البارت 3>
الضحكه الي معك أحس أنها
موطني و أنا من دونها غريب الدار
عايشه الي دخلت المجلس عند جدتها وامها وخالتها
الجده بدريه : هلأ بالغالية وينك يما ماشفناك
عايشه وهي تروح لها : والله ياجده كنت عند جدي يبغاني اليوم اقعد عندكم
الجده : بينور البيت وغرفتك تراها جاهزه وادري بكم انتي وملاذ يبغالكم غرفه وحده لكن حطيتك قريب عند غرفتها
عايشه وملاذ وهم يصفقون يدين بعض : هيّااا
العمه عروب وهي تناظر فرحة ملاذ : اي عايشه مابغيتي تقعدين عندنا لجل تفكينا من عمك المزعج تراهو ازعجنا الحين بيبسط عندتس انتي وملاذ
عايشه وهي تضحك : صدق وينه ماشفته كل مره ينتظرني عند الباب
ضيّ : لاتشوفينه من اليوم وهو يحن وين عايشه واخرته طفش وطلع
*
*
*
بمكان ثاني مكان في العدل وبعيد عنه الظلم عند محامينا مطلق صديق شريان واقرب اصحابه
"تعريف بسيط عن محامينا مطلق "
مطلق المحامي الي صيته عالي بالرياض وانه افضل محامي ويحب يضحك ويمزح لكن شخصية صديقه شريان تغلب عليه مرات اخذ من اطباع شريان كثيير عمره 28 .
خارج من المحكمة وهو فرحان لانه كل عاده كسب القضيه وماهو شي جديد عليه
اتصل شريان عليه و هو يرد بفرحه : هلا وغلا بالعشييير وين الناس
شريان : ها مدام انك فرحان اكيد كسبت القضيه
مطلق : افا علامك ولا انا دايم وجهي مبتسم
شريان بطقطقة : ايه ايه صادق
مطلق : اقول اترك عنك بس وقولي وينك عشان نتلاقى ياخي مشتاق لك ومشتاق حق الليث
شريان : والله هذا توني طالع من الدوام لكن تم اليوم تعال مجلس جدي بنكون هناك
مطلق : تم ، مع السلامة
شريان : الله معاك .
البارت 4 >
اللي يعرفك مايبي غيرك .. ولا يترك هواك !
واللي يحبّك لو عشق غيرك فـ هو فعلًا غبي
بيت الجد سعود الكل جالس بالمجلس الا شخص واحد والشخص هذا دايماً بكل جلسه لهم يكون
مختفي
الليث وهو ضام عايشه لصدره : وأخيرًا يعني بتجلسين عندنا مابغيتي يعني الحمدلله انك جيتي الحين يكون عندي سبب اقطع شريان ومطلق
عايشه وهي تضحك : اي الحين اشوفك اذا جاء شريان بتجلس عندي ولا تروح معاه
الليث : افا ما اتركك واروح
وكله كان على مسامع شريان الي كان بيدخل لكن سمع صوت عايشه وظل واقف بمكانه ولايدري سبب وقفته بهالطريقة لكن تراجع وراح لمجلس الرجال ينتظر مطلق
الهيّثم وهو داخل عندهم بالمجلس : السلام عليكم
الكل : وعليكم السلام
محمد : وينك وانا عمك ماشفتك من جيت
الهيّثم : والله مشغول قاعد اخلص اشغالي عشان الدوره العسكرية
محمد : الله يوفقك واذا بغيت شي انا حاضر
الهيّثم وهو يروح يقبل راس عمه : تسلم ماتقصر
ضيّ وهي تناظر الهيّثم داهمتها مشاعر تعرفها وشلون ماتعرفها لانه هالمشاعر ماره عليها بطفولتها لكن ابعدت عن افكارها وهو تقول لنفسها وشفيك مشاعر طفوله ماوراها شي !!!
نجد وهي تدق ضيّ : وشفيك اختبصتي و سرحتي من شفتيه لايكون للحينك
تبي تكمل نجد لكن ضيّ سكتتها : اص اقول لحد يسمعك ويصدق خلاص
نجد : طيب خلاص ماقلت شي
الجد : يبا الهيّثم شفت لي اخوك جاء ولا
الهيّثم : هلا اي جاء وعنده مطلق
الجد بـ استغراب : وشعنده ما جاني
الهيّثم : تبغاني اصوت له يجيك
الجد وهو يهز راسه بـ لا : انا بروح له
الليث وهو يبوس راس عايشه : يالله يالقلب بروح للعشير
عايشه وهي تضحك : طيب طيب الله معاك
ملاذ : شوف شوف وشلون مايبغى يروح
الليث وهو يشمق لها : طبعًا ياحبي ماودي اروح لكن مالي خلق اتجادل مع مطيلق
نجد : الله وعاد هالمطلق الي طايرين به كل ما جاء لكم اشوف البسمة ماتفارق وجيهكم
الليث : اكيد هذا العشير اقول اسكتي لا يسمعك شريان
عايشه وهي تبتسم من طاريه
الليث يالله .. الله معاكم
