الساعه 9:18
وصلو خالد وصقر ومها على بيت ودخلو داخل
مها : ما شاء الله داخلين بيت جن
ذيب من وراها : لا تنسين تسمين اجل
ماحس او ماحسو كلهم الا بكف مطير ذيب بوسط الصالة
وماهي دقايق الا العيال كلهم طالعين من مطبخ الجد والبنات من غرفة امل والجده فاطمه من غرفتها
سلطان : شسالفه ؟
نوف : شصار !!
الجده فاطمه بخوف : يمه شفيكم ؟
ذيب كان بوسط الصاله ماسك راسه ومهو مستوعب الي صار يناظر بالعيال ويرجع يناظر بمها
والبنات مستغربين هم سمعو صوت طلعو ذيب على ارض ومها وصقر وخالد واقفين
راح خالد وحب على راس جدته : مافي شي يمه معليش صحيناك الحين اخذهم ونطلع ادخلي نامي انتي
الجده فاطمه مسحت على صدر خالد وكانها عارفه الي فيه : الله يهونها ياحبيبي
خالد ببتسامة خفيفه حب راسها مره ثانيه
دخلت الجده تنام وسلطان شغل الضوء
ومها راحت تمشي وجلست قدام ذيب وطبطبت على كتفه بخفه : خلي لك نصيب من اسمك يالذيب ولا تجي بغدره
مره ثانيه لا توقف ورانا خليك قدام
ذيب مسك يدها وشد عليها متوقع انها تتألم بس انصدم بابتسامتها وبحركه سريعه سحبت يدها ولفت يد الذيب ورا ظهرو وقالت : خليك ذيب يالذيب.
تركت يدو ووقفت بعدها مدت يدها عشان تقومو
بس ذيب مسك يدها وسحبها فوقه : انا ذيب يالمها
وخر عنها وقام وقف ومد يده عشان يقومها
مها ناظرة بيد ذيب بسخرية وقامت لحالها : ماتعودنا نوقف على يد احد
عزيز : شفيكم ؟
صقر : ذيب وقف ورا جونسينه وماحس الا بكف حطو بوسط الصاله
مها ناظرة بصقر بنظره حاده
صقر : ابلش هههههههههههه
نواف راح عند خالد وحضنه بكل قوته : هونها ياخوي
خالد حضنه ببتسامة خفيفه وهو عارف انو اكثر واحد متضايق عليه من بعد صقر ومها نواف : هانت ياحبيبي اخوك
بعدها بعد عن نواف : احح انا بطلع
خلود : وين ؟
خالد بدون مايناظر فيها : فوق
خلود : على سطح ؟
خالد : على بيت
مها : شتبين انتي مافهمت ؟
خلود ببتسامة خفيفه : اهدي لا تقلبين علي مابي شي بس اسأل
مها ونواف وريم : لا تسألين
خلود : واي
خالد : اتوقع انو عندي لسان ارد فيه واسكت فيه الي ابيه اتمنى محد يتدخل بنقاش اكون انا فيه مفهوم
مها سكتت
ونواف وريم : مفهوم
خالد ناظر بمها الي قالت : مب مفهوم مارح اسكت وانت عارف ذا الشي
خالد تنهد : الله يعيني عليك
صقر وسعود : عظم الله اجرك
خالد ابتسم لهم وطلع فوق
العيال رجعو جلسو بالمطبخ والبنات رجعو غرفة امل
مها : استاذنكم بطلع ارتاح
امل : موفقه ياعيني
طلعت مها وطلعت وراها ريم
: مها
مها : سمي
ريم : كيف خالد ؟
مها ببتسامة خفيفه : اسأليه
ريم : خابر تعرفينه اكثر منه لو سألتها بيقول بخير ويسكت
تنهدت مها وهي تتكي على جدار : مهو بخير والله
ريم بضيق : شقال ؟
مها : يومين ويرجع زي قبل ولا بعد يبي عاروس
ريم بضحكه سخرية : عساس مهو مهتم يعني ؟
مها : الله يعينه يختي خلود عرفت شي ؟
ريم : خلود لا بس باقي العيال اي بعد مارحتم جلسنا بالمجلس الصغير وخلود ماكانت موجوده
مها : كلهم عرفو ؟
ريم : اي
مها : وحور ؟
ريم : لا سألت ومارديت عليها بعدها طلعت انا ونواف وامل قالت لي سألتهم ومحد رد عليها
مها : زين لا تدري تراها مهي صاحيه تعلم عمامي وتسوي مشاكل بين فارس وخالد اكثر ومهو ناقصنا وحاولي خلود ماتدري برضو البنت بنتنا وتبي تفرح وكلنا خابرين فرحتها معاه فارس
ريم : اي بالله داري بس قلب خالد يالمها
مها تنهدت بضيق : الله يعين قلب خالد يختي شبنسوي انا والله ياريم تعبت
ريم : اخخ بس شنسوي كلنا تعبنا
قاطعهم نواف الي جاء عندهم : من وش تعبانين
ريم : من وضع خالد
نواف : لا تذكريني تكفين اخخ اقسم بالله مقهور عليه
ريم : كلنا
نواف : شالوضع الحين مايسوي شي ؟
مها : يقول لا و انو هو مستحيل يوقف بطريق فرحتها وهي اصلاً ماتحبه تحب فارس
نواف : وش تحب بفارس ياخي والله خالد احلى
مها وريم ناظرو بنواف بضحكه
ريم : لا اله الا الله
مها : منجد
نواف : شرايك نزوجك خالد
مها : شرايك تسكت
ريم : ماش ماينفع خالد نبيها لذيب
مها مشت وهي تقول : زوجة اخوي تحلم بزيادة
ريم تناظر فيها بصدمه وترجع تناظر بنواف الي ضحكته شاقه وجه : كيف بصارحها انو سعودي خطب وسحب علي
نواف ناظر فيها بسخريه : ماعليك سلومك موجود
ريم : ياخذني وانا اكبر منه عادي ؟ والله ليت عاد سالم مزيون
نواف ناظر فيها بحده وهو يحاول يمسك نفسه : نقلعي من وجهي
ريم بضحكه : ابشر يااخو زوجي
نواف شال عقاله وريم ركضت على غرفة امل
نواف ناظر بالعقال بعدها بغرفة امل حط عقاله وقال بضحكه : تبشرين بالجنة ياحرم نواف
أنت تقرأ
"ماقلت لك ياقلبي لا تحب حاجه ماهي لك"
Romanceروايه عائليه تدور الاحداث بين الجد تركي وعياله وعيال عياله الي من شدة حبو لهم مسكنهم كلهم ببيت واحد ماحب اوصف كثير ادخل وشوف بعينك 🤍 . . fi1if2 حسابي على انستا حياكم 🤍
