمن سارح بجهة شكل 
رحت گعدت يم رها

مروة..  رها احجي شصار  عمي ايمتة اجة.

رها..  وصل بـ ٦  المغرب واول ما دخل سئل علة منى وجدي گالة وتخبل.  مامصدگ ولج يبجي ويلط علة راسة. وامهة فاقدة صار ٦ ساعات من وگعت  احنة يمهة  بس تعن  ماتگدر تفتح عيونهة.

مروة...  ليش ما اخذتوهة  للمستشفى

رها... ماكو ولا رجال  بلبيت  كلهم طلعو. يگولون هاذ الي لزمو دلاهم بمكان الأغا مدري لباشة

مروة...  اسمة لباجة. 

رها...  هاذ لباجة طلع مو هين  خلة حتة جدي يطلع يدور علي

مروة...  ما وصلتكم  اي اخبار  عن منى

رها....  لا ولا احد يقبل يرد علينة.

...  زين هاذ محمد منو گللكم يندل

.... مادري بس سمعت صگر يسولف الحبوبتة  يگوللهة  هاذ لزلمة  لابوي رابطة دلاهم بمكان خالة منى بس گال لابوي ما ادليكم  اذا ما تقتحمون  بيت الـ اغا وتجيبون  اختي  تأمنونهة  عدكم  

مروة...  صحيح هوة گال عندة اخت  

رها...  وهاذ لباجة علة گولتج  يمكن حاجزهة عندة 

مروة بخوف وقلق...  يارب يلکون منى  ونزلت دموعهة. 

رها....  نشالله يارب  والله من لخوف ولقلق حتة لنوم طار من عيونة  ولولد صار يومين لا نوم لا اكل  حالتهم حالة وهاذ فارس احسة راح يتخبل