شافوني أحبّك .. و ضايقتهم فيك
مادري أنا ليه العداوه عشانك !
لاتنشغل باللي يذّمون طاريك
أنت أطيَب قلوب البشر في زمانك
،
،
،
،
تسريع للإحداث بعد مرور عشرة ايام مكان بعيد عن الانظار
عند سلمان آل ثنيان " اذا كنتوا تذكرونه اللي خطب عايشة " جالس يخطط كيف يطيح شريان بمصيبه
وكان قدامه اكبر مجرم عوض جالسين يخططون كيف ينتقمون من شريان وسلمان
حقد اكثر وكبر حقده على شريان لانه يعتبره انه خذا عايشه من بين ايدينه
"تعريف بسيط عن عوض اكبر مجرم يقتل بدم بارد وراعي مخدرات واكبر عدو لابو سلمان "
في الصباح عند ضيّ اللي كانت بالجامعة هي وصديقتها نورا كانت تشرح لها اللي حصل معاها هي والهيّثم
نورا بضحكه : ياغبيه كان جلستي شوي يمكن يصير بينكم شي
ضيّ : اقول اسكتي بس انا من سمعت صوته واحس انكب علي ماء حار من التوتر والخوف لا احد يشوفنا ويفهم غلط
نورا : طيب ضي وش رايك اجي عندك فالبيت نغير جو شوي عن الدراسه
ضي : وانتي صادقه تعالي معي نغير جو قبل الأختبارات بعد لاجات هالأختبارات ماراح نشوف بعض الين تخلص
نورا : خلاص تم بس خليني اتصل على امي
ضي : طيب ٬٬ قومي قومي شوي تبلش المحاضره خلينا نلحق لاننطرد
نورا بضحكه : وانتي صادقه مالنا خلق ننطرد من هالدكتوره اللي ماغير تطردنا
<< بيت الجد سعود >>
كانوا جالسين الجد سعود والجده بدريه والعمه عرّوب
الجده بدريه : ياكبر فرحتي بهذاك اليوم وانا اشوف فرحة احفادنا
الجد سعود : الحمدلله
العمه عرّوب : اي والله يا يمه ياكبر فرحتنا ياعسى هالفرح بديارنا غيث همّال
الجد سعود : آمين يارب
العمه عرّوب كانت ماسكه جوالها وفجأة طلع لها فيديوهات ملكة عايشه وشريان
وطلع لها فيديو عايشه وهي ترقص مع البنات وتضحك وقالت بفرحه : الحمدلله انه البنات كانوا موجودين
صدق انهم جهزوا الحفله على السريع بس طلعت حفلة تليق بعايشه
الجده بدريه دمعت وهي تشوف الفيديو من الفرحه : الحمدلله اللي بلغنا بفرحتهم
الجد سعود : افا يـ بدريه تبكين وانا اللي جلست اطارد دموعك كل هالسنين
الجده بدريه : من الفرحه يابو عبدالعزيز موبيدي
الجد سعود : هاتي لي الجوال يا عرّوب بشوف
قامت عرّوب تودي الجوال
وعلى دخول شريان اشتغل الفيديو وكان صوت عايشه وضحكتها طالع تنحنح بتوتر وهو يتذكر شكلها بالملكه كيف كان
الجد سعود اللي لاحظ دخول شريان لكنه ماتكلم الا لمن شاف توتر شريان وقال : هلا بالغالي اللي قطعنا من بعد الملكه
شريان باس راس الجد سعود والجده بدريه : هلا فيك لكن تدري باللي شاغلني ياسعود ولا انا ما انشغل من فراغ
الجد سعود بإبتسامه : عسى بس ما انشغلت عن حق الحياة يا شريان
شريان اللي توه يتذكر انه ما تواصل مع عايشه من يوم الملكه لكنه تدارك وضعه وقال : ما ننشغل لاتشيل هم
الجده بدريه : شلونك يمه
شريان : الحمدلله انتي شلونك
الجده بدريه :الحمدلله بخير لكن لا تعيد هالغيبة اذا ما كانت عايشه اللي شاغلتك
شريان : تبشرين ومايشغلني عنكم شي
