قصص قصيرة

-29

"عندها جناحات امسكها تطير..، غاوي الترحال وانا نفسي طويل"
كنت قاعده في البلكونه مستنياه يرجع من شغله كعادتي معاه، فجاه سمعت الاغنيه دي جايه من بعيد ووقتها سمحت لنفسي اسرح في اول مره شوفته فيها، كنا في فرح ابن عمي وهو كان واحد من اصحابه.
بيقولوا اللي بيصبر بينول وانا وقتها كنت قربت افقد الثقه في صبري ده ووقتها ربنا بعتهولي كاشاره او كاستجابه..مش عارفه بس اقدر اقول بكل ثقه اللي بيصبر بينول فعلا مكذبوش.

~ياعم السرحان
*ونس! جيت امتي انا واقفه مستنياك
~حالا، سرحانه في اي
*اول مره شوفتك فيها
ابتسم وقال~ وانا نفسي طويل

{ضحكنا وقتها وبعدين روحت احضر الاكل، بقي انا اتجوزت القمر ده، كل الحلاوه دي ياربي بتاعتي انا، ياوعدي بالله}

~تيجي نقعد في البلكونه وتحكيلي يومك مشي ازاي
*عيوني ياحلو انت بس استني اعملنا كوبايتين شاي بلبن

{دخلت عملتلنا ولقيته واقف مستنيني وسرحان}

*الحلو حجي سرحان في اي
~فيك انت ياجميل
*تعرف ياونس، بالله ما مصدقه اني متجوزه كل الحلاوه دي
~علي فكره انا اللي من المفترض اقولك كده
*وانا وانت اي
~واحد ياعمري

{مسكت تليفونه وشغلت اغنيتنا لقيته بصلي وابتسم وحط ايده علي كتفي فتلقائي ميلت براسي علي كتفه}

~من يومك وانتي غاويه الترحال
*علشان كده ربنا بعتك ليا ومخلي نفسك طويل.

{غاويه الترحال وانا نفسي طويل.♡}

مجرد فضفضه.

#فاطمه علي