الجزء الثالث عشر
(لاتنسون تصوتون✨)
إنتهت المباراة بنتيجة1:0 لصالح الهلال واللي سجل الهدف كان سلمان طبعاً
كانت على اعصابها من قرب سلمان للمرمى وهي كانت منتظرة تسمع (goal)من المعلق وفعلاً سجل goal حست بفرحة مو طبيعيه مو عشان هي تشجع الهلال لا عشان سلمان اللي سجل وكانت هذي رجعة قويه خصوصاً إنها كانت بعد إصابه قويه حصلت له
رجعت البيت الساعه 12 على دخلتها للصاله سمعت أبوها يتكلم مع امها
فهد:تصدقين احس اني ظلمت الرجال واضح انه طيب انا مدري وش صابني يوم قلتله كذا ماأستوعبت الا بعد مدة الكلام اللي قلته له
هناء بإنصات:ليش وش قلت له ؟
فهد:تذكرين اللي كلمك يوم الزين مرضت في المستشفى ؟
هناء:ايه تذكرته
فهد:هذا اصلاً لاعب بالهلال المهم انه كان مع الزين قبل لانجي حنا المستشفى كنت مب شايف قدامي مسكته مع ياقة قميصه وقلتله احلم بها
هناء:يعني خبرك عشان كذا قعدت تصارخ الزين يمكن إنها تحبه ماتدري وانا الصراحه لو جاء طلب يدها بوافق بدون آخذ رايها حتى واضح عليهم ماشاء الله اهله ناس محترمة
الزين كانت واقفة عند الباب وسمعت كلامهم كامل وسجلته كله بالحرف الواحد تبي ترسل لسلمان الكلام بس ماعندها لارقمه ولاشي حتى يوم طلبت رقمه من حِصه رفض المتناقض!!
مالقت الا انها تدخل حسابه إنستقرام ولقت الإيميل حقه ورسلته له بس الغبيه ماتدري إنه اللي كان ماسك الايميل مو سلمان خلينا نقول مدير أعماله اما عن الثاني ماتردد في فتح البريد مافتح الصوتيه خصوصاً إنها جات من حساب بنت وأرسل المقطع الصوتي لسلمان على الواتس
أما عن سلمان الي كان مُنهك بغرفة التبديل وكان يهوجس بعيونها الي إنطبعت بذاكرته الكل مبسوط بالفوز مع إنه مو اول مرة يفوزون بس فرحانين بسلمان وبرجعته القويه مايدرون إنه سجل عشان يشوفها مبسوطة
خياله عيونها بس الواقع صخب الأغاني جاته رساله من مدير أعماله ماأهتم لها ولارجع البيت يفتحها
واجهة اخرى
دخلت عليهم بعد ماسجلت كلامهم وأرسلته للبريد حق سلمان ووجهها مستهل يمكن عشانها شافته بس هذي مو اول مرة تشوفه او يمكن عشانها تعمقت بتفاصيل ملامحه اكثر من المرات الي قبل يوم كانت تصد عنه وتتهرب منه اما الحين تحس بإحساس غير
أول مادخلت عليهم سكتوا وعلى طول غيروا السالفه
الزين بضحكة:شدعوة ليش سكتتون ؟
هناء:هلا زيون كيف كانت المباراة انشاء الله استانستين؟
الزين:الحمدلله مرة حلوة وتخيلي كمان طلبوا حِصه بلإسم واعطوها بطاقه وكان معانا بوديقارد وودانا لمقاعدنا وبين الاشواط ودانا عند مقر كذا مدري شسمه المهم انه حق اللاعبين وقتها كان عندهم بريك بين الشوطين وشفت كل اللاعبين
أنت تقرأ
فارس وماغيره له القلب إنفرس (موقفة)
Fiksi Umumفرس من حِسنها الحِسن إنخرس الداعم:rauqi_11 كلُ ماكُتب من نَسج خيالي ولاصِلة له بالواقع لاأحلل التعليق على روايتي او قرائتها بدون تصويت ✨
