زهرةٌ الغيث

بارت ٣

- يعني إيه البرنامج إتوقف وعشان إيه أصلًا .
_ إحمدي ربنا يا زهرة إنها جات على وَقف البرنامج ، حَذرتك وقولتلك مش هيُسكُت بس هتفضلي كده راكبة دماغك وطايحة في الكُل ، قولتلك إللي زي دول لما بيلاقوا صوت هيتسمع بيخرِسوه بقَطع اللِسان خالص .

- وااو لآ بجد شكرًا لكرم أخلاقهم يعني يقطعوا عيشي وعيش التيّم بتاعي إللي وراهم كُوم لحم في زمن الدقيقة كُل ما بتمُر عَقرب الساعة بيبُخ سِمه في الأسعار والمفروض مطلوب مني أسكُت .. أنسى يا بوص ، أنا عارفة هعمل إيه وحلقة النهاردة هتتذاع في ميعادها .
_ هتعملي إيه ، مُستحيل البث التليفزيوني يقبل يذيع الحلقة .
- بس بث ال social هيقبل .

' كُنت عارفة إن هشام منصور مش هيُسكُت بس أنا أستعدتله كويس أوي ، نصيحة .. لما تيجي تحارب حد ذكي قدّر ذكاءه ده وألعب عليه أوعى تلعب على غباءه أبدًا ، وأنا حسبتها صح وكُنت حاطة إحتمال وقف البرنامج من ضِمن إللي ممكن يعمله عشان إللي عرفته عنه إنه بيضرب في أكتر حاجة بيحبها عدوّه ، حلقتي هتتذاع عادي بس على ال personal account  مش ال public pages عشان ميلعبش على حقوق النشر بسبب تشغيل الأرباح '

- السلام عليكم عاملين إيه .. أكيد مستغربيّن إن ده وقت الحلقة بس أنا طالعة live ، برنامجي إتوقف بس مش على طول هو فترة وهعرف أرجعه تاني عشان كده لوقت ما يرْجع أنا هكمّل الحلقات على ال live ، هيكون ال topic بتاعنا النهاردة عن الإدمان أو بمعنى آخر مُشكلة العصر .. طبعًا كلمة إدمان يندرج تحتها فروع كتير ( مُخدرات ، عادات سيئة ، شخص مُعين ) وحاجات تانية كتير بس النهاردة أنا هتكلم عن إدمان المُخدرات وهبدأ بقصة صغيرة .. قصة رواها سيدنا عثمان بن عفان بيقول فيها إن راجل كان بيتعبد ويعتزل الناس ففي يوم امرأة بعتتله خادم على أساس عاوزاه لشهادة وفعلًا الراجل ده راحلها ففضلت تسد في وشه كُل الأبواب لغاية ما عرضت عليه عَرض إنه إما يقتل ولد صُغير أو يزني معاها أو يشرب خَمر ولو معملش حاجة من دول هتفضحه فهو خاف وفي دماغه إن شُرب الخَمر كان أسهل حاجة فقالها هشرب خَمر ولما شرب أول كاس طلب زيادة لغاية ما ذُهِبَ عقله سِكِر يعني ولما فاق لقى نفسه قَتل الولد الصغير و كمان زنى معاها فسيدنا عثمان قال في الأخر "  فاجتنِبوا الخمرَ فإنَّه واللهِ لا يجتمعُ إيمانٌ وإدمانُ الخمرِ في صدرِ رجلٍ أبدًا وليوشِكنَّ أحدُهما يُخرِجُ صاحبَه "
حتى ربنا سبحانه وتعالى قال في سورة النساء " يَا أَيُّهَا الَّذِينَ آمَنُوا لَا تَقْرَبُوا الصَّلَاةَ وَأَنتُمْ سُكَارَىٰ حَتَّىٰ تَعْلَمُوا مَا تَقُولُونَ "

وغيرهم تحذيرات كتير من السُكْر .. طب ده ليه ؟
عشان الحاجة إللي ربنا مَييز بيها الإنسان عن سائر مخلوقاته هى العقل فلمّا ناخد حاجة تُذهب العقل يعني تلغيه زي كإنك عملتله shut down ساعتها هتفرق إيه عن الحيوان .. تيجوا كده نعمل مُقارنة صغيرة ، الحيوان شهواني مبيفرقش معاه حاجة لدرجة إن ثُبت عن الدولفين إنه بيضاجع أي جنس سواء ذكر أو أنثى وبتوصل إنه يموته أثناء العلاقة ومبيفرقش معاه ليه .. عشان معندوش عقل وده بقى يحصل دلوقتي على المستوى البشري .. تلاقي الأب بيغتصب بنته والإبن مع أمُه والإخوات مع بعض يعني مبقاش يفرق معاهم وده إتفاقهم في أول نقطة .. ونلاقي دلوقتي نسبة الإعتداء الجنسي على الأطفال البنات تتراوح بين ١٢ ل ٢٥٪ تقريبًا و الأولاد من ٨ ل ١٠٪ ودي تاني نقطة إتفاق إنه مبقاش يفرق ذكر أو أنثى .. ودلوقتي أغلب القضايا كالأتي تم العثور على طفل/ة مقتول/ة في منطقة كذا وبعد الكشف على الجُثة تَبين أن السبب المؤدي للوفاة هو الإغتصاب .. ودي تالت نقطة إتفقوا فيها مع الحيوانات وفي الأخر يطلع مُحامي فاسد يدافع عن المُتهم بحجة إنه مكنش في كامل قواه العقلية بسبب عقار معين تم تناوله قبل وقوع الجريمة