How to Catch an A || ဘာသာပြန်《Completed》

Chapter 1.2

04

ကျန်းရှင်း၏မူလအစီအစဉ်မှာ လီသိုယွီနှင့်တွေ့ဆုံပြီးနောက် အသစ်ဖွင့်လှစ်ထားသော အိမ်ခြံမြေအိမ်ရာများသို့ သွားရောက်လည်ပတ်ရန်ဖြစ်သော်လည်း လျန့်ရမ်နှင့်မမျှော်လင့်ဘဲတွေ့ဆုံခဲ့ခြင်းက သူ့ကို ဗိုင်းရပ်စ်ကူးစက်ခံထားရသည့် ကွန်ပျူတာတစ်လုံးလို အာရုံစိုက်မရစေတော့။ ရလဒ်အနေဖြင့် စိတ်ရှုပ်ထွေးနေသည့်အခြေအနေ၌ အိမ်စောစောပြန်ရန်မှလွဲ ရွေးချယ်စရာမရှိတော့ပေ။

ကံကောင်းထောက်မစွာ ယနေ့တွင် အခြားဖောက်သည်များနှင့် တွေ့ဆုံရန်မစီစဉ်ထားသောကြောင့် သူ၏အလုပ်ချိန်ကို ယာယီချိန်ညှိ၍ရနိုင်လေသည်။

ကျန်းရှင်းသည် စီးပွါးရေးရပ်ကွက်အနီးရှိ အဆင်ပြေသောအထပ်မြင့်တိုက်ခန်း၌ နေထိုင်လေသည်။ရေနှင့်လျှပ်စစ်အတွက် စီးပွါးရေးဆန်သောနှုန်းထားများ ပေးဆောင်ရသော်လည်း ငှါးရမ်းခကို တတ်နိုင်ဆဲသာ။သူ၏နိုးထနေချိန်အများစုကို အလုပ်တွင်ကုန်ဆုံးပြီး အနားယူရန်အတွက်သာ တိုက်ခန်းသို့ပြန်လာခဲသောကြောင့် နေထိုင်မှုအစီအစဉ်သည် သူ့အတွက် အဆင်ပြေလှ၏။

————

ကျန်းရှင်းမှာ တုန်တုန်ယင်ယင်ဖြင့် တံခါးကိုမှီကာ ထိုင်ချလိုက်၏။

ရုပ်ရှင်တစ်ကားလိုပင် ယနေ့မြင်ကွင်းများက သူ့စိတ်ထဲ၌ ထပ်ခါထပ်ခါပြန်လည်ပေါ်ထွက်နေခဲ့၏။

သူတို့ရဲ့သိကျွမ်းမှုကို ငြင်းပယ်ဖို့ သူကဘယ်လောက်တောင်များ ရယ်ဖွယ်ရာကောင်းခဲ့လဲ

လျန့်ရမ်က အခုဆို သူ့ကိုပိုပြီးတော့တောင် မုန်းနေတော့မယ်

သူက နိုင်ငံခြားကပြန်ရောက်လာခဲ့ပြီ။

သူ လုပ်သင့်သလိုပဲ။သူ့မိဘများနှင့်မိသားစုဝင်များက ဤနေရာ၌ရှိနေပြီး သူတာဝန်ယူနေသည့်မိသားစုပိုင် ကုမ္ပဏီမှာလည်းအလားတူသာ။

လျန်ရမ့်ပြောခဲ့ဖူးသော ရှောင်လီ၊ထိုအချိန်က သူနှင့်မိက်ဆက်ပေးချင်ခဲ့သော သူငယ်ချင်းများထဲမှတစ်ယောက် ဖြစ်နေခဲ့သည့်လီသိုယွီမှတစ်ဆင့် လျန်ရမ့်ကိုပြန်တွေ့ရလိမ့်မည်ဟု သူမျှော်လင့်မထားခဲ့မိပေ။