រីករាយក្នុងការអាន♡︎
បន្ទាប់ពីមានរឿងនឹកស្មានមិនដល់នៅថ្ងៃនោះ ថេហ្យុងនិងជុងហ្គុកក៏ស្រាប់តែលែងនិយាយរកគ្នា សូម្បីតែជួបមុខគ្នាក៏សឹងតែមិនបានជួបផង ម្នាក់ៗព្យាយាមគេចមុខគ្នារៀងៗខ្លួន ខណៈជុងហ្គុកស្មានមិនដឹងពីចិត្តខ្លួនឯង ថេហ្យុងក៏ស្រាប់តែមាអារម្មណ៍ថាគេក៏ផ្លាស់ប្តូរដូចគ្នា ។
គេឈប់ជក់បារីតាំងពីថ្ងៃដែលថើបគ្នាជាមួយជុងហ្គុក គ្រប់ពេលដែលគេចង់ជក់បារីគេតែងតែនឹកឃើញដល់ជុងហ្គុក ជាពិសេសបបូរមាត់តូចច្រមិចទន់ៗរបស់ជុងហ្គុក ដែលធ្វើឲ្យគេលែងខ្វល់អ្វីទាំងអស់ ។
« ជុងហ្គុក កូនទៅហៅថេហ្យុងឲ្យមកញាំុបាយបានទេ? » លោកស្រីគីមនិយាយឡើង ក្រោយឃើញជុងហ្គុកដើរចេញពីបន្ទប់គេមក
« គឺ... បាទម៉ាក់ » ជុងហ្គុកឆ្លើយយល់ព្រមទាំងមិនចង់ ខំគេចមុខគ្នាឡើងច្រើនថ្ងៃ បែរជាត្រូវទៅហៅថេហ្យុងបែបនេះ គេធ្វើអ្វីមិនត្រូវនោះទេ
« សង្ឃឹមថាពួកគេនឹងត្រូវគ្នាវិញចុះ » លោកស្រីគីមបន្លឺតិចៗ គាត់សង្កេតឃើញកូនប្រុសរបស់គាត់ទាំងពីរហាក់ចម្លែកៗតាំងពីគាត់ត្រឡប់មកផ្ទះវិញ ពួកគេទាំងពីរគេចមុខគ្នារហូតហើយក៏មិនដែលនិយាយរកគ្នានោះដែរ
« បងគិតថាអូនបារម្ភពេកហើយ » លោកចនហាស្តីឡើង ខណៈដើរមកទម្លាក់ខ្លួនអង្គុយនៅកៅអីក្បែរលោកស្រីគីម
« បងមិនគិតថាថេហ្យុងនិងជុងហ្គុកចម្លែកទេឬ? » សំណួររបស់លោកស្រីគីមធ្វើឲ្យលោកចនងក់ក្បាលតិចៗ
« ក៏ចម្លែក »
« ដូច្នេះទើបអូនចង់ផ្សះផ្សាពួកគេទាំងពីរ ខំទុកពេល១ខែឲ្យពួកគេយល់ចិត្តគ្នា បែរជាលើសដើមទៅវិញ » លោកស្រីគីមដកដង្ហើមធំទាំងពិបាកចិត្ត លោកចនឃើញដូច្នេះក៏អង្អែលខ្នងភរិយាតិចៗជាការលួងលោម គាត់ក៏បារម្ភ ប៉ុន្តែរឿងក្មេងៗពេលខ្លះទុកឲ្យក្មេងៗជាអ្នកដោះស្រាយដោយខ្លួនឯងវិញ ។
..........
« ហ្ហឹម... សង្ឃឹមថាចូលទៅក្នុងហើយ យើងមិនស្លាប់ទៅចុះ » ជុងហ្គុកដកដង្ហើមធំ យកដៃរិតទ្រូងខ្លួនឯងតិចៗសម្រួលអារម្មណ៍ ទើបបើកទ្វារចូលទៅក្នុងបន្ទប់ថេហ្យុងដោយមិនចោលទម្លាប់មិនគោះទ្វារមុនចូលបន្ទប់អ្នកដទៃ
YOU ARE READING
CIGARETTES
Short Storyគីម ថេហ្យុង និង ចន ជុងហ្គុក ពីមនុស្សដែលមិនដែលស្គាល់គ្នាសោះ ក៏ស្រាប់តែត្រូវមករស់នៅក្នុងដំបូលផ្ទះតែមួយ ក្នុងឋានៈជាបងប្អូនចុងនឹងគ្នា ។ « យើងមិនទទួលស្គាល់មនុស្សចម្លែកដូចឯងជាប្អូនប្រុសយើងឡើយ » « គិតថាខ្ញុំទទួលស្គាល់មនុស្សចម្លែកដូចបងជាបងប្រុសខ្ញុំឬ » « កុ...
