عيونك هي القصيد وكل القصايد عيونك " تكملة "

Part 21

عبدالرحمن وفايز الي قالوا بنصلي في البيت وهم وين وصلى وين وقبل ماتطلع ملاذ حطت جهاز التتبع في جزمته وماكان يلبس الا هي بحكم انه ماعنده في الحسا جزم غيرها كان متوقع يوم او يومين ويرجعون ماتوقع انهم مطولين وكان شخص بخيلل على كثر الفلوس الحرام الي عنده على كثر انه مايصرف ابها شيء مايشتري منها الا الدخان  حطت ملاذ الجهاز وراحت معاهم المسجد
...........................................................
" في بيت الجد سعود "
بعد صلاة التراويح رجع الجميع للبيت وجلسوا الرجال في المجلس وتقدم مُنير وقال : ياخوي اليوم جاين وطالبين القرب منكم واطا ماعندك مشكلة ابي اخطب بنتك الهنوف لولدي عمر على سنه الله ورسوله
انصدم الجميع و لف عليه محمد بذهول وما رد : ها شقلت
محمد : والله يا مُنير فاجأتنا ولي اشرف بنسبك انت وولدك بس طبعًا الرأي الاول والاخير للبنت 
مُنير : اكيد خلها تستخير ورد لنا خبر
محمد : تبشر
نواف ضرب عمر بخفه : وانت وراك ماتقول لنا
فيصل : خله كان بيسوي لكم مفاجأة
عبدالله : بس والله كيف جبتها يابزر
محمد : اقول الا اخوي
عمر : كفو
نواف : جاء الدفاع الي صوته مايطلع الا لاخوك
محمد : واذا ماوقفت معه مين يوقف
نواف : اقول انا رافض واختي بترفض
عمر :وانت وش عليك
عبدالله : حرام عليك خله يتزوج
نواف : اي يتزوج اختي ويعضيع عمرها
عبدالله انصدم لان نواف كان يتكلم بجديه : طيب شفيك الرأي لا اختك وابوك
نواف وهو يصرخ : يبه الهنوف ماتاخذ عمر
وهنا عمر جد كانت الدمعه بين أجفانه
محمد : ليه
نواف : انت مو شايف ذا بدر ودلخ ماينفع
عاد هنا الجد سعود ضرب بعصاته الارض : نوافوه احترم نفسك
حس نواف ان الوضع بداء يحمي وضحك بصوت عالي والكل يطالعه باستغراب
عبدالله ضربه بخفه : وش فيك صاحي
نواف وهن يضحك : كيف ماعرفتوا كنت امزح معكم
رمى عليه عمر مخده : الله يأخذك بس
وانسدح نواف وهو ميت من الضحك 
..........................................................
" عند البنات "
ام عمر : يامنيره
منيره : سمّي
ام عمر : سم الله عدوك لكن اليوم جينا وحنا طالبين القرب منكم ونبي بنتك الهنوف لولدي عمر
انصدم الجميع اما عند الهنوف الي دخلها مشاعر غريبه امس كان عدو لها واليوم هو حبيبا لها
اما عند الجده نوره كانت مبسوطه وكانت شايفتهم مناسبين لبعض من زمان
.......................................................
اتصل نواف على ذيب : ها شصار
ذيب : لا ابشرك تم شفيه شصاير صوتك اليوم فرحان
نواف : انت تخيل بس
ذيب : وشهو اخلص
نواف : أختي انخطبت
ذيب : ها ( وكان مفكرها حصه )
نواف : اي اختي الهنوف انخطبت من عمر
ذيب : اي اي الف مبروووك اجل اسمع عندكم بنت اسمها حصه انا ابيها بس بنت اي واحد من عمامك ؟
نواف : وشهو
ذيب : الي سمعت والظاهر قلبي ماله حل
نواف : والله وطلعت تحب ياذيبوه يالي كل مانطرى موضوع الحب فريت منهً
ذيب : والله اني طحت وماحد سمّ علي
نواف : الله يساعدك بس المهم بنت عمي مُنير خلاص بتجي بكرا اقوله؟
ذيب : ايوه
نواف : تمام يلا باي اشوفك بكرا وان شاء خير
ذيب: ان شاء الله يلا باي
ودخل نواف المجلس ولف على عمه مُنير : ياعم
مُنير :سم
نواف : سم الله عدوك بس بكرا باذن الله جيان لكم خطاب
مُنير : ومن هم
نواف : ذيب ال فيصل
مُنير : قصدك ولد عبدالهادي ؟
نواف : اي
مُنير بفرحه كان يحب هالولد الي بنسبه له عاقل : حياهم الله 
عمر : يووو يعني الحين انا واختي عرسان
نواف : اي اي قوموا بندخل عند جدتي من زمان عنها 
عبدالله : تمام
اتصل نواف على امه وقال لها انهم بيدخلون و قالت منيره للبنات يلبسوا عباياتهم ودخلوا العيال وبتداء كل واحد يسلم على الجده نوره : والله وكبرت ياعمر و بتزوج
نواف : وين ياجده ترى توه بزر ( طفل )
عمر : وانت وش حارق دمك
عبدالله :اقول لاتبتدون
الجده نوره : وانت وش بلاك تهرج زياده عن الزوم
نواف : انا ياجده "وسوا زي ذا الايموجي 😔"
عبدالله : اقول ياجده هلك منهم كيفك
الجده نوره : بخير الحمدلله
نواف : اقول ياجده كيف عرفتي جدي
عمر : انت ماتزهق كل مره نفس السالفه
الجده نوره : اذا ماتبي تسمع اطلع
عمر : لا لا ياجده يلا قولي
وكان من جانب ثاني الهنوف تناظر عمر
الجده نوره : اول ماكان عندنا زي الحين هالجوالات الي  خربت عقولكم كان اذا عندنا رساله رسلناه بورق كاتت الدنيا امان نطلع من البيوت من بعد الظهر الين ماتغرب الشمس وكان معروف عني الجمال والبياض ( ناظر عمر نواف بصدمه وكان كل واحده ماسك ضحكته )
وعاد جدكم  خفيف على طول حبني وخطبني ولا اقول لكم ياعيال تقدم لي اربع مرات وكلهم رفضته الى ان جاء فب المره الرابعه وتزوجنا وبس
وكان كل شخص في الجلسه ماسك ضحكته
عمر : اما ياجده كنتي مزيونه لذي الدرجه
الجده نوره : اكيد
نواف : تصدقين ياجده عندي احساس داخلي يقول لي انك زايده بهارات
الجده نوره رفعت عصاتها وضربت نواف بخفه : انا ازيد بهارات ( وبصوت عالي ) يامنيره ولدك يبي لي تربيه
نواف : حرام عليك ياجده

وكملوا يسالفون مع الجدة نوره
.......................................................
عند ملاذ الي كانت تسولف مع ذيب : اسمع بعد اشوي بتجي خالتي فوزيه ونبي نطلع
ذيب : اي كل وحده عندها سيارتها شسوي انا
ملاذ : لا ياغبي انت ودنا وتراك عازمنا
ذيب : ياخي انتي تعزمين على كيفك
ملاذ : ذيبوه تراني سامعه السالفة لاتخليني اروح واقول لابوي وازود بهارات
ذيب : اي سالفه
ملاذ : حبيبه القلب الي مو قادر تصبر عشانها
ذيب : يوووو زين زين سكتي بروح واذا جات قولي لي
ملاذ : طيب
وراح ذيب وجلس يسولف مع فايز
الجد فيصل : الا يا عبدالرحمن متى راجعين ؟
عبدالرحمن : قريب
عبدالهادي وهو يبي الفكه بس عشان ابوه : ليه ياخوي خلك
عبدالرحمن : والله طلبت الديار اهله ياخوك
عبدالهادي : بحفظ الرحمن
وكملوا يسالفون
بعد كم دقيقه اتصلت ملاذ على ذيب وطلعوا : ها وين تبون
فوزيه : اي كوفي في وجهك 
ذيب : تمام
وراحوا وجلسوا يسالفون الى ان وصل طلبهم وطلعوا متوجهين للممشى
وبعد ماخلصوا رجعوا للبيت وكان ماشي عبدالرحمن مابقى الا الجد فيصل والجده الجازي
.......................................................
انا عند نواف الي كملوا يسالفون والمل متحمس لبكرا و بعد السحور مشى الجميع رايح لبيته
" في بيت محمد "
نواف : الهنوف جيبي لي ماي بيأذن
الهنوف : اقسم بالله مالي خلق ظهري مكسرر
نواف : اي زين تذكريها
الهنوف : يوووو طير
نواف : ماعليه
الهنوف : اقول تصبح على خير
وتوجهت لغرفتها واول مانسدحت نامت
ويوقف هنا يوم ابطالي
..........................................................
وصباح يوم جديد
جلس ذيب على الظهر الساعه وحده  وراح للمطبخ شاف امه جالسه تطبخ سلم عليها وجلس على الطاوله : يمه
الجوهره: هلا
ذيب : سمعي ابي اتزوج
الجوهره لفت وهي مصدومي : وي من بيتزوج انت
ذيب : يمه عاد لاتحطمينن
الجوهره: تبشر مين الي تبيها
ذيب : الي انتي تشوفي
الجوهره : اقول اخلص عارفه انك منقي وخالص
ذيب ببتسامه : مدامك عارفه ف انا ابي حصه
الجوهره: ومين حصه
ذيب : حصه بنت عمي مُنير
الجوهرة: اييييي والله انها طيبه تحسن ماخترت في حياتك
ذيب : يعني نقول تم
الجوهره: تم
ذيب : اجل سمعي المفاجاه الثانيه ترى انا قلت لهم بنجي اليوم
الجوهره: احلف انت تقرر على كيفك
ذيب : يمه تكفين
الجوهره : زين زين اذلف لاتخليني افطر عليك والفطور اليوم من برا وعلى حسابك
ذيب : ها
الجوهره : اي يمامي اجل تسوي كل شيء من وراي انا بروح ارتاح وبعدين التجهز يلا ي حبيبي دور لك مطعم حلو 
وطلعت وهي مبتسمه ابتسامه النصر لان اصلا ماكان  لها خلق تطبخ مشت متوجهه للغرفه وراحت تنام
اما في المطبخ ف كان موجود ذيب الي حيران و حطته في الامر الواقع
..........................................................
" في بيت العم مُنير "
مُنير : يا ام محمد ترى اليوم جاين خطاب
ام محمد : مين
مُنير : ذيب ولد الجوهره و عبدالهادي
ام محمد : والنعم حياهم الله
...........................................................
" في بيت محمد "
محمد : الهنوف يابنتي جاينك خطاب
الهنوف وهي تسوي انها ماتدري : مين يبه
محمد : ولد عمك عمر وخذي راحتك يابنتي وفكري واذا حسيتي انك مرتاحه ردي لي خبر 
الهنوف : ان شاء الله
وراحت بسرعه الغرفه وهي مبتسمه وخذت ايبادها وجلست تتابع