♕أبًنِ شُيَوٌخِ♕(رواية عراقية مصرية)

البارت ال ٣٨

أبن شيوخ

بقلمي عاشقة

ــــــــــــــــــــــــــــــــــــــــــــــــــــــــــــــــــــــــ

ندگ باب غرفتي

رنا...  تعالي.

نفتح الباب ودخل معتصم.  بداخلي فزيت خايفة  بس ما نطيت اي ردة فعل 

ضليت گاعدة  اباوع علي   بتوتر  حجة

معتصم....  اگدر  احچي وياچ 

رنا...  احجي اسمعك

معتصم....  اولاً اسف علة كلشي  

رنا...  وصل اسفك

معتصم...  چا ليش هيج تسوين بروحچ 

رنا...  شمسوية

معتصم...  حابسة روحچ بغرفة بعيد عن كل عائلتج بس حتة متشوفيني  وانت تعرفين كلش زين  انه تصرفت هاذ التصرف بدون وعي.   تتوقعين  انه اگدر  ائذيج وانه صاحي

هزيت راسي...  لا

معتصم.... چا ليش  حابسة روحج لهسة خايفة مني رنا وانه  اكثر شخص تمونين علي وياما وياما دفرتيني  وضربتيني  ونهزمتي. ما احاسبج اشوفچ طفلة. صغيرة عاذرج

رنا نزلن دموعي وختنگت...  انت مو السبب الوحيد بحالتي هاي لا تلوم نفسك وعوفني حباب

معتصم....  احچيلي

هزت راسهة برفض....  ما اگدر

معتصم...  ليش

رنا....  لا تلح علية كافي اطلع لا يشوفوك ويسوولي سالفة ما ناقصني ترة

معتصم....  يجرالج

طلع وسد الباب  ورا كمت طفيت الضوء وغطيت راسي اشهگ بصوت مكتوم

مرت  فترة علة كلامنة وبيوم  اجة هوة ياخذني من المدرسة  وبطريقنة  حچة وياي

معتصم....  راح اخطبچ مرة ثانية من جدي توافقين

رنا.... طبعن لا

باوعلي صفح.... ليش 

رنا....  بدون  ليش

معتصم...  بس انه اريدچ

رنا...  انة ما اريدك 

معتصم....  خوش 

بس نزلت ركض لغرفتي خايفة يفتح الموضوع وية جدي ويغصبني ع الزواج 

.......

مروة....  والله انه سمعتهة  تحجي وية  خالتي  تگلهة گلت بلكت تصير عاگر  ماتحبل واخذلة. عروبة. بس حبلت بعد مالي حجة. علي 

زينب.... زين ليش انه بشنو اذيتهة 

مروة...   هاي امي متستقر الا تخلي غياد يتخبل عليهة

زينب...  مروة الله عليج ساعديني خايفة  يوگعني يشربني  شي يسقط الطفل

مروة....  لا تخافين مايصير شي نشالله  بس انتي هم لا تأمنين وتاخذين منهن شي  ولا تمشين قريب منهن بتعدي  وانه بس يچي غياد احجيلة