الاوغر

part 38

بسم الله الرحمن الرحيم

#الاوغر

بقلمي: ملاك محمد

حبايب لا تنسون التصويت+التعليقات بين الفقرات+متابعه للحساب

مشاهده ممتعه
___________________
مشهد من البارت السابق
___________________
سدين: شبيك اليوم ليش هيج تسوي متحجي وياي ؟؟

اوغر: شفتج مترديني ومطايقتني كلت اعوفج براحتج من تعرفين غلطج وين نحلها بتفاهم
لان لو بقينه هيج وانتِ تستفزين بيه بهاي تصرفاتج اعرف بنفسي ما اتحمل وراح اسوي شي اندم عليه بعدين فالاحسن عفتج ع راحتج

سدين: مو عذر هذا اني الصبح حجيت وياك بس انت تجاهلتني وشفتني ابجي وما همك وعفتني وطلعت وكل هذا وعفتني ورحت ما تانيتني

اوغر: من ما حجيت وياج جنت ضايج من تصرفج ومن شفتج تبجين عبالج هان عليه ؟؟ دعيت كون عمى بعيوني ولا شايفج هيج تبجين وعفتج وطلعت ما هانلي اشوفج هيج وكلت هسه تهدء وتسكت ومن عفتج وروح امي جان عندي شغل مهم وتأخرت ووصيت امير يوصلج

- سكتت ما حجيت بعدت عنه ورحت غسلت رجعت ما لكيته دخلت جوه الغطى حتى انام اتصل موبايلي

شفته اوغر فتحت خط اجاني صوته يكول

:- لا تنامين انتظريني راح اجيبلج عشى تتعشين ادري بيج ما اكلتي

سدين: لا ماريد شبعانه عوفه

:- لا تنامين ترى اكعدج انتظريني
_____________________

- نمت ع ساس اكابر وحتى الهيبه الزعلونيه ما تطير
بين النايمه والكاعده بعدني ما غافيه سمعت الباب انفتح

غمضت عيوني وهنه يرمشن وحدهن اني ونايمه
مبينه كذب ما نايمه اجه باس راسي وبعد شعري عن وجهي

:- رموشج تتحرك

- الضحكه لازمتني وعيوني مغمضتها قوي كرص خدي وكال

:- يلا بدون كلاوات كومي كعدي جبتلج اكل

- ما رديت وضليت قانعه نفسي انو اني نايمه
رجع اردف

:- راح اشيلج اذا متكعدين ترى ادري بيج كاعده

- قرقرني ببطني متتت ضحك ما تحملت وهو يضحك ع ضحكتي

:- كافييي ههههههه اخخ كاافيي كمت والله كمت

- ابتعد وكعدت رحت غسلت وجهي ورجعت شفته جايب 3 لفات بركر وقوطيتين بيبسي

:- اخذت لفه وقوطيه وكعدت ع الكرويته اكل وهو ع الجربايه يلعب بجهازه

سدين: ليش ماتاكل راح تبرد ترى ؟

اوغر: شبعان وين اخليها

سدين: لعد المن جايب 3 ؟

اوغر: الج