البارت 7
ماسكن غيّره خياليّ والغلا ماهو لغيره
واحدٍ من طرالي جَاب طاريَّه المسره
,
بمجلس الحريم عند الجده بدريه اللي أقترحت عليهم انهم يطلعون البر والكل آيد الفكره ،،
ضاري اللي دخل المجلس و وجهه مو على بعضه سألته بدريه : شفيك يما ضاري و آل ثنيان وش يبغون
ضاري اللي ناظر جدته وبعدها ناظر عايشه بهدوء : طلبوا يد عايشه لولدهم وجدي وعمي رفضوا
والكل ناظره بصدمه بعدها ناظروا عايشه اللي ماخفت عليهم بس صدمتها وتوترها من نظراتهم
قامت عايشه بهدوء تطلع برا البيت فجأة خانتها دموعها تنزل مسحتها على طول
شريان اللي كان توه طالع من المجلس شافها وماعرف يحدد شعورها هل هي بكت عشان ارفضوه لكن صوت له جده اللي
بلغه انهم بيمشون للبر وهالموضوع يتسكر ولحدٍ يدري به
*
*
*
*
بالبر الكل كان جالس ببيت الشعر اللي بصدره جالس الجد سعود وقدامه عياله واحفاده
الليث اللي توه جا ومعاه مطلق : السلام عليكم
الكل : وعليكم السلام
شريان اللي اشر لمطلق يطلعون برا وفعلاً طلعوا
مطلق بتساؤل : انت وش فيك تراك مو عاجبني هالايام صاير شي بدوامك ؟
شريان الي يناظر حلالهم اللي كان نياق و خيول : يعني وش فيني والحمدلله دوامي مافيه شي ولا صاير لي شي
مطلق بضحكه : انا اخو شريان لا يكون طايح لك طيحه
شريان اللي ناظره بنظره حاده : انت ماتعرف تسولف ولا تبيني الحين اترس فمك تراب
مطلق : ياخوي نمزح نمزح لكن ان في مني
مناك قولي
شريان اللي انغث من مطلق : مطلق تعرف تذلف عني الحين لا اتوطى ببطنك
مطلق : طيب طيب بروح وخلك هنا جالس وحيد
شريان الي كمل مشي لحد ماوصل ورا الشبك وجلس وهو يفكر باللي شغلت باله وتفكيره وماهي من عوايده انه
يجلس لكن عقله وقلبه مو معه
عند البنات اللي كانوا جالسين بأحد الخيام
عايشه بتملل : انا بروح اتمشى احد يبي يجي ؟
ضيّ ونجد : لا مالنا خلق
ملاذ : اصبري بروح معك
عايشه طلعت وجت وراها ملاذ تدندن
عايشه : ملاذ خلينا نروح عند الخيول
ملاذ بتردد : انتِ مو تخافين منها وش عندك ؟
عايشه : وشفيك مابقرب لها بس نجلس بعيد شوي
جلسوا ملاذ وعايشه وكان قدامهم الشبك لكن
هم من جهة الخيول
شريان اللي شد انتباهه الصوت اللي قريب منه
لكن ماتحرك ظل جالس
عايشه : ملاذ تهقين ليه الكل رفض اللي تقدم لي ؟
ملاذ : انتِ من جدك تسألين ذا السؤال انتِ الحين مو تبين شريان وش لك من اللي متقدم لك ؟
عايشه اللي تنهدت : مابغى شي ،، هو صحيح احبه لكن احسه ماعنده مشاعر يعني جامد مره تصدقين عمري ماشفته
يضحك دايم ملامحه حاده
ملاذ : تخيلي يكون يحبك لكن مايعرف شلون يعترف لك
عايشه : وش يعترف لي خلي عنك بس لو يكن لي مشاعر تجاهي كان كلم ابوي
ملاذ : اتركينا بس انا بروح اجيب فروتي واجيك تبغين شي ؟
عايشه : لا بس لاتطولين
