• 그대여
너를 처음 본 순간 나는 바로 알았지 •..................
" ကလေးတို့ အဝေးကြီး လျှောက်မသွားရဘူး နောက် တစ်နာရီလောက်နေရင် ဒီမှာ ပြန်ဆုံပြီး နေ့လည်စာ စားကြမယ်နော် "
" Nae! "
ဖြူစင်လွန်းတဲ့ ကလေးငယ်လေးတွေ။
လွတ်လွတ်လပ်လပ် ဆော့ကစားခွင့်လည်းပေးလိုက်ရော ပြေးပြီးတော့ကို ကစားကြတော့တာပဲ။ဖိနပ်ကို ရွှံ့ပေမှာ၊ သဲတွေ မြက်တွေ ကပ်ပါလာမှာကိုလည်း မမှုကြ။ ကစားဖို့ကသာ သူတို့အတွက် ပထမဦးစားပေးဖြစ်နေသည်။ ချစ်ဖို့အရမ်းကောင်းတာပါပဲလား။
" ဆရာအီလည်း အထဲမှာ သွားနားပါဦးလား။
ကျွန်မ စောင့်ပေးနေမယ်လေ။ "" မဟုတ်တာ ရပါတယ်။ ဆရာမကမှ ခဏနေ ကလေးတွေကို ချော့သိပ်ရဦးမှာဆိုတော့ အခုထဲက အနားယူပြီး အာမွေးထားသင့်တာ "
" အဟီး ဆရာအီက တော်တော်နောက်တတ်တာပဲ။ ဟုတ်တော့ဟုတ်ပါတယ်။ သူတို့တွေ နေ့ခင်းတစ်ရေးတစ်မောအိပ်ဖို့ သိပ်ရတာထက် ကျားမြီးသွားဆွဲတာကမှ ဖြစ်နိုင်ပါဦးမယ်။ "
" ဟုတ်ပါ့ဗျာ။ "
" ဒါပေမဲ့ အခုလည်း ကျွန်မ စောင့်ကြည့်နေပေးလို့ရပါတယ် အကောင်းပြောတာပါ။ အမှန်ဆို ဆရာက ဒီနေ့ ကလေးတွေကို အမှတ်တရ ဓါတ်ပုံ ရိုက်ပေးဖို့အတွက်ပဲ လိုက်လာတာကို ဒီတာ၀န်တွေပါ မယူခိုင်းရက်ပါဘူး။ "
" ရပါတယ်..."
" အိမ်ရှင် အန်တီကြီးပြောတာကတော့ ဟိုးဘက်ကို နည်းနည်းဆက်သွားကြည့်ရင် တော်တော် လှတဲ့ နေရာတစ်နေရာရှိတယ်တဲ့။ တက္ကသိုလ်ကျောင်းသားတစ်ချို့လည်း field trip ထွက်လာကြတာထင်တယ် အခုပဲ အဲ့ဘက်သွားကြတာ တွေ့တယ်။ ရေကန်ငယ်လေးလည်း ရှိတယ်ဆိုလား။ ဆရာအီ အကယ်၍ ဓါတ်ပုံတွေဘာတွေ ရိုက်ချင်ရင် အဲ့ဘက် သွားကြည့်လို့ရမယ်ထင်တယ်။ "
တစ်ချက် စိတ်၀င်စားမိသွားတယ်။ ဟုတ်တော့ဟုတ်သား။ သူ ဓါတ်ပုံကောင်းကောင်းတစ်ပုံ ရအောင် မရိုက်ဖြစ်တာတောင် ကြာပြီပဲ။
![](https://img.wattpad.com/cover/340667615-288-k761079.jpg)