وصلو عيالنا على فندق ودخلو عند الاستقبال الي كان جالس فيه سالم يشتغل على لابتوب
خالد : السلام عليكم
سالم : هلا خويلد عليكم السلام
امجد : ورا مارحت معانا انت وش جابك لحالك هنا ؟
سالم : ابد والله عندي مشروع وتسليمه يوم الاربعاء قلت اخلص عشان لا انهبد
امجد : الله يوفقك حبيبي
خالد : بتوفيق إن شاء الله
سالم : حبيبي
جلسو كلهم والي صار يسولف والي يطقطق بجواله
سالم قام وقف : مجود حبيبي تعال معاي شوي
خالد ناظر فيه : صاير شي ؟
سالم ببتسامة : لا ماعليك الامور طيبه
قام امجد معاه سالم وابعد شوي عن العيال
وقال سالم شصار معاه فارس وابو فارس لـ امجد
امجد بصدمه من كلام سالم : فارس ضرب عمي عبدالرحمن ؟
سالم : مهو ضرب ياخي بس مسك يده عشان لا يضربه
امجد : ياويلي طيب اسمع انا بتصرف اهم شي خالد لا يدري ترا والله ي ( قاطع امجد صوت خالد الي قال : شصاير
امجد : هاه شصاير؟ مافي شي
خالد : وش الشي الي ماتبيني ادري فيه ؟
امجد ببتسامة تخفف التوتر : مافي شي ياخي انت شفيك
خالد ناظر بسالم : شفيه ؟
سالم وجه نظره لـ امجد وسكت
خالد بصوت مرتفع وواضحه فيه العصيبه : قلت لك شصاير ويوم اتكلم معاك ناظر فيني تفههمم!!!!!!
العيال سمعو صوت خالد وجو عندهم كلهم
صقر : ياهو اذكرو الله شصاير ؟
خالد : اخلصو علي لا افصل عليكم الحين
نوف بهمس لـ نايف : كل ذا وماافصل علينا للحين ؟
نايف : لا توك ماشفتي شي ماقول غير الله يرحم امجد وسالم لو ماتكلمو
هايف بهمس لهم : ماش الظاهر خسرنا اخونا الكبير
سعود : شفيه سالم حبيبي تكلم
امجد مسح على وجه وقال : لا اله الا الله ريفان خذي البنات وروحو اجلسو
مها كانت واقفه اول وحده من البنات مسكتها ريفان وقالت : تعالي حبيبتي
امجد : اتركي مها هنا
مها ناظرت بـ امجد بستغرب وخوف لا يكون سالم مسوي شي غلط
ريفان اخذت البنات وراحو كلهم
عزيز : راحو البنات يلا شفيه ؟
سلطان: شسالفه يابوي ؟
صقر : سالم شفيك ؟
سالم قال لهم الي صار :
خالد بعصبيه : رفع يده على ابوي !!
سالم بلع ريقه : مارفعها بس مسك يده
خالد مسك سالم من تشيرته وقال بحده : فارس وينه ؟!!!!
مها وسعود خافو على سالم وصارو يحاولون يفكونه من خالد
سعود : خالد يرحم اهلك خلاص
خالد دف سعود عنه : سالم قلت لك فاااررسس وينهه
مها بصوت فيه بكاء : تكفى ياخالد فكه
خالد بعد ماسمع صوت مها ترك سالم على طول
وصد عنهم
نواف : خالد ترا كذا ماينفع هدي ياخي لا تنهبل علينا
خالد لف على نواف وشد على يده كانت النيه يضربه بس ماقدر اخذ نفس وكان في طاولة قزاز جنبهم ضرب يده بالطاولة
عند البنات
الي راحو جلسو بعد ماقال لهم امجد
خلود : ياويلي شصاير
وعد : الله يستر
ريم : ليه خلو مها معاهم طيب
ريفان : خالد يضعف قدام المها شكلهم خافو على سالم وخلو مها عشان تهدي خالد
نوف : رح يضرب سالم يعني ؟
امل : اذا سالم جايب العيد لا تستبعدين
شوق : تهقون شسالفه
الهنوف : مدري صدق الله يستر
ليان : صدقوني فارس له يد
خلود بنرفزه : شدخل فارس
نوف ووعد وامل صارو يناظرون ببعض وخايفين من كلام ليان ليكون صح
امل فزت على سعود الي دفه خالد وكان رح يطيح لو صقر مامسكه : يويلي سعود!!
ريم مسكتها على طول عشان لا تروح لهم
ريفان : لا تكفى ياخالد
نوف : مسك سالم
خلود : بعدته مها ماعليكم
ريم شافت نواف يتكلم وخالد راح عنده : يارب مايجيب العيد وتطيح براسه
فزو كلهم يوم شافو خالد الي ضرب الطاولة
خلود ركضت على خالد عشان تبعده عن القزاز
خالد شاف لهفتها عليه وخوفها وهمس لها : كنت اتمنى فارسك مكان ذي الطاولة
خلود بهمس : اسكت مهو وقته وكملت بصوت عالي ( وعد شوفي الاستقبال وجيبي من عندهم اسعافات اولية بسرعه
راحو عند الاستقبال وعد وعزيز
عزيز : لو سمحت اسعافات (قاطعه موظف الاستقبال الي شاف كل شي : تمام تمام وركض داخل يجيبها
وعد : عزيز شصاير
عزيز صد عنها : ولا شي
وعد : بس انا ( قاطعها وصول موظف الاستقبال عزيز اخذ منه الاسعافات وراح عند خلود ونواف الي ماسكين خالد
ووعد راحت عند البنات
امل : وعد شفيه ؟
وعد : مدري
ليان : عزيز ماقال شي ؟
وعد : لا
خلود مسكت يد خالد عشان نواف يطلع منها القزاز
والعيال كلهم مجتمعين فوق راس خالد
خالد : ابعدو من فوقي كلكم يلا
صقر : صدق ابعدو شوي خلوه يشم هوا عسى يروق علينا
امجد : بشويش وانا اخوك والله ماكان لها داعي كل ذا
خالد سكر عيونه وقال : روحو كلكم اجلسو هناك (قصده مكان البنات ) كمل كلامه وهو يقول : عزيز شوف موظف الاستقبال او مدير الفندق عشان الطاولة الي نكسرت
عزيز : تمام
راحو العيال كلهم جلسو معاه البنات الا نواف الي جالس ينظف جرح خالد وخلود الي كانت ماسكه يد خالد معاه انها ماتحب تشوف منظر الدم بس في شي مانعها تترك خالد وهو بالحاله ذي
نواف : يعني كان ضروري تسوي بيدك كذا ؟
خالد : لو ماني مسوي بالطاوله بسوي فوجهك عشان كذا احمد ربك وخليك ساكت
نواف وهو يلف الشاش على يد خالد : اخخ منكم بس مالوم جدي وهو مدخلنا طب شكله خابر مستقبلنا كلنا
خالد شد على يده بألم من لف نواف الشاش عليها
خلود فزت : شفيك ؟!!
خالد ناظر فيها بطرف عينه : ولا شي
خلود : يوجعك ؟
خالد : اذا راسي اي شي ثاني لا
خلود : شفيه راسك ؟
خالد عدل جلسته يوم نواف خلص يده : ولا شي قومي انتي ونواف على عيال يلا يلا
خلود : تروح معاي مشينا ماتروح معاي ماني رايح
خالد : خلود بلا عناد لا اطلع حرتي فيك الحين
نواف قوم خلود : امشي امشي بس يروق نجيه
أنت تقرأ
"ماقلت لك ياقلبي لا تحب حاجه ماهي لك"
Romanceروايه عائليه تدور الاحداث بين الجد تركي وعياله وعيال عياله الي من شدة حبو لهم مسكنهم كلهم ببيت واحد ماحب اوصف كثير ادخل وشوف بعينك 🤍 . . fi1if2 حسابي على انستا حياكم 🤍
