بسم الله الرحمن الرحيم
#الاوغر
بقلمي: ملاك محمد
عمري لا تنسون التصويت
مشاهده ممتعه
__________________
مشهد من البارت السابق
__________________
"اريج"
جنت نايمه وكعدت ع صوت طكطه الكنتور عاليه
شفت اراس مدري شيدور
اريج:- شتدور ؟
اراس: راح اروح للمستشفى مرة امير حتولد ديري بالج
اريج: لعد اروح وياك
اراس: بدلي بسرعه
- طفرت غسلت باوعت للساعه ب 2 بليل لبست صايه ولفيت حجابي ونزلت لكيت عمتي ذكرى منتظره جوه وصيت ارام عينها ع الجهال بيومها جانت عدنه
طلعنه لبيتهم لكينه غدير ميته من الوجع اخذوها بسرعه بسياره امير واني اخذت اغراض الطفل بطلب من عمتي ورحنه بسياره اراس والطريق كله عمتي تدعي وتنخه تتسهللها الولاده وصلنه لاقرب مستشفى نزلو بيها بسرعه ودخلوها صاله العمليات
دخلن الممرضات نص ساعه وطلعن
الممرضه:- عيني المريضه لسه مولدت الطفل مدايطلع..
_________________
- عافتنه بصدمتنه وراحت تخبل امير كلبت المستشفى عاليها ناصيها واوغر واراس يهدون بي يا ممرضه تدخل تطلعلنه تكول مدا تولد عدها عسر بالولاده
وصايح غدير يكسر الخاطر ويبجي اكبر واحد
عمتي كالت اسويلها خلطه زنجبيل ومعرف شنو كالتهن لامير وراح يركض جابهن سوتهن ع السريع ودخلت تشربها وقرت ع راسها قرأن بس ما سكتت من الالم وميقبلون يدخلون يولدوها يكولون مو وقت ولادتها والطفل ميطلع
بدون اي كلام اخذها امير وطلعو واحنه وراهم بالسيارة الى ان وصلنه مستشفى اهليه دخلو بسرعه ودخلوها صاله الولاده اختفى صوتها وامير وكع للكاع تكابلو عليه شالو ونقلو لغرفه شكلوله مغذي وبقوي يمه واحد يمرغ رجليه وواحد يمرغ راسه
اوغر: شجاك ولك هيه هيج
امير: ولكك شفتهم ولد النعل رادت تموت بين اديهم وهمه لا رحمه ولا ضمير بكل برود يكولون مو وقت ولادتها قسم بالله اذا ما اوديهم ورى الشمس ما يطلع اسمي امير اني الهم حتى مستشفتهم الخايسه اسدها
اوغر: ما تسوه كول يا الله هسه مريتك تولد بالسلامه وطفلك يطلع بخير
امير: اني الهم بس اصبرولي خل تصير زينه اذا ما اندمهم اني معتب وشاربي مو عليه
- بقو يهدون بي وهو يتحلف ويتوعد وما استبعد يسويها شلع الكانولا من ايده وراح كعد يم باب غرفه غدير وينتظر اربع ساعات ضبط وطلعت ممرضه
:- الحمدلله ع السلامه الف مبروك يتربى بعزكم
- الكل ابتسم واردف امير ملهزف
أنت تقرأ
الاوغر
General Fictionاحلام طفله واهداف بنت مجتهده وقويه حققت حلمها رغم الضروف الصعبه... عاشت مع صديقاتها... تعرضت لمواقف مؤذيه..انجبرت على اشياء لم تتقبلها.. ولكن استطاعت ان تتخطى كل هذا..
