How to Catch an A || ဘာသာပြန်《Completed》

Chapter 2.2

20

ကျန်းရှင်း၏မျက်လုံးများ၌ ရှင်းလင်းစွာပင် မျက်ရည်များရှိမနေသော်ငြားလည်း ရေကန်ကြီးဖြင့် ပြည့်နေသလိုပင်။

လျန့်ရမ်မှာသူ့ကိုကြည့်ရင်း နှလုံးသားက အမြီးအမောက်မတည့်သောခံစားချက်များဖြင့်။

အချိန်တိုင်း၊အချိန်တိုင်း သူကထိုခွေးပေါက်လေး၏ လက်သေးသေးများဖြင့် တင်းကြပ်စွာထွေးဖက်ခံထားရသကဲ့သို့ ကျန်းရှင်း၏မျက်ဝန်းများက သူ့အား ထိုခွေးပေါက်လေးပျော်ရွှင်နေစေရန် သူအစွမ်းအစရှိသည့် အရာအားလုံးကိုလုပ်ဆောင်မိအောင် ပြုလုပ်သည့်နေရာ၌ ဘယ်သောအခါကမှ မကျရှုံးခဲ့။

ညည်းညူခြင်း သို့မဟုတ် ဒုတိယအတွေးများပင်မရှိဘဲ ထိုကောင်လေးနေထိုင်နိုင်ရန် နေရာတစ်ခုစီစဉ်ပေးကာ၊ကျောင်းသားတစ်ယောက်အခြေအနေ လုံခြုံစေရန် နည်းလမ်းပေါင်းစုံဖြင့်ကြိုးစားခဲ့ပြီး အိမ်စာများ၊အမှားများစစ်ဆေးခြင်း၊ နမူနာစာမေးပွဲများပြင်ဆင်ခြင်းတို့နှင့်အတူ သူ့အားကျူရှင်ပြပေးရန် ကြံဖန်အချိန်ပေးရလေ့ရှိ၏....

သူကညစ်ပေနေသောခွေးပေါက်လေးကို သူ၏ကုတ်အင်္ကျီဖြင့် ဂရုတစိုက် ထွေးပိုက်ကာ အိမ်သို့ခေါ်လာခဲ့ပြီး ကာကွယ်ဆေးနှင့်ပိုးသတ်ဆေးများထိုးပေးကာ ရေချိုးသန့်စင်ပေးပြီး သူ၏အဖိုးအတန်ဆုံးကလေးလေးအဖြစ် ပျိုးထောင်ခဲ့လေသည်။

သူ့ကိုကူညီရာ၌ ဘာတစ်ခုကိုမှပြန်မျှော်လင့်ခြင်းမရှိဘဲ သံသယကင်းကင်းဖြင့် အလွန်အလေးအနက်ထား စိတ်အားထက်သန်နေခဲ့ခြင်းပင်။သူ့လက်ကိုဆုပ်ကိုင်လျက် သူ့အားသဘောကျပါသည်ဟု ပြောလာခဲ့သူက ကျန်းရှင်းသာဖြစ်ခဲ့၏။လျှာသေးသေးလေးကိုထုတ်လျက် သူ၏ပါးပြင်ကိုယက်ပြီး သူနှင့်အတူထာဝရရှိနေပါမည်ဟု ကလူ၏မြူ၏ဟောင်ကာ အစပျိုးခဲ့သူက ထိုခွေးပေါက်လေးသာ။

သူက တစ်ဖက်လူကိုအခွင့်ကောင်းယူသလို ဖြစ်နေမည်ကို ရှက်ရွံ့ကာစိုးရိမ်နေခဲ့သော်ငြားလည်း သေချာစွာစဉ်းစားပြီးသည့်နောက်တွင် သဘောတူခဲ့ပါ၏။

ရလဒ်အနေဖြင့်.....

သူကကောင်းကင်ယံ၌ ပိုင်မုန့်ကြီးကိုရေးဆွဲခဲ့ပြီး ဂုဏ်ယူဝင့်ကြွားဖွယ်အနာဂတ်ကို စိတ်ကူးယဉ်နေခဲ့လေသည်။လေထဲတိုက်အိမ်ဆောက်ပြီးသည့်နောက်တွင် ကမ္ဘာပေါ်ရှိလူတိုင်းက သူ၏ခွေးပေါက်လေးကိုချစ်ပေးကြလိမ့်မည်ဟု မျှော်လင့်ရင်း သူ့မိဘများနှင့်သူငယ်ချင်းများရှေ့၌ သူ့အကြောင်း ကောင်းသောစကားများကိုသာ ပြောခဲ့၏။