♕أبًنِ شُيَوٌخِ♕(رواية عراقية مصرية)

البارت ال ٣٤

ابن شيوخ  ....

بقلمي عاشقة..... 

((اللهم صلِّ على سيدنا محمد وعلى آله سيدنا محمد))
ـــــــــــــــــــــــــــــــــــــــــــــــــــــــــــــــ

باوعتلة  مستغربة حالتة   گاعد ؏ طرف السرير  وضام وجهة بين ادية ويشهگ بصوت ناصي

وكفت كدامة وحجيت بتوجس اخاف اسمع خبر يصدمني 

زينب...  شبيك غياد  ليش تبجي

رفع راسة باوع بعيوني  عيونة دم جر نفس مثل لمنشول وگال....    تخبل من حجيتلة   الصار وياج  ورزلني  لو تشوفين.  حرگة گلبة من يحجي علية بسببج  تگولين هذه أخ ومحروگ گلبة علة اختة   وهسة شوفي وينة بلمستشفى بين الحياة ولموت  تصوب بظهرة ويمكن ينشل    لييششش ياااربي لييييش  والله اشرررررف رجال صادفتة بحياتي. حرررام هيج يصير بي والله  ميستاهل.

زينب نقبض گلبي من كلامة حسيتة يقصد زوج  المحامية.

گعدت بصفة ؏ الجرباية  ...  منو هاذ.........  غضنـفر

هز راسة  ومسح  دموعة  ..  اي هوة. تعرضنة  الهجوم   قبل يومين.  واجتة اصابة بضهرة خطيرة   وحالين بلمستشفى الدكتور مايبشر بخير   ابد

زينب...  الله يكون بعون زوجتة  خطية 

حجة بنفعال....  تررة زوجتة  بربـ** ما تهتم  

زينب....  ليش تحجي هيج عليهة حرام عليك  وعيب من صاحبك تحجي عن مرتة هيج  ترضاهة. يحجي علية

غياد...  ورمت گلبي  من برودهة.  

زينب...  البنية متأذية  انت متعرف ضروفهة شنو  حتة تحجي شمدريك هوة ما مأذيهة  وضالمهة

غياد....  اتوقع الضلم من الكل الا هاذ مستحيل يضلم احد  بس هية ماتحبة.

زينب... چا ليش   تزوجهة من البداية.  اذا متحبة  

غياد...  ما ادري  سئلتة ما جاوبني 

زينب....  لمفروض ما عفتة بهيج حالة وحدة

غياد....  زينب ما اگدر.   اضل واشوفة بهاي الحالة. شوي زين شوي نتكست حالتة وضل يمة عباس  الي يشوفة يگول   هاذ اخو وهيج  نهة روحة ورا.

زينب...  عباس هاذ الي يحب وحدة واهلهة ما ينطوهة 

غياد....  اي هوة  

زينب...  عيب لازم  اروح اشوف جلنار. 

غياد....  گلبي محمل عليهة حتة  اسمهة اكرهة

زينب... الي يسمعك يگول هية كاتلتة  ترة هم زوجهة 

غياد...   هسة تلگيهة ما مهتمة.   تموتة وتروح تتزوج 

زينب....  لاتاخذ غيبة حرام عليك غياد  

غياد...  زنايب  حضريلي. حمامي  راسي راح يتفجر اريد اسبح  وانام وبليل ارجع للمستشفى