زهرةٌ الغيث

الأخير

= إسعـاف حد يُطلب الإسعاف بسرعة .

' هو غيث إللي أضرب بالنار .. أتسمَرت مع صوت الرُصاص ومكُنتش مستوعبة أو مكُنتش عاوزة أستوعب ، بس فوقت .. فوقت أول ما سمعت صوت أرتطامه بالأرض عشان سَمع صداه في قلبي ، أخيرًا عرفت أتحرك من مكاني وقربت عليه وهو بياخد نفَسُه بالعافية وأنا دموعي بتتسابق ورا بعض ، نزلتله وحطيت راسه على رجلي وأنا مش مصدقة إن غيث القوة إللي جاتلي تسندني مؤخرًا بتتسحب مني كُل ما نفَسُه يبطء ، إيدي مكان الرُصاصة ومش شايفاه كويس من الدموع '

- غيث رُد عليا أنتَ كويس صح قوم معايا يلا عشان أعرّفك على بابا وماما .. يلا قوم طيب أديني الورد .
' مكَنش قادر يتكلم وكُل ثانية بتمر بتاخد معاها نَفس من نفَسُه وبتزود قهرة في قلبي '
- حبيبي أنتَ مش قولت عُمرك ما هتسيبني .. أول مرة أكلمك مترُدش عليا ، قوم معايا يلا نحتفل .

' وعيه بدأ يروح وعينه بتغمض .. قولتله بصُراخ '
- غيث فَتح عينك دي وبُصلي أنا مبقتش أتكسف خلاص وأودي وشي بعيد قوم بقى وأنا هقولك بحبك كُل شوية .

' سندت راسي على صدره وكملت كلام ببُكا '
- متسبنيش ياغيث أنا مصدقت جيتلي .
= يا أنسة بعد إذنك مينفعش كده أحنا لازم ناخده على المستشفى عشان نلحقه .
- لا مش هسيبه يبعد ومش هيمشي وياخد فرحتي وراحتي معاه .
_ زهرة سبيه عشان يلحقوه .

' بصيت للكُل وأنا بقول بغضب وصوت عالي '
- محدش هيبعده عني أنتوا فاهمين .

' بابا شَدنّي بالعافية وخدني في حُضنه ومكتفني وأنا عيني على غيث إللي بيبعدوه عني '
- سيبني يابابا سيبني أروحله .. مش هتبعدوه عني كفاية كُل إللي بعدوا .. سيبني يابابا سيبنــي .

' فقدت الوعي من كُتر الضغط إللي حصل ومحستش بنفسي غير وأنا بفتح عيني وقابلتني إضاءة قوية وفاجأة جِه في بالي كُل إللي حصل قومت بسرعة وشيلت أبرة المحلول من إيدي وجريت على برا لقيت الكُل واقف وعينهُم على باب لما بصيت عليه لقيته " غُرفة العمليات " '
- غيث فين .
_ حبيبتي غيث كويس .
- غيث فين ياماما .
_ لسه في العمليات يا زهرة .
' روحت ناحية الباب وقعدت على الأرض أُدامه وأنا بعيط وببص على إيدي و فُستاني إللي فيهم دمه '

- أنا السبب .. أنا السبب .. مكنش لازم أحبه مكنش لازم أسمح لقلبي يحب أصلًا .. كل إللي فيه بسببي ، كُنت عارفة إنها مش هتِكمل بس كُنت بكابر ، المفروض كُنت أعرف إن كُل ما الحاجة تكون حلوة نهايتها هتبقى كابوس ، ياريتني ما روحت الكافيه اليوم ده ، ياريتني ما قابلتك ياغيث كان زمانك كويس وأنا مش موجوعة كده ، هتبقى من أصعب إللي فارقوا يا غالي .. جبتلي الورد الأحمر ياغيث بس أديه عَيط ودموعه بهدلتنا .
' كملت كلام وأنا ساندة راسي على الباب '
- قوم بالله عليك ياغيث ، كسرِتك بنهايتي .. والله ماهعرف أعيش .

' قومت من مكاني وأنا ببُص للسما ورافعة إيدي '
- يارب طب خُدني أنا بلاش هو يارب .. راضية وعلى طول راضية بس هو هو كُنت فاكراه مُكافأة الرضا ده ، أتاريه عذابي يارب .. عاقبني أنا في نفسي بس مش فيه .. متبعدوش يارب وانبي يارب وانبي سيبهولي وانبي سيبهولي .