Grace's Diary

16

လေကလေးများဝှေ့လိုက်ရင်
အရှေ့အရပ်က ကျွန်းပွင့်လေး
တစ်စစီ ကြွေကျသွားမှာပေါ့။
ဒီရက်တွေမှာ
အတိတ်တွေဆီ
ပြန်ခိုချင်စိတ်က ခက်နေတာ။

အချစ်ဦးပုံပြင် ကိုနားထောင်လိုက်တိုင်း
အရင်လိုပဲနော်
ခံစားမိလား။
တစ်ယောက်ယောက်ကို အလျင်မမှီလိုက်မှာနဲ့
ပင်ပန်းတဲ့အခါ
ပြန်စရာအိမ်မရှိတော့မှာကိုပဲကြောက်နေတာ။

အေးချမ်းနေတဲ့စိတ်တွေကို
လိုက်ဖျက်စီးနေတဲ့ ယုန်တွေရှိ‌‌နေပြီလို့
ရို့စ်ကပြောတယ်။
လောကဓံကိုလည်း သိပ်မကြောက်တော့ပါဘူး။
မိုးကုတ်စက်ဝိုင်းနဲ့အနီးဆုံးမှာ
ကြယ်လေးသွားဖြစ်ဖို့
မေမေ့ပန်းခြံထဲက ယုဇနပန်းလေးဖြစ်ဖို့
ဖေဖေအကြိုက်ဆုံးလို့ပြောတဲ့
သီချင်းလေးဖြစ်ဖို့
အဲ့ဒီအမျိုးသားရဲ့ ဂစ်တာလေးဖြစ်ဖို့
ငါ့ဝိဉာဉ်တွေကို အစိပ်စိပ်ပိုင်းလိုက်တော့မလို့။