بعد مرور يومين ..
يوم مشرق وبداية جديدة ..
الساعة٦:٠٠ صباحاً
خرج من باب غرفتة الخلفي ونزل الدرج وهو بكامل أناقته بالزي السعودي ثوبه الأبيض وشماغه ، وتفوح منه رائحة ملكية ، بجيبه قلم بنقش سعودي مميز ، وبيده اليسرى ساعة من رولكس "أويستر بيربيتوال كرونوغراف دايتونا" كلاسيكية "
أمسك بهاتفه وأتصل على " ناجي" ..
رد
-ناجي:اء
-شجاع بسرعه : راجح جاك ؟
-ناجي : أيه جاي باقي دقيقتين ويوصل قال
-شجاع : زين
-ناجي : وشوله مقعدنا بدرييي وال..
شجاع فصل بوجهه الخط ..
ركب سيارته بسرعه وتوجهه لبيت ناجي ..
بعد ١٥ دقيقة بالضبط ..
الساعة ٦:١٨ صباحًا
وقف أمام منزل ناجي وشافهم أمام الباب ينتظرونه ..
ناجي ركض وركض خلفه راجح للسيارة وتوقفوا أمام للباب الأمامي ..
-راجح : قم أذلف أنا أكبر
-ناجي وهو ممسك بيد الباب : أقول أنا جيت أول
-راجح : ترا والله اشكي النقيب عليك
-ناجي بسخرية : دلخ أنت ماتخطيت أننا أستقلنا ؟
فتح الباب ناجي وكان بيدخل ولكن سرعان ماسكر الباب راجح
على جسم ناجي
-ناجي بصراخ : ايييي
-شجاع التفت من صراخ ناجي وقال : ياطفل أنت وياه
أعجلوا علي لا أنزل عليكم
-ناجي وهو محصور بين الباب والمرتبة : مابي مابي
أبي أركب قدام
-راجح : أنا بركببب
-ناجي : اول مرة أركب بي ام على الاقل أنت متعود خلني
-شجاع : والله لو ماتعدلون بنزل أتفاهم معكم !!
فتح الباب راجح وركب ناجي بسرعه .. أنصدمو لما راجح ركب بجانب ناجي !!
-شجاع بصدمة : وش ؟
-راجح : وش أسوي له مايبي ينزل ؟
-ناجي وهو ينظر لشجاع بصدمة ثم ينظر لراجح : تستعبط ؟
شايف جسمك وش كبره وقاعد على نصي ؟!
-شجاع : يلا عاد بدون أستعباط
-راجح : خله ينزل
-ناجي : ماني بنازل
-راجح : شجاع قوله ينزل
قاطعهم صوت تحريك السيارة !!
شجاع حرك بسرعه ودعس بشكل سريع وحرك من أمام بيت ناجي بعدم أهتمام لمشكلتهم ..
-راجح : شفت حرك وحنا بهالوضع الغير مريح !
-ناجي وهو ينظر لكتف راجح : أقول العضل بكتفك
لحاله ٦ كيلوجرام
شجاع ضحك بداخله ..
-راجح : أذكر ربك لا أخليك تعضه اللحين
-ناجي : تف ما شاء الله تف
-راجح : لاتتفل يالوصخ
بعد ثلاث دقائق من الوضع المزري ..
-ناجي: هف خلاص قم شوي والله بنط ورا بس ابعد ..
-راجح : من أول
-ناجي : أذلف
ناجي توجه للمراتب بالخلف في السيارة ..
بعد ماعدل على وضعه وقعدته ..
-ناجي وهو مقترب بين راجح وشجاع : شجاع
شوضعك ؟
-شجاع وهو مركز بالسواق ويهوجس ، واضع كوع يده على نافذة السيارة
وكف يده عند حنكه : وش بعد ؟
-ناجي : مطلعنا ٦:١٥ ترا مره بدري
- شجاع أرجع يده للدركسون وقال: ليش تحسب نفسك
طالب ؟ تراك معلم
-ناجي : لا لاااا لاتقولها !
-راجح التفت : معلم ؟!؟!؟!
...
الساعة ٦:٢٣ صباحًا
نزل من الدرج وتوجهه للمطبخ بسرعه ..
-مشعل : وش الفطورررر اليوم ؟
-صيته أم سيف : لا لا ماعليك في صنف أنت تبيه
-مشعل : اياجعلنييي ماخلى
أقترب مشعل وقبل رأس والدته ..
والدته طبطبت على ظهره وأبتسمت له ..
-صيته :يلا أطلع أطلع لاتحوسني
-مشعل : مامدى مامدى والله أني داري
-صيته : هص هص روح الصالة خالاتك قاعدات
هناك
-مشعل : يمه لابس لبس عجايز وش اللي روح لهم
-صيته : أستح ، يغلونك روح لهم وهناك عيالهم معهم
-مشعل وهو يمثل تعابيير الزعلان : طيب طيب
مشعل خرج من المطبخ ..
توجهه للصالة ..
-مشعل : السلام عليكم
-الجميع : وعليكم السلام هلا
دخل وجلس بجانب زوجة عمه الهنوف
-مشعل : هلا بالشيخه
-الهنوف : هلا فيك ياوليدي
-مشعل بجانب الهنوف : ألا وين
العيال مختفيين
-الهنوف : شجاع ..
-مشعل قاطعها : هذا الطويل ما اشوفه حتى لو بالبيت
بس الباقين وين ؟
-الهنوف ضربت كتف مشعل : عمى أنتظر أكمل
على الاقل !
-مشعل ضحك وقال : هذا الصدق
-الهنوف أيضاً : سعود ونياف شفتهم قبل شوي
قالوا بيجون
-مشعل بهمس : اعوذ بالله لصقه
-حصة"الجدة" : مشعل والله أنت ماتترك أحد بحاله
-مشعل رفع حواجبه ونظر للجدة : ما شاء الله ياجدتي
وأنا جنبك ماتسمعين كيف سمعتي اللحين
-الجدة ضحكت : اياقليل الأدب
الهنوف قرصته من جنبه ..
-مشعل وهو يتحمحم : أقصد ما شاء الله الخضار
والحمية الغذائية فادت معك
-الجدة : أمحق
-مشعل ضحك : عزالله ماتمدحين شيء
الجدة رمت عليه المنديل مسك المنديل وركض لجدته وحضنها وقبل رأسها وقعد بجانبها ..
الجدة مسحت على راسه ومدت له إحدى الحلويات ..
_
في إحدى غرف القصر ..
الساعة ٦:٢٧ صباحًا ..
فتحت إحدى الكتب الموجودة على مكتبتها ..
"حروف قانونية "
كنت تقرأ بحب وأستمتاع ويشع من عيونها شعاع الطموح والحب !
إلا أن قاطعها صوت طرق الباب ..
أغلقت الكتاب ونظرت للباب ..
-ديم : تفضل
المها دخلت وهي مبتسمة ونطت ..
-المها نطت وفتحت يديها : وش رايك ؟
-ديم التفتت للمها وأبتسمت : اوهههه سويتيها
ماتتركين شيء بخاطرك ؟
-المها : والله محد قالكم تخلوني لحالي
-ديم: قربي قربي بشوف
أقتربت المها من ديم لتلمس ديم خصلات المها الأمامية ..
-ديم: والله الغرة طلعت حلوة عليك !!
لو أعريف من زمان قصيت لك
-المها ضحكت : أعرف أعرف
بابا وش قال ؟ تكلموا عربي زين
-ديم : تمام تمام بس حلوة
-المها : وههه ياحبيبتيي
-المها حضنت ديم وقالت : وهه
أحبك
المها سقطت عينها على كتاب ديم ..
-المها : أحبك يا أفضل محامية
-ديم : امممم افف تحمست
-المها ضحكت : يلا عقبال ما أشوفك صدق محامية
-ديم : اههخخ ياميمي متحمسه مره أصير
-المها : أي أي صيري وأبيك تقاضين واحد
-ديم : والله تم وبلاش
المها ضحكت ..
_
الساعة ٦:٣٠ صباحاً
أمام الباب الرئيسي للمدرسة ..
أوقف سيارته في إحدى مواقف المدرسة الرئيسية للمعلمين ..
-شجاع : يلا توكلنا على الله
-راجح : شجاع ماهو منجدك ؟! بتخلينا
مدرسيين !
-شجاع : ليش وش فيها ؟ كاد المعلم أن يكون رسولا !
-راجح : صح صح بس أن يالله أسيطر على البهيمه
اللي ورا تبي أسيطر على ٢٠ طفل مع بعض ؟
-ناجي : هذا وقح ؟؟ وش مسويلك أنا !!
-شجاع : لاتشبهه بالبهايم حرام
-ناجي : شجاع مايهمني وش اصير أهم شيء معك
، راجح صدقني بضبطك بفرض هيبتي عليهم
-راجح : أي خير نشوف .. نشوف
-شجاع : ياه ما أكثر هرجكم أنزلوا أنزلوا
-ناجي بصراخ : راجحححححح
-راجح : عمى وش فيك ؟
-ناجي : مدرسة متوسط !!
-راجح: ماني مناظر تكفى قل مقلب
-شجاع : الله يخلف
نزل شجاع وأغلق الباب وأشار لهم بنظره للنزول
نزلوا من السيارة وتوجهوا للداخل ..
دخل شجاع أولهم ومن ثم ناجي وراجح خلفه ..
كان يمشي بهيبة عالية وله كاريزما كبيرة .. كان يخُطوا خطى واثقة جداً مما جعل جميع الطلاب في الساحة يصمتون وينظروا له فقط ..
-خالد "طالب": يوسف يوسف شوف ذا مدرس جديد ؟
-يوسف"طالب" : ياما شاء الله ما اطوله !! لا ما اتوقع مدرس
يمكن مشرف
-خالد : هذا يدخل العسكرية من غير واسطة
يوسف ضحك وكان ينظر لشجاع وهيبته ..
-يوسف : شفه كيف نظراته ثابته ويمشي مستقيم
حتى مايناظر احد !!
-خالد : هو يشوفك أصلاً ؟
..
دخلوا لغرفة المدير التي كانت مواجهه للباب ..
-شجاع رفع يده للموجودين وللمدير أمامه : السلام عليكم
ورحمة من الله وبركاته
-الجميع : وعليكم السلام
راجح وناجي بجانب بعض ويبتسموا للمعلمين والإداريين في غرفة المدير ..
-المدير "ريان" : أنت شجاع المدرس الجديد ؟
-شجاع : أيه نعم واللي تشوفهم وراي ذول ناجي وراجح
-المدير : هلا هلا ونعم تفضلوا
قاموا بالجلوس بغرفة المدير ..
وبعد ١٥ دقيقة من التعارف بينهم وتوزيع المهام وتعيين كل مدرس مادة على حسب شهادته .. وناجي وراجح يجهلون مايدور حولهم ..
_
_
الساعة ٦:٤٠ صباحاً
في غرفة ديم
-المها لديم : أمشي ننزل طفشت
-ديم : وأنا جوعانه بعد ، أمي وينها ؟
-المها : أمي نزلت
-ديم: شفتيها ؟
-المها : أي
-ديم : وليه مانزلتي معها ؟
-المها : مدري أحس غريب ومالي خلق يصير شيء
-ديم : وش بيصير مثلاً ؟
-المها : هف خلاص أمشي تنزلين؟
-ديم : وش هف قولي ؟
-المها : يعني أقصد مالي خلق أنزل كنت
-ديم : طيب طيب بنزل ..
توجهها المها وديم للطابق الأول ..
كانت أصوات الضحك والمناقشات واصله إليهم فاتوجهوا للصالة ..
-ديم : السلام عليكم
-الجميع : وعليكم السلام
-مشعل بمقاطعه : يلا استأذنكم باقي على محاضرتي ساعة ..
خرج من الصالة بسرعه وبعدم إنتباه للمها وديم ..
الجدة : تعالن تعالن جنبي ..
تقدموا المها وديم بالجلوس بجانب جدتهم ..
-الجدة : يازين بناتي
المها أبتسمت لجدتها وكذلك ديم ..
-المها ألتفتت لأمها : وين الريم ؟
-حصة : مدري
-الهنوف عندما رأت المها تسأل عن الريم :
شوي تجي عشان الفطور ..
-المها : زين ..
_
الساعة ٦:٥٠ صباحاً ..
رن جرس الطابور الصباحي المدرسي ..
-المدير لشجاع : خلاص تم وتقدرون تبدون من اليوم
-ناجي وهو مسكر على شفايفه ويهمس لشجاع : متحمس
ذا
-راجح سمعه وقال بهمس : أنشهد أنك صدقت
-المدير : وراكم تمتمون ؟
-شجاع : تم من اليوم بنبدأ .. ودام رن الجرس
يعني طابور الأن صح ؟
-المدير أبتسم لهم : نعم يلا تفضلوا نوقف معهم ..
-ناجي وهو ماسك ذراع شجاع ومتعلق فيه : وين بنروح ؟
وش نوقف معهم ؟ أنا ماصارلي سنتين متخرج من المدرسة
-شجاع فلت يد ناجي منه وقال : قم بس
..
خرجوا للساحة ليروا الطلاب مصطفين ..
شجاع وناجي وراجح تقدموا بجانب المعلمين ليصطفوا أمام الطلاب ، والتنظيم ..
الطلاب كانوا منبهرين من طول شجاع وتميزه وحدة ملامحه وبرودتها ! ..
-مدير المدرسة : النشيد الوطني ..
-الطلاب بصوت جهور وبكل عز و فخر :
أنت تقرأ
رواية: أنا من لقيتك أعطيت الشجاعة حقها
General Fictionرواية واقعيه ولكن سردها خيالي .. نتكلم فيها عن عائلة سعودية تعيش في قصر .. نحكي فيها عن حياة كل واحد فيهم "خاصتاً الأبطال" مثل: شجاع الذي يعاني من عقدة منذُ صغره ، وعدم قدرته على التعبير بسبب (الكمال العاطفي ) .. وسيف ، الذي كان لايعلم هل هو ظالم...
