قصص قصيرة

-8

{من وقت متجوزت أو تحديدًا من وقت متجوزته وأنا بقيت بصحي في عز نومي أبص جنبي وكأنه هيختفي من إيدي، أنا ربنا جبرني بيه وممتنه للزمن علشان هو معايا}

_فراشتي
*تعرف أنا مش مصدقه إن الزمن سمحلنا نتلم في بيت يجمعنا
_منا مكنش ينفع غيرك يشيل أسمي
*بس أنا كنت فقدت الامل

{حاوط وشي بكفوفه وباس دماغي وأبتسم أبتسامه خفيفه}

_أنتِ تفقدي الأمل بس أنا لا، أنا الراجل ياحبة القلب اللي لازم ينحت في الصخر علشان ينول مُراده، وأنتِ كنتي مُرادي، منكرش إني كنت علي حافة إني أفقد الأمل بس كنت كل ما أوصل للمرحله دي أفتكر صوتك وأنتِ بتقوليلي بحبك فأقوم وأكمل، أنا مكنش ينفع أسيبك، أنا منين هلاقي واحده شافت كل عيوبي ومازلت حباني ومتغيرتش في عيونها، أحنا بنحب مره واحده بجد في عمرنا كله فعايزاني أسيبك ازاى، عارفه كنت كل ما أتعب أفتكر ان نهاية تعبي ده أنتِ فأفرح وكأني هملك الدنيا كلها، عارفه يافاطمة
*عرفني
_أنا كنت دايمًا بتمسخر علي الحب وعلي اللي بيحبوا وبذات علي تصرفاتهم ومكنتش مقتنع إن حد يحب حد تاني ويبقي ليه هو الأولويه حتي عن نفسه لحد ما أنتِ طليتي علي عتبة قلبي وقتها قلبي أتزحزح من مطرحه وكأنه بيقولي أهي جتلك اللي هتخلينا نعيش، فبعد ده كله افقد الأمل
*أنا ربنا رضاني بيك وكأنه بيقولي أنتِ أخترتي صح
_أنتِ حتي لو أختيار غلط فأنا قابله ورايده.

"في الخلفية أم كلثوم بتقول: العيب فيكم يا في حبايبكم أما الحب ياروحي عليه"

#فاطمه علي