مرت الأسبوعين اللي كأنها سنتين على قلب الزين وبدون مواقف بينها وبين سلمان
يوم السباق كان الكل متوتر الا الزين لأنها متعودة على السباقات اللي نفس كذا اكثر من مرة تدخل فيها وضامنه الفوز
كان في الإسطبل احمد وسلمان والزين ومحمد
أحمد وهو يشجعهم:احنا بنواجه اقوى الفرسان من اليابان شدوا حيلكم وتذكروا انتوا بتمثلون بلدكم في السباق هذا وصدقوني بتفوزون الله معاكم انشاء الله وتعبكم ماراح يضيع
وبعدها نظر بالزين بنظرة كلها امل:الزين انا اثق فيك انك بتجيبينها هذي مو اول مرة تشاركين بسباق زي كذا لاتخيبيني وبالمناسبة لبسك جداً جميل ويعبر عن تراث اهل الشمال
الزين وهي تبادله نفس النظرة:وانا قد الثقة وماراح نخيب ظنك انا والكابتن
سلمان اول ماقالت الكابتن عيونه توسعت وحس بشي غريب ومتلخبط بنفسه
دخلوا للميدان لكن وقفهم هتاف المصورين لهم بأنهم يلتقطون لهم صور
كانت هذي الوضعية الاولى الزين وسلمان مع بعض (طبعاً الزين متلثمة مو باين منها الا عيونها انا فقط اتكلم عن وضعية التصوير)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بينما هم يتصورن هالصورة لاحظت الزين قرب بينها وبين سلمان وقالتله بصوت منخفض:معليش ممكن توخر شوي لأنك قريب
سلمان بعد ماسمع كلامها وشاف خجلها ذااب على صوتها وحس انه بدأ يحبها ايوه ايوه بدأ يحبها
الوضعية الثانيه للزين لحالها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في المقر الثاني عند فرسان اليابان
جاك:هناك فارسة سعودية ومن الواضح لي انها محترفة اريدكم ان تلهونها وتشتتون تركيزها
لوكس:ولكن من الواضح لي انها متمكنة ولايمكن تشتيتها
جاك بعصبية:لايهم اذا كانت متمكنة ام لا المهم اننا سنفوز ولو كان بالغش
لوكس:حسناً ماذا سنفعل اذاً ؟
جاك:سوف تفعل اللذي اقوله لك وتطبقه بالحرف الواحد
لوكس:حسناً
بعدما خلص من قول خطته الخبيثة كانت زينة بمقرهم والميكب ارتست كانت تعدل الميكب حقها
الميكب ارتست:عادي تفكين اللثمة بس اعدل لك اللوس باودر
الميكب ارتست بفضول:ليش مافكيتين اللثمة وهم موجودين ؟
الزين:لأني انا اصلاً منقبة فـ ماأبغى احد يشوف وجهي
الميكب ارتست:اهاا ماشاء الله عليك حبيت التزامك
الزين:شكراً 🥹
دق عليهم الباب
محمد من ورى الباب:الزين استاذ احمد يقولك تجهزي دقايق وتروحين الميدان
الزين:تم ماعليك
بدأ السباق وكلن اخذ موضعه هو وخيله كانت الزين تسمع صوت هتاف المشجعين لها وكان شعور غريب يغمرها وكأنها حاسه إنه بيسير شي بس من يوم لمحت جدتها حست بشوية راحة وهي تشجعها
علق المعلق معلن بدأ السباق
المعلق:خذوا مواقعكم شدوا اللجام وأنطلقواااا
وعلق المعلق الياباني نفس تعليق المعلق السعودي للفرسان اليابنيين
أنطلقوااا..
كانت الزين هي وسلمان يسرعون بأقوى ماعندهم ويشدون اللجام بأقوى ماعندهم وصلوا لمنطقة بالميدان كان الزامي انهم يعبرونها كانت خاليه من الجمهور بس يسمعون صوت المعلق وحتى صوت الجمهور كان مو واضح لهم ابداً ماهي الا دقايق وحست الزين ان احد يشد لثمتها وانشقت لثمتها حاولت تغطي وجهها بأي شي وشافت اللي شق لثمتها يجري قدامها بس ماقدرت تميز ملامحه وماهي الا ثواني الا وتحس احد يشد حجابها لين بان شعرها الطويل الزين انهارت ونزلت من خيلها وماقدرت تكمل السباق انتبه لها سلمان وشافها وهي منهارة هدا خيله اللي كانت مسرعه وقالها وهو غاض البصر ....
سلمان:من سوى فيك كذا
الزين وهي تبكي بحرقة:مالك دخل فيني روح كمل السباق روحح
سلمان:كيف اروح وانتي كذا
الزين:والله يسلمان لو مارحت اني ماراح اسامحك طول عمري روح ارفع راس امك وابوك تراهم ينتظرونك
سلمان حس بدافع من كلامها وراح ركب فرسه وشد لجامها وتعدى هالمنطقة الي كانت بالنسبة للزين منطقة مشؤومة وراح ووصل عند فرسان اليابان بس كانوا سابقينه وهو سار يسرع لين وصل بنفس المستوى الي هم فيه بس هم ماهمهم سلمان همهم الزين وانهم يعرقلونها عن مسيرتها
وصلوا لنهاية الميدان بس اللي سبقهم كان سلمان طبعاً كان احمد على اعصابه لين شاف سلمان وصل قبل فرسان اليابان وسمع المعلق يعلق معلن وصول سلمان بلأول وقبل باقي الفرسان رمى غترته من الفوز وكان الكل فرحان على فوز سلمان على اقوى فرسان بس عيونه كانت تدور الزين وين راحت مو من عادتها انها تخسر هي ماعمرها خسرت اصلاً اكيد فيه شي ....
...
.. والله معليش تأخرت بس عشان العيد وتحهيزاته 😭😭 انشاء الله بعوضكم البارت هذا اعتبروه تصبيرة عشان ماأسحب بس
