ဂိုလျောခေတ်အချိန်အခါဖြစ်သည်။
တောနက်ကြီးထဲ ပြေးလွှားနေသူ မိန်းကလေးတစ်ယောက်။ သူမ၏မောဟိုက်နေသော အသံရှူသံပြင်းပြင်းက ပဲ့တင်လျက်။ ပြေးလွှားနေသော ခြေ ထောက်တစ်စုံဟာ ယိုင်နဲ့နဲ့။ နောက်ကိုလှည့်ကြည့်လှည့်ကြည့်ဖြင့် သူမကြောက်လန့်တကြားပြေးနေခဲ့ပြီး အလွန်ကြောက်ရွံ့နေသည်။
ယှက်ယှက်!
သူပြေးနေရင်း တုံ့ခနဲရပ်တန့်သွားသည်။ သူမရှေ့က ခြေသံက သူမကိုပိုထိတ်လန့်သွားစေသည်။
"ဘယ်သူလဲ..."
သူမ မေးလိုက်သော်လည်း အဖြေက ပြန်မကြားရ။
ခြေသံဟာ တဖြည်းဖြည်းနီးကပ်လာပြီး သူမသည် ထိတ်လန့်စွာဖြင့် ကြောက်လန့်ကြီးစွာ နောက်သို့တဖြည်းဖြည်းဆုတ်သွားသည်။ သူမ တစ်ကိုယ်လုံးတုံယင်နေပြီး လက်တွေဟာလည်း နီရဲပွန်းပဲ့နေသည်။
"ဘယ်သူလဲလို့ မေးနေတယ်လေ"
သူမသည် ကြောက်လန့်နေသော်လည်း အားတင်းကာ ထပ်မေးလိုက်သည်။ မိန်းကလေးသည် မျက်တောင်မခတ်ရဲလောက်အောင် ထိတ်လန့်နေပြီး မျက်ရည်တွေတောင် စီးကျလာသည်။
"မင်းဘယ်သူလဲ"
သူမရှေ့၌ ပေါ်လာသည့်သူသည် တစ်ကိုယ်လုံး အနက်ရောင်အပြည့်ဝတ်ဆင်ထားပြီး အနီရောင်မျက်ဆံတို့ရှိသည်။ သူခန့်မှန်းထားသည့်သူမဟုတ်တာကြောင့် စိတ်သက်သာသွားသကဲ့သို့ မြေပြင်ပေါ်ေမာဟိုက်စွာဖြင့် ခွေကျသွားသည်။ သူမသည် မျက်ဆံအနီရောင်ရှိသူအား မော့ကြည့်ကာ..
"လူ..လူလား"
"မဟုတ်ဘူး"
မျက်ဆံအနီရောင်ပိုင်ရှင်က ခပ်ပြတ်ပြတ်တစ်ခွန်းတည်း ပြန်ဖြေလိုက်သည်။
သူမ၏ hanbok ဝတ်ဆုံသည်ဖရိုဖရဲဖြစ်နေပြီး ရင်စီးကြိုးတို့လည်း ပြေကျလျက် ဆံသားတို့ကလည်း ဖရိုဖရဲ ပုံပျက်နေသည်။ အင်္ကျီပုခုံးတို့သည် ပြဲစုတ်နေပြီး အဝတ်အစားက အညစ်အကြေးတို့ပေကျံနေပေမယ့် သစ်လွင်တောက်ပတဲ့အင်္ကျီအရောင်ကိုတော့ မဖုံးနိုင်။ သူမသည် အထက်တန်းမျိုးနွယ်ထဲကမှန်း သူခန့်မှန်းမိသည်။
VOCÊ ESTÁ LENDO
❝ Minvira (or) ကိုယ့်ဂျီမင် ❞ (S-1+ S-2)
Fanficနတ်ဆိုးအိမ်ရှေ့စံတစ်ယောက် သူ့ကို သတ်ပစ်ရမယ့် တော်ဝင်စစ်သည်တော်နတ်သားတစ်ပါးဆီ ကျရှုံးခဲ့သည့်အခါ.... 𝐉𝐢𝐦𝐢𝐧(ᴍɪɴᴠɪʀᴀ) & 𝐉𝐮𝐧𝐠𝐤𝐨𝐨𝐤(ᴏʀᴘʜᴇᴜꜱ) 𝕂𝕠𝕠𝕜𝕞𝕚𝕟 𝔽𝕒𝕟𝕗𝕚𝕔𝕥𝕚𝕠𝕟 𝔽𝕒𝕟𝕥𝕒𝕤𝕪, ℝ𝕠𝕞𝕒𝕟𝕔𝕖 𝕒𝕟𝕕 𝔻𝕣𝕒𝕞𝕒 Start _ June,202...
