"ماقلت لك ياقلبي لا تحب حاجه ماهي لك"

البارت 9

صباح جديد على ابطالنا بالفندق
الساعه 10
صحى خالد اول واحد من العيال الي معاه وشيك على جواله حصل رساله بقروب العائله من ابو سعود (احنا طالعين نفطر وجدكم وجدتك معانا بس تصحون افطرو وتجهزو بنحرك على رياض العصر )
قام خالد وصار يصحي صقر الي نايمه معاه بالغرفه : صقور ورع قم الساعه 10
صقر وهو نايم : وخر عني ياخي بنااممم
خالد همس عند اذنه : ياولد ليان تبيك عند الباب
فز صقر : هاه عند الباب ؟!!
خالد بضحكة : صباح الخير ياقلبي
صقر ناظر فيه : ترا مالك داعي ياكلب
خالد : اقول قوم صحي سعود وامجد انا بتروش عشان نشوف الباقي
صقر فتح جواله : عزيز مرسل على قروب هو الي معاه صاحين
خالد : حلو قوم صحي الي معانا
امجد دخل عليهم : انا صاحي بس سعود ماش
صقر قام بضحكة : عندي ماعليك
وقف قدام باب غرفة سعود وقال بصوت عالي : هلاا امولههه تفضلي ياروحي ادخلي ادخلي
ماحسو الا بسعود الي طايح على ارض ورجع قام وقف على طول : هلا هلا
صقر طاح على ارض من الضحك
امجد بضحكه : هلا هلا اجل هاه هههههههههههههههههههههههههههههههههههههههههههههههههههههههههههههههههه
خالد : سعودي اسف لك بس لعبها عليك الكلب هههههههههههههههههههههههههههههههههههههههههههههههههههههههههههههههههه

قام سعود شال المخده وصار يركض ورا صقر الي قام ينط من فوق الكنبه للسرير : ياولد امزح ياخي خلاص
سعود رمه عليه المخده : والله انك كلب قولي قوم واقوم ماله داعي ياثور
امجد : احلف من الساعه 8 اقول لك قوم ياثور ماتقوم ياثور
سعود : والله ياثور يانظام الدجاج محد يصحى من الساعه 8
وانتم مخلين معاي التيس ذا ؟ عائله متيسه كيف يصحون بكير ماني داري
خالد دخل يتروش وسحب عليهم
صقر : ولا بعد مالهم حس كذا هادين بشكل مخيف
سعود وقف جنب صقر : عيال فايز ياشيخ وش يطلع منهم
صقر بضحكة : فايز يصحى من صباح الله خير يحتسي القهوه ويقراء الجريده ومن ثمه يتناول الفطور
سعود : ومن ثمه يتوجه الى عمله وبعد العمل يذهب الا الحديقه يتمشى في الهوى الطلق
صقر انفجر ضحك
وامجد ناظر فيهم بطرف عينه : يبي لكم هبد والله المهم انا نازل اخلصو والحقوني
صقر نط فوق السرير : إن شاء الله بس طفي الضوء شوي
سعود نط على سرير الثاني وسحب الغطاء : وسكر الباب
امجد : انا بروح نص ساعه تنزلون الحمدالله ماتنزلون ارسل لكم امل وليان
سعود ببتسامه خبيثه : ليت والله
صقر قام ورفسه : نيتك شينه ياخي
سعود بضحكة : هو بيرسل امل وليان على غرفة النوم وش بتكون النيه بالله
امجد بضحكة وهو طالع : والله انك كلب
صقر دخل حمامهم : بتروش هنا الاخ خالد يبي له يومين
خالد الي كان مخلص حمام وجالس يلبس صرخ : ترا سمعتك ياكلب
صقر : احح امزححح هههههههههههههههههههههههههههههههههههههههههههههههههههههههههههههههههه
دخل صقر يتروش وسعود دخل الحمام الثاني (اكرمكم الله )
وخالد لبس وجلس يطقطق على جواله 20 دقيقه كانو مخلصين ونازلين تحت عند باقي العائله
صقر بهمس : كانو احنا اخر شي
خالد : كله من راسك وراس سعود
سعود : تجيك التهايم وانت نايم
صقر : المشكلة انك كنت نايم ياحمار
جلسو كلهم : السلام علكم
الكل : عليكم السلام
وعد صارت تطقطق باصابعهم : احمم
خالد : اسلمي ؟
وعد : ياخواني تراني بديت افصل
سعود : مافهمت ليه ؟
وعد : اخ سعود صارت الساعه 11 وانا للحين مافطرت اقسم بالله تقومون تفطروني ولا اكل عزيز الحين
العيال بصوت واحد : اكلي عزيز
عزيز بصدمه : اححح خيرررر بعدين استاذه وعد عادي تركزين على اهدافك وتفكين عزيز شوي ؟
وعد بضحكه : حبيبي انت اهدافي بالحياه
البنات كلهم ناظرو بوعد بصدمه
والعيال يناظرون بوعد ويرجعون يناظرون بعزيز
عزيز ببتسامة : تمام يازين صيادين الاهداف
نوف : اخخخ ياربي جاني غثيان من حب ابو خمسه
ريم : الله يسد نفسكم على ذا الصبح
وعد قامت : صبح مين ياماما صار ظهر قومو فطروني
خالد قام بضحكه : يارب صبرني قومو بنروح نفطر يلا
سعود : ورا ماناكل هنا ؟
خالد : لا دام العصر بنروح الرياض خليهم يطلعون شوي
امجد : اجل خليهم يرتبون اغراضهم ونحطهن عندق الرسبشن ونطلع نفطر ونتمشى ونحرك على رياض على طول ماله داعي نرجع على فندق وعمامي بس يجون ياخذون الشنط ويمشون
مها : لا ياخي يمكن يحتاجونا بشي معاهم ماينفع خلنا نفطر وبس يدقون علينا نرجع لهم ونحرك سوا
خالد : وانا معاه مها
امجد : دامك انت ومها براي واحد اتحداك واحد من الي هنا يعترض
سلطان : نعترض مين يابوي وش محصلين أرواحنا بالشارع
مها : قومي ياسوستي وبدون فلسفه زياده
سلطان فز منصدم من اسم سوستي : منين جبتي الاسم ذا ؟
مها : اسم وش يعني صارو يبيعون الاسماء ؟
سلطان زفر براحه : امشو امشو
قامو كلهم وعزيز ونواف مسكو سلطان بهمس
نواف : ياولد شفيك ؟
سلطان : وش
عزيز : ماشفت كيف صار وجهك يوم قالت سوستي ؟
سلطان : تذكرون منى
نواف : اي ؟
سلطان : الطقعه ماتقول لي الا سوستي
عزيز بصدمه : مها!!!!!!!!
سلطان : مدري
نواف : ماسمعت صوتها انت ؟
سلطان : منى ؟
نواف : اي
سلطان : الا سمعت بس كل يوم صوت يختلف عن الي قبل
عزيز : كيف كذا ؟
سلطان : تحاول تسوي صوتها ناعم وهادي وكيوت ومدري وش عشان كذا تغير بصوتها كل شوي
عزيز : ابلش وش بتسوي الحين ؟
سلطان : مدري خلنا نرجع الرياض واشوف
خالد وصل عند السياره : اركب انت وياه وبدون همس
سلطان : والله لو اني داخل عسكريه طال عمرك
خالد : أستعد!!
نواف وسلطان وعزيز وقفو زي العساكر ( التحيه العسكريه مدري وش اسمها صراحه 😭)
خالد : استرح
سلطان تنفس براحه : يمه
نواف : كتمني حسبي الله
خالد بضحكه : أقسم بالله بهايم اركبو اركبو
ركبو كلهم وحركو على مطعم عشان يفطرون