الاوغر

part 24

بسم الله الرحمن الرحيم

#الاوغر

بقلمي: ملاگ محمد

عسلات لا تنسون التصويت+تعليقات بين الفقرات+متابعه للحساب

مشاهده ممتعه
__________________

مشهد من البارت السابق
__________________

ضل يتكرر ويجي للمستشفى بس ابد ما عبرته ولا انطيته وجهه ومثل اي دكتوره ومريضها وحتى هو احس ممعبرني ومو ع مودي يجي وفعلا يجيب اشخاص مريضين ويباوعلي بنضره بارده

اطمنت من هاي الناحيه لا اني معبرته ولا هو معبرني الى فد يوم اجاني للمكتب بملابس العسكريه ووحده

دخل من دون ميدك الباب وكبل كعد كبالي ع الكرسي استغربت من تصرفه

:- شلونج

سدين: الحمدلله بس شنو مناسبه هذا السوال

:- امم هيج

ضل صافن عليه لحد ما
كالي كلام خله كلبي يرجف واطراف اصابيعي بردت انتفضت بسرعه واني خايفه
________________

- شدتحجي انتَ بيك شي

:- لا مابيه شي واحجي صدك سويت شي خطا او حرام؟

:- ترى اني مو طفله وتضحك عليه بكلمتين

:- ضاحك عليج من قبل؟

:- استغفر الله يا ربي شجابك انت شعندك هنا ؟؟

:- هو اجيت علمود اكلج واخذ خبر

:- تريد جواب ؟؟

:- طربي

:- ترجع منين ما اجيت وتسد السالفه وابداً لا تفكر بيها دير بالك .. ولا تنسه انتَ شسويت بيه

- عفته وطلعت فايره نار وجسمي يرجف وبسرعه بطني مغصتني رحت للحديقه وتذكرت كلامه

:- اذا اتقدم اخطبج توافقين عليه ؟

ياربي هو ما عايزني بس هذا التيل انعل ابهاتكم كلكم اكرهكم كلكم ادبسززيه كلكم نفس الطينه قرف قرف كلكم شكد مكروهين شوكتت تنقرضون
مو حتى حضي طيحتو شتردون بعد

- احجي واغلط واسب بحركه كلب ع الزلم وكلبي يوجعني واسمع صوت ضحكاته من وراي
التفتت شفته غاص بالضحك ومكتف اديه

:- خلصتي سب ؟؟ ماميت عليج حتى احصل كل هذا السب اولا وثانيا صدكتي اخطبج ياا مكثرها البنات مصدكه نفسج

:- انت شتريد بالضبط هااا شتريد روح ولي اخطب ازوج شسويلك ع حجيك يا مكثرها البنات روح شمتاني وشعندك جاي عليه دير بالك تتلاعب وياي هيج مره ثانيه

- رجعت دخلت لداخل المستشفى وادردم وي نفسي
دخلت لمكتبي واحس حركه ببلعومي مثل النار ضليت افتر بتوتر مادري ليش بس هيج لا اراديا اسوي هاي الاشياء مو بيدي