♕أبًنِ شُيَوٌخِ♕(رواية عراقية مصرية)

البارت ال ٣٩

أبن شيوخ

بقلمي عاشقة

ـــــــــــــــــــــــــــــــــــــــــــــــــــــــــــــــ

بعد مرور سنة  و٣ اشهور

زينب...  يلا غياد اكعد حبيبي راح يوصلون 

غياد بنعاس...  ما اگدر اگوم  اخاف تگعد اميرة ابوهة 

زينب...  اي وتگعد شكو عليهة  ماخذة مكاني الزرگة

غياد...  اذا آكد  زرگة  چا انة شنو ولكم مو خدود عليهة تفاح بوية والله تفاح 

زينب...  اي كافي عاااد  يلا حمامك جاهز ادخل اسبح بين ما اغير الآكد

غياد...  اخذهة تسبح وياي 

زينب...  يااا غياد باردة عليهة لا تتمرض 

غياد...  اخذيهة  غيريلهة  يلا  حتة  من اطلع انزل انه وياهة

زينب...  وانه😟😔

غياد....  ههههه بس لا تغارين من بنتچ

زينب...  غياد والله زودتهة  احسك تتعمد  تغثني 

غياد. ..  لا والله 

زينب...  اي والله

غياد...  مستعجل جان  عرفت شلون ارد عليچ
زينب...  الحمدالله

ضحك ودخل يسبح  رحت غيرت ال آكد ملابسهة  جانت نايمة نص ونص   وانة اغيرلهة  

طلع غياد بدل  واخذهة ونزل  رتبت الغرفة ونزلت طايرة من الفرح 

لگيت البنات كلهن منجمعات بصالة هنة واطفالهن  مروة  وتوئمهة   علي وفاطمة   ورقية  وابنهة راصد  وجيلان وابنهة  فهد    ورها وابنهة عبوسي   ودجله هية وكروشتهة   ورنا وحبوبة  وامي ونسوان عمامي
كلنة گاعدين ننتضر

جدي ولولد راحو يجيبو  بس غياد ونصر بقو يشرفون ع الاكل  ويستقبلون  المعازيم  لان جدي سوة  وليمة كبيرة بهاي المناسبة

صار صوت ضرب  نار  وبواجي برة  عرفت وصلو  لا ارادياً  نزلن دموعي  حتاريت شلون استقبلة متلهفة علة شوفتة  

دخل وكلنة شهگنة بشوفتة  فرحانين  وجدي حاظنة ويبچي وحبوبة تهلهل وترجع تحضنة وتبچي  عمر يبجي بحضنة مثل الطفل الصغير  وهوة  مبتسم بحزن ولمعة دموع بعيونة  يدور بلوجوه  كون يشوف محبوبتة 

بهل اثناء دخل معتصم  ويا صگر من شاف ابوة صاح بووية وحضنة  
نزل فارس علة ركبة گدام ابنة واخذة بحضنة  يهدي بي ويمسح بدموعة 

صگر...  بوية وين جنت روحي لابت عليك صرت بصف السادس عرفت

فارس. ...  اي عرفت عفية  ابني البطل  امك زينة

صگر...  اي زينة  بس ماتقبل تجي

فارس...  عوفهة براحتهة  

وكف كدامي باوعلي وبتسم  فتحلي ايدة   ما فكرت بحلال وحرام حضنتة ملهوفة وابجي بنحيب  اشهگ
قرب همس بإذني كلمات خلتني انصدم وابتسم بفرحة