الجزء الثاني عشر
كان يتردد بإذنه صوت فهد وهو يقوله أحلم بها كان يزيد كره لفهد كلما تذكر هالكلمة ..
وصل البيت مالقى غير صوت أمه وهي تقرأ قرآن راح لها وشافها قاعدة على سجادتها حط راسه على فخذها ونزلت دموعه مع إنه معروف بصلابته وثقله ورزته بس اذا كان الشي يرتبط بالحب هنا ينسى الصلابة والثقل
تنهد تنهيدة فيها الرجفة ومازال كلام فهد مسيطر على مسامعه وكل شوي ينعاد
حست أمه فيه أكيد لأن احساس الأم غير
الأم:وراك يسلمان من يوم مادخلت علي ووجهك قالب وراجع البيت على أذان الفجر
سلمان:يمه والله اني ضيقان
الأم:سلامة قلبك من الضيقة يولدي قلي وش مضايقك
سلمان:يمه انا الحين على وجه زواج ولقيت البنت اللي عقلي وقلبي حبوها
الأم:اجل وشوله الضيقة
سلمان:ابوها حلف علي اني ماآخذها
الأم:وهي البنت تبيك طيب؟
سلمان:ايه يمه وانا ابيها على سنة الله ورسوله بس ابوها
الأم:ماعليه يولدي اذا الله كاتب بينكم نصيب بتصيرون لبعض غصب عن اللي يرضى واللي مايرضى
سلمان:يمه بس ابوها كان معزم على كلامه
الأم:قدرة الله فوق كل شي وفوق كلام ابوها بعد ونفس ماقلتلك اذا بينكم نصيب الله بيجمعكم لو كنت بالغرب وهي بالشرق رح صلي إنت الحين وادعي إن الله يجمع بينكم بالحلال
قام من عند أمه وراح للمغاسل يتوضى وراح غرفته وفرش سجادته وصلا وبعدما خلص صلاته تذكر كلام امه وهي تقوله أدعي إن الله يجمعكم بالحلال أخذ زفير بقوة وبسط يدينه وجلس يدعي فوق سجادته:
سلمان بتأني وخشوع:اللهم إني أحببت عبدة من عبادك إن كان لي خيراً فيها فسهل أمورنا وإن كان ليس لي بها خير فأجعل الخير كله بها وأجعلها من نصيبي.
ختم دعائه ببكاء صامت وبعدها نام على سجادته
الساعه12 الظهر
قام من النوم على رسايل كثير بجواله من حِصه وأكثر رساله شدته هي
حِصه:خالي سلمان الزين تبي رقمك أعطيها ؟
سلمان أستغرب من هالرساله وشك انها من مقالب حِصه بس عنده احساس غير وانه فعلاً الزين تبي رقمه.
سلمان:حصوص من جد تبي رقمي ولا هذا مقلب من مقالبك
حِصه سجلت له فويس:يارجل قسم بالله انها تبي رقمك انت متخيل انها يوم كلمتني صوتها واضح اشد الوضوح انه تعبان هي دقت علي عشان وقالت تبي رقمك
سلمان:قوليلها ماأقدر وانا ماعندي هالحركات ويالله مع السلامه عندي تمرين.
حِصه إستغربت يوم شافت الرساله وحست بقهر بعض الشي وش اللي غيره بعد ماكان ينتظر الفرصه ويروح يخطبها
أنت تقرأ
فارس وماغيره له القلب إنفرس (موقفة)
General Fictionفرس من حِسنها الحِسن إنخرس الداعم:rauqi_11 كلُ ماكُتب من نَسج خيالي ولاصِلة له بالواقع لاأحلل التعليق على روايتي او قرائتها بدون تصويت ✨
