البارت 5
أصعب سؤال يمّرني في غيابك ..
شنهو مصيرك يا غلاّي ومصيري ؟
المساء مزرعة بيت الجد سعود الي يحاوطها الورد والزرع من كل صوب عند عايشه والبنات كانوا قاعدين قدامهم طاوله
وحوالينها كراسي على عددهم
نجد وهي تناظر المزرعة بتأمل : بنات تذكرون قبل لمن كنا نلعب بـ هالمكان
وشلون كان جدي يلعب معانا
ملاذ بتذكر : اي كانت أحلى ايام ياليتها تنعاد بس
و اذكر عيال عمي عبدالعزيز ما يلعبون معانا
عايشه : اي اذكرهم عشان اننا بنات
و مايرضون انه ضاري يلعب معنا
ضيّ : عيال عمي من وهم صغار يحبون يركبون الخيل ما تذكرون كل ما رحنا
المزرعة ينبسطون ومحد قدهم
عايشه : أحلى ذكريات فعلاً
ملاذ : اي والله
سمعوا الصوت الي ينادي عليهم وكانت هيّام : يالله يما ضيّ ونجد بنروح البيت
وانتِ يما عايشه انتبهي لنفسك لا تطولين
وانتِ جالسه برا لا يحوشك برد
عايشه وهي تأشر على خشمها : حاضر
ضيّ ونجد : يالله مع السلامه يمكن بكرا نجيكم
ملاذ بمزح : لا رجاءً لا تجون
عند ملاذ وعايشه الي كملوا سهرتهم
وهم يسولفون ويضحكون عن كل شي
ملاذ الي نعست وتبي تنام : انا خلاص طفيت
ابي انام مو ناويه ندخل
عايشه : ادخلي انتِ انا مطوله شوي ادخل
ملاذ : طيب بس انتبهي ترا ولد عمي موجود
راحت ملاذ وهي ماقالت لعايشه انه شريان الي موجود مو الهيّثم !
عند شريان الي جده قاله ابيك اليوم تضل عندي ولا تروح بيتك وما كان من شريان رفض ابداً
البارت 6
إلى الغائب :
للأسف إنّك على البال دايم
عايشه الي سرحت وهي تطالع السماء ينورها نور القمرا وتفكر بحب طفولتها
قالت بينها وبين نفسها " هل هو يحبني زي ما أحبه عنده مشاعر تجاهي زيي "
و يبقى التساؤل " هل "
شريان الي كان طالع من بيت الشعر متجه لداخل البيت لكن صادف عايشه الي انصدم من منظرها كان يدري انها جميله لكن مايدري انها بهالقد جميله وتشلع القلب وهو
يتأملها بانت غمازاتها وهي تضحك من ذكرى طرت على بالها لكن هو ظل يناظر بشعرها المموج
الي يوصل لأخر ظهرها وشلون الهوىٰ يداعبه
ماكان يدري وش يسوي بشعوره بهالحظه
جاء على باله بيت شعر يحبه حيل وماتوقع انه جا وقته " عايش معك بشعور ماعشته ولا اظن يخفاك كل الكلام الي بعيني يسبي شعوري سبي "
ماحس على نفسه الا وعايشه داخله البيت
مسك قلبه وقال : ماهقيتك تخضع لبنت من نظره وتصير ملك لها
*
*
*
الصباح بغرفة شريان جالس على الكرسي وبـ يده كوب قهوه يتذكر الي خذت قلبه وتملكته بـ ليلة ينورها نور القمرا وتذكرها وهي تضحك وبانت غمازاتها وضحك لا شعوري
لكن قطع حبل افكاره جده الي فتح الباب بهدوء وهو يشوف شريان الي سارح بتفكيره
الجد بهدوء : صبحك الله بالخير وانا ابوك
دامك صاحي وراك مانزلت
شريان : صبحك الله بالنور ، توي صحيت امر بغيت شي ؟
الجد بتفكير : وشفيك من ورا صلاة الفجر
وانت مو على بعضك
شريان بتعجب من جده الي مايخفى عليه شي : سلامتك مافيني الا كل خير
الجد : انزل للمجلس بيجونا آل ثنيان
شريان بـ استغراب : وش عندهم جايين
الجد : بنعرف لا جو
"تعريف بسيط عن آل ثنيان "
اكبر اعداء لـ آل ذياب مروجين للأعمال الغير قانونية وهم سبب موت زوج العمه عروب لكن محد يدري
بمجلس الرجال الهيّثم يضبط القهوه والليث يتحارش مع مطلق دخل شريان وبيمينه جده الي قعد بصدر المجلس دخلوا عبدالعزيز ومحمد
الي دخل و وراه ضاري
عبدالعزيز : يبا ما خبروك وش يبون آل ثنيان
الجد وهو يهز راسه بـ لا
محمد وجهه نظراته وكلامه لشريان وضاري : خلوا اليوم يعدي على خير خلينا نشوفهم
وش يبغون وبعدها نتصرف
ضاري : ان شاء الله
وصلوا آل ثنيان والكل وقف عشان يستقبلون ضيوفهم
دخل ابو سلمان وهو يقول : السلام عليكم
الكل : وعليكم السلام ، حياكم الله
بعد ما جلسوا تكلم ابو سلمان : جايك يابو عبدالعزيز وانا طامعٍ بنسبك كان يبي يكمل
لكن قاطعه عبدالعزيز وهو يردف : ماعندنا بنات نعطيهم لكم
ابو سلمان وهو يشد على يده ويكمل: علامك يا عبدالعزيز انا كلامي مع ابوك ومحمد
شريان الي رص على اسنانه ويشد على قبضة يده
ابو سلمان : نطلب يد بنتكم عايشه لولدي سلمان
محمد الي منصدم : نعتذر ماعندنا بنات لكم
ابو سلمان الي انقهر : ترفض ولدي يا محمد
شريان الي انفجر وهو يقول : اي يرفض ولدك ليه مايرفضه وقلنا لكم
من اول ماعندنا بنت لكم والحين مع السلامه
ابو سلمان الي وقف وهو يقول : تطردني يا شريان
شريان : حشا مانطرد الضيف لكن عطيناكم الجواب
سلمان الي يكره شريان والحين كرهه بزود
وحطه براسه من اسلوبه مع ابوه وهو يتوعد فيه
راحوا آ ثنيان وهدا المجلس
الجد بتفكير بينه وبين نفسه صار الوقت
ياسعود انك تجمع بينهم
شريان الي مستغرب من جده ومن هدوءه الغريب لكن يدري ما ورا هالهدوء غير موضوع شاغله
