الجزء السادس
رن جوال فهد بنص نقاشه مع الزين او بالمعنى الأصح تهزيئه لها فتح السبيكر لأن سمعه ضعيف بعض الشي
فهد بأسلوب دفش:الو من معي
سلمان:معك سلمان الفرج بس حبيت....
حست الزين بأمان واهتمام شخص لها وتنهدت تنهيدة راحة
قاطعه فهد بإحتقار:وخير ياطير يعني وليش داق علي
وش تبي
سلمان وهو يحاول يمسك اعصابه:داق اتطمن على الزين بعد اللي سار لها
فهد:وعلى اي اساس تطمن عليها
سلمان:انا محترمك عشانك رجال كبير لا تتجاوز حدودك احسن لك
فهد:يرجال تقلع بس
وقفل بوجهه سلمان حس بغبنة بس سكت ودق على حِصه هي الوحيدة اللي تقدر تسعده وتاخذ همومه
نزل لقى علياء في المطبخ قاعدة تسوي قهوة وتروق عليها بعد الجهد اللي بذلته اليوم
سلمان:وين حِصه؟
علياء:راحت بيت جدتها ليش فيه شي ؟
سلمان:لا أبد مافيه شي، ايوة انتي انشاء الله متى بترجعين بيت زوجك
علياء:مدري والله وبعدين انت ليش تسأل 🤨
سلمان:عادي استفسر وش فيها!،تدورين مشاكل شكلك!!
علياء:ماراح ارد عليك عشاني اكبر منك 😒
حِصه كانت ببيت جدتها ام ابوها
دق جوالها وكان المتصل سلمان عرفت انه فيه شي
راحت بغرفه فاضيه عشان ازعاج بزران عماتها وعمانها
ردت عليه بنبرة متخوفه:الو
سلمان:الو هلا حِصه
حِصه:هلا خالي سلمان
سلمان:عندك شي يعني قصدي فاضيه ولا لا ؟
حِصه: ايوه والله فاضيه ليش في شي
سلمان:بأعزمك على قهوة
حِصه:قهوة الساعه ثنتين اليل ؟؟،ايت مقهى تلقاه فاتح الساعه ثنتين ماشاء الله!
سلمان:ذحين بتجين ولا لا ؟؟
حِصه:خلاص لاتنفخ بأجي بس بأقول لبابا
سلمان وهو يقلد نبرتها:ياي بابا
حِصه:ترى والله اكنسل
سلمان:يبنت استحي خالك انا تهدديني!
حِصه:اقول بس بأقفل انا مع السلامه
طلعت من الغرفه بعد ماقفلت جوالها من المكالمة وراحت عند ابوها اللي كان جالس مع عمانها وعماتها قاطعت نقاشه مع عمها الغثيث اللي ينتقد كل شي
حِصه:بابا بأطلع مع خالي سلمان هو بيمرني
قط عمها بالسالفه:وش طلعاته الساعه ثنتين الليل
أنت تقرأ
فارس وماغيره له القلب إنفرس (موقفة)
General Fictionفرس من حِسنها الحِسن إنخرس الداعم:rauqi_11 كلُ ماكُتب من نَسج خيالي ولاصِلة له بالواقع لاأحلل التعليق على روايتي او قرائتها بدون تصويت ✨
