"ماقلت لك ياقلبي لا تحب حاجه ماهي لك"

بارت 11

بعد يومين (ببارت عشره كانو بيوم الاربعاء اليوم جمعه )
10:19
نزلت من فوق عشان تلحق على فطور
وصلت تحت : سلام عليكم
الكل : عليكم السلام
ابو خالد : جنب خالد في مكان اجلسي افطري يلا
خلود ببتسامة : تمام
خالد نزل راسه وعض على شفته بقهر من ابوه
خلود جلست وكانت على يمين خالد وعلى يسار كان في صقر الي نزل راسه وهو كاتم الضحكه وقال بهمس : عظم الله اجركم
خالد بنفس الهمس : اسكت صدت نفسي أقسم بالله
صقر بهمس : اقول اهجد اهجد
خالد : اكل وانت ساكت
كلهم ناظرو بخالد الي استوعب انها قالها بصوت عالي
ابو خالد : كلكم اكلم وانتم ساكتين
صقر ببتسامة : ابشر
سلطان : والله وخالي صادق خلونا نعرف ناكل
خالد ناظر فيه بطرف عينه
سلطان : اكل وانا ساكت ؟
خالد : ليت
سلطان : ابشر
خلصو اكل وكل عاده راحو جلسو بالمجلس كان الشاهي
والقهوه يدور بينهم الي يشرب شاهي والي يتقهوى وريحة المجلس طالعه بريحة القهوه وعطر العود بحكم اليوم جمعه عشان صلاة الجمعه كلهم لابسين ثواب ابيض وشماغ احمر وحاطين عطر ثقيل
مها : الله ليت كل الايام يوم جمعه عشان نشوفكم كاشخين ومعطرين
سلطان : اذكري الله ياشيخه اقسم بالله مكتوم متى نروح نصلي عشان ابدل ماني داري كيف خالد وصقر وسعود وامجد وذيب لابسين الثوب دايم كذا
ابو خالد : عشانهم رجاجيل
نواف وسلطان وعزيز ونايف وهايف وسالم بحكم انهم مالهم بالثوب كثير غير بالمناسبات يعني : افاااا
نايف : ياعم بالله عليك حدد هدفك حرام عليك تهبد الكل كذا
ابو خالد : انت تعال اجلس جنبي بعد دفاعك عن نوف صدقني انك ارجل من ابوك
ابو فارس وابو امجد صار يناظرون بعبدالرحمن
ابو امجد بضحكه : افاا ياخوي تراني اخوك يعني انا اوله ماينفع كذا
ابو خالد : في مثل يقول "أعز من الولد ولد الولد"
الجد تركي : ذي حقتي انا انت مالك شغل
انفجرو ضحك كلهم
ابو خالد بضحكه : الي هو يعني
سلطان بضحكه من غير مايحس : الله خالي عبدالرحمن يعرف يضحك هههههههههههههههههههههههههههههههههههههههههههههههههههههههههههههههههه
كلهم ناظرو بسلطان الي ماستوعب نظراتهم الا بعد ماجاب العيد : احممم السموحة يالخال تعرف اليوم جمعه ننكت ونمزح شوي
ابو خالد : حتى بالمزح ثقيل دم يارب شذا
سلطان : حبيبي والله
ابو خالد : حبك برص
سلطان ببتسامة : تمون تمون
ابو خالد : لا مامون
سلطان : طيب ماتمون
ابو خالد ناظر فيه : احلف !!
سلطان : يالخال والله حيرتني
الهنوف بضحكه : جعلك تسلم يالعم خذ حقنا من ابو راس متوازي
ابو خالد بضحكه : دامني وراكم سلطان ونواف وعزيز مايرتاحون بحياتهم
وعد : عز الله يعزك يابو خالد
ابو خالد ناظر فيها : تمون بزياده الاخت
عزيز بضحكه : تعود يالولد بتصير بنت من بناتك
ابو خالد : الحلم ذا تحلم فيه دايم ولا احيانا
وعد وعزيز ناظرو ببعض بصدمه بعدها ناظرو بـ ابو خالد الي كان كاتم ضحكته
عزيز : والله يالغالي اذا ناوي توقف بوجه الحلم من الحين اقول لكم تراني بهج اتزوج وارجع لك بعد سنه معاي عبدالرحمن
ابو خالد : ناوي تسمي عبدالرحمن ؟
عزيز : اي إن شاء الله دام خالد مهو ناوي
حور : ما شاء الله خالد وش ناوي عليه
خالد : مايصير عندي عيال
حور : ناوي مايصير عندك عيال ؟
خالد ببرود : اي
ابو سعود : صدقني اطلق نيه
مها : الظاهر ابونا ندم
سعود : اي تشوفين
سالم : اسفين لك ياحبيبي بس الندم مايفيد
ابو سعود : الشكوى لله
ريم : نواف ماودك تشارك معاه اخوانك ؟
نواف : لا مارح اشارك لا اني ندمان اكثر منه السموحه يالغالي بس حتى انا ندمان
ابو سعود : ندم متبادل ياحبيبي
سعود : غاسلين يدنا منك من يوم قلت بصير من عيال عبدالرحمن
نواف : اقول اسكت ازين لك مين مطلعني من العائله ومدخل بدالي خالد ؟ تراني مجروح بس ماحب ابين
خالد : خالد وده يطلع من ال تركي كلها الله يسعدك اتركني بحالي
الجد تركي بضحكه : الظاهر محنا عاجبين ابو تركي
خالد ببتسامة خفيفه : لا ياحبيب قلبي محشوم والله بس الباقي منهم عاجبيني وانصحك نصيحه تعال نغيرهم
الجد تركي : افكر بالموضوع
ابو سعود : نسحب علينا الظاهر
حصه : خالد ليه تبي تسمي تركي ليه ماتسمي عبدالرحمن
خالد : ابوي ماهو مسمي على ابوه ماظن لي حق اني اسمي على ابوي ولا يالولد ؟
ابو خالد : كلام سليم
صقر بضحكه : طيب يالخال ورا ماسميت على ابوك ؟
ابو خالد : اسمه شين ياخي خفت على مستقبل ولدي بس لو اني داري انو ولدي خالد كنت سميت وانا ساكت
خالد ناظر بابوه بطرف عينه
الجد تركي : حلال من كسر العصاء ذي فوق راسك انا اسمي شين يالشايب
ابو خالد ناظر بالجد تركي بطرف عينه : اقول يالشباب انت اخذت حبوب السكر ؟
الجد تركي بضحكه : مايحتاج فيني حيل اكثر منك
ابو امجد بضحكه : لا اله الا الله
شويات وذكرو الله كلهم وسكتو
رجع فتح لهم الكلام فارس (ليته مافتح 💔💔💔)
: احمم
ابو فارس : اسلم ياوليدي
فارس : دام كلنا مجتمعين حبيبت اقول لكم اني انا وخلود حددنا زواجنا بعد شهر والملكة الخميس الجاي إن شاء الله
خالد عض على شفته بقهر وحس بوجع بصدره وقال بهمس : اخخ
صقر جالس جنبه مسك يده وشد عليها بضيق
الجد تركي : كانه بكير ياوليدي؟
فارس : لا ياجدي خلود بنت عمتي مهي غريبه علي وانا مستعجل شوي لا انو عندي شغل وماني فاضي
الجد تركي : وسعود ؟
سعود : اذا هو مشغول شوي انا مشغول كثير الشكوى لله
ابو سعود : يعني ؟
سعود : الملكة يوم الخميس معاه الاخ فارس والزواج بتأريخ 8/15
حور : يعني بعد 15 يوم من الحين ؟!!
حصه : والملكة بعد 6 ايام يعني بعد الملكه بـ 9 ايام !!
سعود : ما شاء الله عماتنا ذكيات
سلطان : موضوع فيه زواج الله يسعدك بيطلعون لك نيوتن الي بداخلهم
ام فارس : سعود وراك مستعجل ياامي
سعود : والله ياخالتي عشان اجازتي بداوم بالـ15 يوم عشان يمدي اخذ اجازه قبل الزواج بيوم
ابو خالد : يمديك تخلص ؟
سعود ببتسامة : دام عمي عبدالرحمن يمدي ماعليك
ابو خالد : انشهد انه يمديك
الجد تركي بضيق : سعود
سعود : سم يابوي
الجد تركي تنهد : تبي تاخذ اموله ؟
سعود بضحكه : اي بالله
الجد تركي بضيق بان على وجهه امل بنته قبل تصير حفيدته وهو مربيها ومكبرها احفاده كلهم غالين عليه بس كلهم حبهم بديره وامل بديره ثانيه بالنسبه لجدنا تركي : حافظ على اميرتي ياسعود امل غاليه لا تزعل بنيتي
سعود ببتسامة خفيفه : بعيوني يابوي
امل الي كانت جالسه جنب حور نزلت دمعتها بعد كلام جدها
حور : لا يـ امل تكفين
الجد تركي ضحك وفتح يدينه : تعالي تعالي
قامت امل ودخلت بحضن جدها وصارت تبكي وقالت بصوتها المبحوح : يابيه لا تزعل مني اذا زعلتك بيوم من الايام
الجد تركي حضنها وشد على حضنها : لا لا كيف نزعل منك يابنتي كيف نزعل احنا فرحانين عشانك الله يوفقك ويتتمم لك بالخير والف مسامحه مسامحه يابنتي انتي ماتزعلين احد انتي الاميره الاميره انتي الله يعطيك العافية ويوفقك ماقصرتي
( امسكو دموعي 💔💔💔💔)
وخرت امل بعدها عن حضن جدها وراحت حضنت جدتها الي صارت تبكي : الله يوفقك ويسعدك يابنتي
وكملت كلامها : سعود والله ماتاخذ بنتي اذا تبيها تسكن انت وهي بغرفتها الي عندنا
سعود ناظر بجده وبعدها بجدته بصدمه
صقر بهمس لمها وخالد الي كانو جالسين جنبه : تجحفل ولدنا
مها : صدق شوف نظراته واضح مغدور هههههههههههههههههههههههههههههههههههههههههههههههههههههههههههههههههه
خالد : صدق تجحفل
سعود : احمم
الجد تركي : ماش مافي بعد كلمة فطيم كلمه وهي صادقه وين بتروح انتي وياها ؟
سعود : مب كان فيه بيت ثاني المفروض انه لنا ؟
الجد تركي : شسوي ذا محد ناوي يتزوج غيرك انت وفارس مارح تجلسون ببيت كبير لحالكم خلوكم معانا لين مايتزوج الباقي وبعدها روحم
فارس ببتسامة خبيثه : طيب ياجدي انا ماعندي مشكله
سعود ببتسامة خفيفه : شوف امل يابوي اذا راضيه انا برضو موافق
خلود ناظرت بفارس بمعنى ورا ماخذيت رايي طيب
خالد أبتسم ابتسامة جانبيه يوم انتبه على نظراتها
مها بهمس : شعندك توزع ابتسامات ؟
خالد تنهد : سلامتك احمم جدي صارت الساعه 11 ونص خلونا نروح عشان لا نتاخر على صلاه
الجد تركي قام : ونعمه الراي يلا مشينا
وفعلاً طلعو كلهم عشان يصلون الجمعه بمسجد الحي
والبنات قامو توضوا وصلوا معاه جدتهم وعماتهم
خلصت الصلاه وطلعو كلهم من المسجد وطلعو رجال الحي الي ساكنين بنفس حي الجد تركي  (هم من الاساس من نفس ديرة الجد تركي بس نصهم طالعين من الديره وساكنين بالرياض ومن بينهم الجد تركي وعياله يعني معرفتهم بالجد تركي مهي بس جيران جيران وعيال ديره وحده
تقدم ابو حسن من الجد تركي سلم عليه وحب على راسه : تقبل الله ياعم
الجد تركي : منا ومنكم صالح الاعمال ياوليدي
وقرب ابو زيد : كيفك ياعمي عساك بخير
الجد تركي : بخير الحمدالله بس عتبان عليكم هاذا واحنا جيران ماتجوني وماشوفكم كيف لو اني بعيد عنكم
ابو احمد : حقك علينا ياعم ندري مقصرين والله
الجد تركي : ماعليه ماعليه حياكم الله على غدا نتغدى سوا اليوم
ابو حسن حب على راسه مره ثانية : اعذرني ياعم غير مره إن شاء الله زواج ولدي حسن يوم الاثنين وحياكم الله كلكم ابيكم تحظرون وتشاركوني فرحتي بولدي
تقدم حسن وسلم على جدنا تركي الي قال : ما شاء الله عريسنا الله يتمم على خير الف مبروك وانا ابوك
حسن ببتسامة : يبارك فيك ياجدي
تقدم وسلم على ابو امجد وابو خالد وابو سعود وابو فارس بعدها سلم على خالد والعيال كلهم الي تعالت اصواتهم بـ مبروك ، الله يتمم على خير ، الف مبروك ، ومن ذا الكلام
اعتذرو من الجد تركي كلهم عشان غدا اليوم وتوجهو على بيتهم وال تركي توجهم لبيتهم
دخلو كلهم وسلطان على طول فتح ازرار الثوب وشمر الاكمام وشال الشماغ وحرك شعرو بيدو عشان ينكش : يوه الحمدالله توني ارتاح
ابو خالد وهو يجلس : رجع شكل الصايع
سلطان : والله يالخال الف كلمة صايع ولا الكتمه ذي
وجلس على ارض ومدد رجوله : اخخ يالتعب
الهنوف : كنت تصلي ولا كنت تحارب انت ؟
سلطان : ياشيخه لو اني محارب ازين لي كنت اصلي ورا شيخ يقراء ايه قصيره ويركع ويحلل ام الركوع يركع واتحداك يقوم بعدها انا صرت اسحب على دعاء واصير ادعي يارب الشيخ يقوم بعد مايقوم مايمدي اقول الحمدالله واشم هوا الا وهو ساجد ندعس على ام خشمي وانا ساجد اقسم بالله احس وهو جالس يسجد يقول تتحدوني ماقوم
ابو امجد : بالعكس خلص بسرعه اليوم ماحسيت
سلطان : مالومك ماتحس وانت جالس على كرسي
سعود : وامجد وصقر ترا يوم شافو الوضع مطول سحبو كراسي وجلسو
صقر : والله معليش تعبت
امجد : صدق
الجد تركي : والله مدري مين الشايب انتم ولا انا
سلطان : احنا ومن الحين اعلمكم انا من كفار قريش ماصلي مره ثانية لعد تاخذوني على مسجد ولا بعد الجيران تذكرو يسولفون معاه جدي بالشارع الشمس ذبحتني والثوب كاتمني وذولي معد يخلصون سوالف اخخ قهروني
الجد تركي : اي صح ذكرتني
وجه نظره للجده فاطمه : عزمنا ابو حسن على زواج ولده حسن
حصه : اي كلمتني ام حسن امس وعزمتنا
ابو خالد : تروحون ؟
ام خالد : اي حتى انا الحرمه عزمتني
ابو سعود : مدري شرايكم نروح ؟
ام خالد : اي ترا عيب الرجال عازمكم والحرمه داقه علينا عيب مانروح
الجد تركي : لا لا نروح إن شاء الله بعدين ابو سليمان رفيقي وصار لي فتره ماشفته
سلطان : مين ابو سليمان ؟
ابوسعود : ابو حسن اسمه سليمان
سلطان : اهاا يعني جد حسن
الجد تركي : اي
سالم : ماشفت معاهم شايب بالمسجد
ابوخالد : ابوه بالديره مب هنا بس اكيد بيجي عشان زواج حسن
نوف : مدري احنا نروح معاكم ؟
الجد تركي : اي تروحون عشان تتعرفون على بنات الديره ترا بس تجي الاجازه بنروح
العيال فزو كلهم بصوت واحد : وين ؟
الجد تركي : اعوذ بالله من ابليسكم وين يعني باخذكم تشوفون الديره شوفو ياكبركم وماتعرفون فيها شي انا ماني دايم لكم بيجي يوم واموت لازم تعرفون اهلكم وربعكم
سلطان : اما عاد اهل وربع اكثر منا ؟ خلاص احنا نكفي ونوفي مايحتاج نتعرف على اكثر
الجد تركي : يحتاج بعد ماتبي تتعرف على عمامك
سلطان جاه فلاش باك من عشر سنين
بعدها قام وقف بقهر وضيق بان على وجهه : لا مابي اتعرف عليهم ولا ابي اتعرف على احد انا يوم يسألوني عن اهلي بقول تركي وعياله وبس ماعندي اهل غيرهم
وطلع بعدها من المجلس
قامو العيال عشان يطلعونه ورا بس وقفهم صوته : اجلسو انا بروح له
طلع ولحق سلطان الي طلع على حوش وكان ناوي يطلع برا البيت : سلطان!!
وقف سلطان وهو صاد عنه وصار يمسح دموعه
ابو خالد الحقني على مجلس
دخل ابو خالد على مجلس الصغير ودخل ورا سلطان
جالس ابو خالد واشر لسلطان يجي جنبه : تعال اجلس تعال
جاء سلطان وجلس جنبه
ابو خالد : شفيك مب عيب عليك تقوم وتوقف كذا بوجه جدك ؟
سلطان بصوت مبحوح : السموحة مقصد
ابو خالد : ماني خابر سلطان يطلع منه عيب ولا ياولد خلف ؟
سلطان حط يدينه على وجهه وبكاء
ابو خالد ابتسم وحضن سلطان : ماش راسك مربع بس يونس اليوم اكتشفنا اشياء غريبه انا اعرف اضحك وانت تعرف تبكي
سلطان ضحك معاه الدموع والبكاء
ابو خالد : صارو ثلاث اكتشافات عندك مواهب تضحك وتبكي سوا
وخر سلطان عن حضن ابوخالد وهو يضحك ويمسح دموعه
ابو خالد لف وجه سلطان ومسح دموعه : لا تنزل دموعك وانت خالك عبدالرحمن
سلطان تنحنح ونزل راسه : ابشر
ابو خالد بحده : ارفع راسك !!
فز سلطان ورفع راسه
ابو خالد : خليك كذا ياسلطان خليك ولد خلف الله يرحمه ماكان ينزل راسه مر بظروف كثيره ومشاكل كثيره وانت خابر عمامك ومرضه ومعاه ذا ماقد نزل راسه الهموم ذبحته ومات وهو رافع راسه خليك زي ابوك ياوليدي
انخنق ابو خالد وبان ذا الشي بصوته كمل كلامه : الله يرحمه رفيق عمري تدري ياسلطان انا ماكسر ظهري شي كثر ماكسرني موت خلف اي بالله
ضحك وهو يقولو : تدري مره اتصلو علي المدرسه يقولون خالد متهاوش وضارب واحد قلت ليه وش مسوي وقالو الحق على خالد جيتهم انا وابوك يومها وانا اتحلف بخالد يومها قال لي "ولدك توه صغير اذا تبي تضربه يكبر ويضربك"
وصلنا المدرسه انا سكتت عشانه ماكلمت خالد وهو يضحك ويعزز لخالد يقول اي كفو عليك اخذ حقك بيدك لا تصير زي ابوك كان ينجلد وعشان يخاف من عمي تركي مايرد الله يرحمه كان خبل مثلك تماما تدري انا ليه احارشك دايم لا اني اشوفه فيك مثل كلامك وتصرفاتك
ضحك وقال : حتى ثوبه تدري كان دايم مشمر الاكمام وفاتح الازرار الي فوق وبعد ماتخلص المناسبه يشيل الشماغ وينكش شعره ويقول يوهه انكتمت
يوم جاء المرض كنت اجي اشوفه يضحك انا متضايق عليه وهو يضحك يقول عشان تعرف اني احسن منك بكل شي هاذا انا بموت قبلك شفت ياولد تركي
كنت اضحك واقول له الله يطول بعمرك ياولد مطلق
كان يضحك ويقول انا من يوم اني خذيت حصه ام لعيالي صرت ولد تركي
وكان ابو سعود يقول له المفروض العكس هي تصير بنت مطلق مب انت تصير ولد تركي
وهو يضحك يقول لا لا انا وزوجتي وعيالي كلنا عيال تركي الله يطول بعمره
قبل يموت بكم يوم كنت عنده وقال لي سلطان وشوق قطعه من قلبي تكفى انتبه لهم يقول صقر دام خالد ورا مايجيه شي وخلود بنيتي صح دمعتها تنزل بسرعه بس تعرف تاخذ حقها وقويه خابرها ماتحتاج احد بس سلطان وشوق ذولي امانتي لك ياابو خالد
تجمعت الدموع بعيون ابو خالد : انت امانتي ياسلطان تكفى ياامانتي لا تضايق عشان لا يزعل علي
سلطان ابتسم بضيق ودموع بعينه : ماتضايق وابوي الثاني وراي
قام ابو خالد وحضن سلطان الي دخل بحضن ابو خالد ومسح دموعه بشماغه
عند العيال بعد ماطلع ابو خالد جلسو كلهم وصارو يناظرو ببعض شويات وقامت شوق
هايف : وين رايحه ؟
شوق ببتسامة خفيفه : شوي واجي
طلعت ووقفت بالصالة
وماهي شويات طلعو ابو خالد وسلطان
ابو خالد شاف شوق وفتح يدينه : تعالي تعالي
جت شوق ودخلت بحضن خالها عبدالرحمن الي حب راسها
سلطان كان واقف ويناظر فيهم وهو شايف حب عبدالرحمن لهم وهو صدق من يوم مات ابوه مهتم فيهم صح كلهم مهتمين بس عبدالرحمن غير عبدالرحمن كان لهم اب