قصص قصيرة

-6

-فاطمه كلمي المحامي علشان عاوزك في مكتبه
*حاضر

{روحت المكتب بس غريبه هو مش بيطلبني غير لما هيوكلني قضية جديدة وأنا لسه بشتغل علي اللي معايا أصلًا … يلا ربنا يستر}

*نعم يافندم
•أقعدي يافاطمه

{قعدت بأستغراب من وجود ونس كمان}

•دلوقت في قضيه مهمة لازم تمسكوها أنتم الأتنين لأنكم من أفضل المحاميين عندي
*بس حضرتك بالفعل أنا في قضيه مسكاها
•لا منا نقلتها لدنيا وأنتِ أبقي اديها كل التفاصيل اللي وصلتلها
*حاضر يافندم ، طب فين ورق القضية
~معايا يا أنسه يافاطمه
•أتفضلوا حضرتكم أدرسوا القضيه وشوفوا هتبدأو فيها ازاي … بالتوفيق

{وخرجنا ، أخدت ونس وروحنا مكتبي ندرس القضية ونعرف هنبدأ منين}

~بصي حضرتك، أقصد فاطمه، لالالا أقصد أنسه

{غمضت عينيا بملل، ونس دايمًا بيتوتر لما بيتكلم معايا معرفش ليه حقيقي، رغم أنه مع باقي الزمله بيتعامل طبيعي}

*ونس أحنا زمايل، تقدر تقولي فاطمه وبس
~موعدكيش، أقصد هحاول، هو الكلام معاكي صعب ليه
*طب المهم أحنا كده لازم نطلع تصريح علشان...
~هطلعه أنا وهروح السجن أزوره وأشوف كلامه
*متنساش تسجل تمام، وآه ونس خد بالك من حركات إيده والعرق النابض اللي في رقبته ونظرات عنيه
~طب متركزي في الحاجات دي مع اللي قدامك
*نعم
~حاضر، هاخد بالي

{وخرج وأنا روحت غيرت وصليت وطلعت النوت بتاعتي كتبت فيها أهم الحاجات اللي حصلتلي انهارده، خلصت ونمت علشان هصحي بدري}

*مش عارفه ياديدي بيتكلم معاكم عادي وبثبات، معايا أنا لا
-وده ملفتش نظرك لحاجه
*مش فاهمه
-أنه بيحبك مثلًا
*لا طبعًا، هيحبني أزاي وأمتي، ده مبيعرفش يتكلم معايا كلمتين علي بعض من غير ميتوتر، بلاحظه معاكم بيتكلم عادي وبيهزر، لكن أنا لا
-علشان الحب كده، دايمًا بيخلينا عكس اللي أحنا عليه، يعني لو أنتِ إجتماعية مع الناس وأصحابك هتبقي معاه خجوله، لو أنتِ بتتكسفي بطبيعتك هتبقي معاه جريئه، الحب بيخلينا نستثني اللي بنحبه دايمًا عن أي حد، فهماني
*بس أكيد هو مش كده

{منكرش إن كلامها شغلني بس ونس أزاي، غصب عني بقيت بتابع حركاته، نظراته، كلامه، حتي ضحكته وغمازاته اللي بتظهر علي خدوده، معقول بيحبني}

~دي كل المعلومات اللي وصلتلها الفتره اللي فاتت كلها
*وأنا دي كل المعلومات اللي وصلتلها اللي واضح منها إن الجاني مظلوم، والقضيه كلها ماهي إلا دفاع عن النفس بس لأن القانون بيعترف وبس بالورق فلبسته لأن التوقيت مكنش في صالحه

{استنيته يرد متكلمش، بصتله لقيته سرحان ومبتسم}

*ونس
~ياعيونه
*نعم
~أحم ، أقصد آه كلامك صح، بس في حاجه أسمها روح القانون
*آه، كنت سرحان ف أي
~ها، لا بصي أنا همشي بقي لأن بكره لازم أروح المحكمه بدري

{ومشي أو بالأصح جري، روحت لدنيا مكتبها وقعدت قدامها وأنا سرحانه}

-مالك يااختاه
*ونس
-صدقيني بيحبك، بس أنتِ
*أنا أي
-بتحبيه
*مش عارفه، عمري مفكرت في كده قبل كده، دايمًا دماغي وتفكرها محدود في شغلي وبس
-بس شكلك بيكون مبتسم وأنتِ بتحكي عنه وعيونك بتلمع
*أنا عمري كذبت عليكي قبل كده
-بصراحه لا
*طب صدفيني أنا مش عارفه، هو أصلًا أمتي أعرف إني حبيت
-لما تبقي مش عارفه

{مشيت من عند دنيا بعد متوهتني أكتر، أنا أحسن حاجه أنام بدل مفكر، غير أصلًا إن بكره المرافعه ولازم أبقي في المحكمه بدري}

{في المحكمه}

~أتأخرتي ليه كده
*أنا آسفه ياونس والله، بس كنت بجيب الورق اللي معايا اللي نسيته في المكتب أمبارح
~حصل خير، قلقتيني عليكي
*ها
~يلا ندخل

{دخلنا، والمُحكمه أبتدت، كنت مركزه مع كل تفاصيله وهو بيترافع، شكله وهو واثق من نفسه حلو قوي، هو أنا شكلي حبيته فعلًا بس خايفه … خلصت الجلسه واللي أنتهت بأننا كسبنا القضيه}

*مُبارك ياونس
~الله يبارك فيكِ
*مبسوطه إننا كسبنا القضيه
~بس لسه في قضيه محتاج مساعدتك فيها
*أتفضل، قضية أي
~قضية قلبي

{بصتله بأستغراب}

*ماله
~مفيش ياستِ بس خير اللهم أجعله خير طلعت بحبك

{بصتله بصدمه، لقيته أختفي ، قال كده وأختفي، طب أنا مين يلحقني دلوقت لما أقع، أقع منا وقعت في حبه خلاص … روحت لقيت ماما بتقولي في عريس متقدملي وجاي انهارده}

*ده قليل الذوق
-هو مين
*العريس يادنيا، جاي كده بعد ما الحجر نطق، ده أي حظي ده بس ياربي

{قومت ولأجل الشبشب بتاع ست الكل لبست لأني مش حمل خبطه منه تاني … طلعت وقعدت جنب بابا، ومرفعتش عيني في عريس الندامه ده، والله أبغي هالحين أقوله أنت مرفوض يا أفندي... وكالعاده طلعوا}

~مش هتبصيلي
*ونس
~أيون، منا مكنش ينفع بعد مقولتها أتأخر ف إني أتقدم
*مبقتش متوتر

{لقيته أبتسم}

~وأنتِ بقيتي خايفه
*أشمعنا أنهارده أتكلمت رغم إنك دايمًا بتتوتر لما بتتكلم معايا
~علشان أطمنت
*مش فاهمه
~أفهمك

{ركزت معاه وهو مبتسم أبتسامته اللي بتاخد قلبي دي}

~عارفه أي الفرق بين خوف الشاب والبنت ف الحب
*لا
~الولد لما بيحب بيخاف يقول للي بيحبها لتضيع منه، بيخاف لأنه مش مطمن، لكن البنت لما بتحب بتخاف لأنها أطمنت، لأن البنت مش بالساهل تسلم قلبها لحد، لازم تتأكد الأول إن اللي بتحبه بيبادلها نفس الشعور ده ولما بتتأكد بتخاف ليضيع منها ف يوم لأنها أطمنت، زيك كده بالظبط
*بس أنا مش خايفه
~أنتِ مرعوبه متنسيش إني الشغل بتاعنا بيحتم علينا ندرس كل حركه في اللي قدمنا، وانتي ياروحي عيونك زايغه في كل مكان وفي رعشه في جسمك كله باينه عليكي قوي حتي أهو بتحاولي تخبيها
*شغلنا بيحتم علينا ندرس كل حركه لو اللي قدمنا متهم
~ماهو أنتِ متهمه بجريمه كبيره كمان
*واللي هي
~خلتيه يدق لما يشوفك أو حتي يسمع ضحكتك من بعيد
*هو مين
~قلبي
*بس أنا معرفش
~ماهو علشان متعرفيش وقعتيني
*بس أنا خايفه
~وأنا قلبي دايمًا موجود.

#فاطمه علي