"ماقلت لك ياقلبي لا تحب حاجه ماهي لك"

بارت 15

12:38
وصلو البيت وكلهم توجهوا على غرفهم من التعب عساس ينامون بس محد قدر ينام كانت ليله كلها هواجيس وقلق ودموع
امل ماقدرت توقف بكاء ولا عرفت تنام راحت على جدتها دقت الباب ودخلت كانت منسدحه على سرير وهي عاجزه تنام فتحت يدها لوحده من اميرات جدنا تركي : تعالي
جت امل ونامت بحضن جدتها وهي تبكي

عند عزيز الي ماقدر ينام يروح ويجي بالغرفه يفتح الشباك يقوم ويقعد مهو قادر يسيطر على نفسه مسك جواله ودق على وعد الي حالها ماكان احسن من حال غيرها كانت جالسه على سريرها وحاضنه رجولها وتبكي مسحت دموعه يوم أنتبهت على جوال وردت بصوت هادي : هلا عزيز
عزيز : كيفها حبيبتي ؟
وعد بصوت متقاطعة : بخير
عزيز : وعد انزلي على حوش انزلي
وعد صارت تبكي : عزيز ماني قادر والله
عزيز : انزلي لا اجي اخذك من البيت
وعد : طيب طيب جاي
وفعلاً نزل عزيز وقف بالصاله ببيت الجد ماهي شويات والا ونزلت عليه وعد فتح يدينه على طول واستقبلها بحضن الحضن الي كانت تنتظره وعد عشان تنهار فيه
حضنت عزيز وانفجرت بدموعها عزيز ماكان عرفان يواسيها هو يبي مين يواسيه  اكتفاء بحضنها ومسح على شعرها وهو ساكت
وعد بدموع  : خايف ياعزيز
عزيز بعدها عن حضنه وهو يمسح دموعها : من وش ياعينه
وعد : خايف على جدي خايف هالنومه تطول
عزيز رجع حضنها وهو يمسح على شعرها : لا تقولين كذا إن شاء الله بكرا نروح له وهو صاحي
وعد بعدت عنه : انا بطلع برا ابي هوا اختنقت
وفعلاً طلعو عزيز ووعد جلسو بالحوش وهم يتاملون اليل

مها ارسلت على قروب العائلة : احد صاحي ؟
ردو عليها صقر وخالد وسعود وامجد وسلطان ونواف وريم وامل : اي
سعود : امل مانمتي ؟
امل : لا جيت عند جدتي هي نامت وانا ماقدرت انام
خالد : نامت ؟
امل : اي الحمدالله نامت بعد مابكت
صقر : افف الله يعينها ويعينا
اختلافات ردودهم بين.  امين . صدق . يزينها الله . تهون
مها : وعد وعزيز نايمين ؟
ردت نوف : مدري انا توني رحت على بيت وعد مهي بالبيت
سلطان : تهقون فجرتها وراحت على عزيز ؟😂
ذيب. : نعن ابو نيتك يارجال عزيز بكبره مب هنا 
نوف : تهقون هجو وسحبو علينا ؟
ريم : وينك عنها يوم طلعت ؟
الهنوف : نوف عندي من يوم جينا
صقر : شوق وينها ؟
شوق : معاهم معاهم
هايف : اما عاد عندنا ؟
نايف : احمم
هايف : على خاص حبيبي مب هنا
صقر : شوق ارجعي على بيت 😂
شوق : طالعين ندور على وعد وعزيز
سلطان : خذوني معاكم ابي اخرب عليهم
خالد : تنزلون تحت ولا نطلع فوق
ليان : تحت حور مانامت الا طلعت روحي مابيها تصحى وانتم ماتعرفون تطلعون بصوت واطي تقومون اهل البيت كلهم
صقر : الله يسعدك ياحبيبتي
ليان : ويسعدك يارب انثبر انزل تحت
خالد حط منشن باسم : @حلم الايام الشداد وينك ؟
ردت عليه خلود : موجوده
خالد : انزلي تحت
خلود : طيب
ذيب : مها انزلي
فجاه مها حطت القروب كتم بمعنى محد يقدر يسولف غير المشرف حق القروب الي هي مها حطتهم كتم وقالت : انثبرو كلكم تحت بس ابي منكم شي اشيله
وفعلاً كانت ذي العاده عند مها تحطهم كتم عشان لا يزعجونها وتشيله يوم تبي منهم شي