الجزء السادس عشر
دقت على تغريد تبي تعرف وش صار معاها بالمقابلة مع رئيس النادي والغريب ان تغريد ردت عليها بسرعة البرق
الزين:الو
تغريد:الو هلا والله زيون بقولك وش صار لأني مو قادرة اكتم اكثر من امس
ضحكت الزين:قولي قولي وش صار معاك وانا بقولك وش صار معي امس
حكت لها الي صار من الالف الى الياء
تغريد:اسمعي روحي شوفي وش ارسلت لك سناب
الزين :دقايق طيب خليك على الخط لاتقفلين
وراحت السناب ودخلت على المحادثة وتشوف صورة تغريد مع صالح ونظرات صالح لها والواضح انه تغريد ماإنتبهت لنظراته وكل همها الصورة بس
الزين:ياورعه شوفي نظراته لك
تغريد:ماأهتم انا ترى وش قالولك زي بعض الناس قلبي رهيف
الزين:شقصدك كأنك قاعدة ترمين كلام🤨
تغريد ضحكت:لا لا شدعوة ماأقصد وبعدين من قال انتي رهيفة انتي معروفه بثقلك عموماً بعدين اكلمك عندي شغل اليوم باي
قفلت المكالمة
الزين وهي تشوف تم اغلاق المكالمة تطالع بذهول:اسلم يالشخصية المهمة
نزلت تحت لقت مرة خالها وتسولف مع امها
الزين وهي تراقبها من الدرج:هذي وش جابها جايه تدور علوم انا داريه ماتتوب ام زكي اعرفها ياخوفي نهار القاها تكسر السفرة وع
وهي بنقاش مع نفسها الا وتلمحها مرة خالها وتناديها بصوت عالي
الجازي:ياهلا الزين تعالي عندنا انا وامك
الزين توهقت:هلا ايه جايه جايه
وامها تغمز لها بمعنى(انزلي) ونزلت وهي تتأفف وجات وقعدت معاهم
الجازي:الا ماقلتيلي ماجوكم خطاب
هناء:نصيبها عند الله ماندري
قاطعت الزين هناء ومو على عادتها تقاطع امها
الزين يتهجم:انتي وبعدين معاك سكت لك المرة الاولى قلت تحس على دمها لكن المرة هذي جاية بيتنا ودايسة بساطنا عشان ترمين علي كلام ان ماحشمتين نفسك وبطلتين السيرة هذي ماأكون انا بنت فهد ان ماخليتك تمشين وتسولفين مع نفسك
وقامت من عندهم وهي واصلة اعلى مراحل الغضب
هناء وهي تحاول تصلح ماأفسدته الزين:معليه يوخيتي امسحيها بوجهي اعذريها هي هالفترة مضغوطة شوي
الجازي:مضغوطه من وش حتى وظيفة ماعندها حتى خيلها ابوها باعه
سمعت كلامها الزين ونزلت لها من الدرج وبكل قوتها
أنت تقرأ
فارس وماغيره له القلب إنفرس (موقفة)
Ficción Generalفرس من حِسنها الحِسن إنخرس الداعم:rauqi_11 كلُ ماكُتب من نَسج خيالي ولاصِلة له بالواقع لاأحلل التعليق على روايتي او قرائتها بدون تصويت ✨
