(ملحوظه) انا اول مره اكتب ف اكيد هيبقي في اخطاء ياريت تسامحوني فيها وان شاء الله اللي جاي هيبقي احسن
بيبدأ الحوار من نتيجه الشهاده الإعداديه..
ف البيت عند ياسمين
ياسمين: بسمله تعالي وحشاني
بسمله: انتي اكتر اخبارك ايه
ياسمين: الحمدلله.. صحيح النتيجه طلعت ونجحنا مش مصدقه اننا هندخل ثانوي كمان سوا
بسمله: انا مش هدخل ثانوي
ياسمين بزعل: ليه كدا دا حتي مجموعك جايب ثانوي
بسمله: مش هدخل عشان مصاريفو كتير ومش هقدر عليه بس اكيد هجيلك علي طول وهنخرج مع بعض
ياسمين: اكيد طبعاً بس كدا هتدخلي ايه؟
بسمله: هدخل تجاره.. متزعليش عشان خاطري مبحبش اشوفك زعلانه
ياسمين: مش زعلانه ربنا معاكي
بسمله: ومعاكي يقلبي انا همشي بقا عشان متأخرش وهبقي اكلمك
ياسمين: ماشي ي بسمله
بتمشي بسمله وبتقعد ياسمين لوحدها في اوضتها زعلانه
ياسمين: ليه ي بسمله هروح واجي مع مين المدرسه دلوقتي مبحبش ابقي لوحدي ليه مدخلتيش
والدة ياسمين: مالك ي ياسمين زعلانه ليه
ياسمين: بسمله مش هتدخل معايا ثانوي ي ماما
والدة ياسمين: ليه كدا وهتدخل ايه اصلا
ياسمين: هتدخل تجاره وبتقول عشان مش هتقدر علي مصاريف الثانوي وانا زعلانه عشان كان نفسي تكون معايا في نفس المدرسه ونروح ونيجي سوا كدا هبقي لوحدي
والدة ياسمين: مش لوحدك ان شاء الله هتتصاحبي علي بنات تانيه وهيبقو زيها
ياسمين: مش هيبقو زيها ياماما مفيش حد زي بسمله
والدة ياسمين: بكرا تجيلي تعرفيني عليهم وتقولي حبيتهم اوي ياماما
ياسمين: ماشي بكرا نشوف
والدة ياسمين: قومي يلا بقا نامي عشان تقدري تصحي الصبح عشان نروح نقدم الورق في المدرسه
ياسمين: ماشي ياماما تصبحي على خير
والدة ياسمين: وانتي من اهل الخير يحببتي
في الصباح وبالأخص في غرفة ياسمين
والدة ياسمين: ياسمين قومي يلا عشان نروح نقدم الورق
ياسمين: مش لازم نقدمو مش عايزه اروح اصلا
والدة ياسمين: قومي يابت يلا اخلصي
ياسمين: حاضر ام البيت اللي الواحد مبيعرفش ينام فيه دا
والدة ياسمين: بس يابت بدل مااجيلك
ياسمين: لا متجيش انا متكلمتش اصلا حتي انا بسمع الكلام وقومت علي طول اهو
بيروحو يقدمو الورق وبتعدي الايام علي ياسمين بسرعه وبتزعل ان الأجازه خلصت بسرعه وانها مش هتشوف بسمله كل يوم
ليله المدرسه في غرفه ياسمين
والدة ياسمين: نامي بدري عشان تقدري تصحي للمدرسه الصبح
ياسمين: حاضر ياماما.. طب انا هقفل يابسمله عشان اقوم اجهز لبس المدرسه وانام عشان اقدر اصحي وهبقي اكلمك تاني
بسمله: اشطا ياقلبي تصبحي علي خير
ياسمين: وانتي من اهل الخير ياروحي باي
عند بسمله
بسمله: يارب يا ياسمين تتصاحبي علي بنات في المدرسه عشان متبقيش لوحدك وانا ان شاء الله مش هسيبك برضو وهبقي معاكي علي طول
في الصباح وبالأخص في غرفة ياسمين
والدة ياسمين: ياسمين قومي يلا عشان المدرسه
ياسمين: ماما سيبيني انام مش عايزه اروح
والدة ياسمين: قومي يابت وبطلي دلع
ياسمين: ارحموني بقا الواحد مش عارف ينام خمس دقايق علي بعض في البيت دا
والدة ياسمين: امال لو مش نايمه من الساعه9 كفايا نوم بقا وبطلي مناهده واخلصي عشان متتأخريش
ياسمين: حاضر حاضر
ياسمين: مامااااا انا نازله
والدة ياسمين: صوتك يابت صحيتي الجيران
ياسمين: مايصحو مش عندهم شغل ودراسه دول ولا احنا بس اللي بنصحي بدري
والدة ياسمين: بطلي لماضه وامشي يابت
ياسمين: ماشي ياسوسو عايزه حاجه
والدة ياسمين: سلامتك ياختي خلي بالك من نفسك
ياسمين: مش هضيع يعني اكيد بس اشطا يلا باااي
والدة ياسمين: الصبر يارب من عندك ربنا يهديكي يا ياسمين وتعقلي شويه
ياسمين: مش هيحصل ان شاء الله.. "وقبل ماتكمل كان سلاح كل ام مصريه (ابو ورده) صبح عليها".... آه مش هعقل برضو
والدة ياسمين: امشي بدل ماالفرده التانيه تصبح عليكي هي كمان
ياسمين: لا وعلي ايه باي
في المدرسه عند ياسمين
ياسمين: ايه المدرسه دي كلها هيعملو فيها اي دي انا مالي اصلا انا اروح اشوف فصلي فين احسن
بتدخل ياسمين فصلها وبتقعد
وبعد مده جرس البريك بيضرب
في البريك عند ياسمين
ياسمين: مش كان زمانك معايا دلوقتي يابسمله بدل ماانا لوحدي كده
بتيجي بنوته جميله عندها
اسماء: ممكن اقعد معاكي ياقمر
ياسمين: بابتسامه اكيد اتفضلي
اسماء: اسمك ايه
ياسمين: اسمي ياسمين وانتي
اسماء: اسمك جميل اوي يا ياسمين انا اسماء
ياسمين: ربنا يخليكي انتي اللي اسمك جميل
اسماء: قوليلي بقا قاعده لوحدك كدا ليه
ياسمين: مليش اصحاب هنا ف قعدت لوحدي
اسماء: ملكيش اصحاب كانو معاكي في اعدادي وجم هنا؟
ياسمين: عندي بس مدخلتش ثانوي
اسماء: طب ايه رأيك نبقي اصحاب؟
ياسمين بأبتسامه: اكيد طبعاً يشرفني جدا
اسماء: تعالي يلا اعرفك علي اصحابي
ياسمين: اوكي يلا
في مكان تاني
اسماء: بنات شوفو جبت مين معايا
اسراء: جبتي مين هيكون شاروخان مثلاً
اسماء: مش هرد عليكي
اسراء: لا ردي متتكسفيش مش هعملك حاجه
ايمان: بطلو خناق بقا شويه
اسماء: هي اللي بدأت
ساره: خلاص بقا قولي مين دي واهدو شويه
اسماء: دي ياسمين كانت قاعده لوحدها وملهاش اصحاب هنا اتعرفت عليها وجبتها تبقي معانا وهي اصلا معانا في الفصل فنبقي سوا يعني
اسراء: اسمك حلو اوي يا ياسمين بس انتي شكلك مش غريب عليا
ساره: انتي كل اما تشوفي حد تقولي شكلو مش غريب عليا اسكتي شويه
اسماء: هما دوشه شويه بس طيبين ودمهم خفيف هتحبيهم مع الوقت
ياسمين: ان شاء الله
اسماء: بصي ياستي دي ايمان ودي ساره ودي اسراء.. مالك يا اسراء بصالها كدا ليه
اسراء: انا عرفاها والله
ايمان: عرفاها منين!؟
اسراء: انتي كنتي في مدرسه ايه وانتي في ابتدائي يا ياسمين
ياسمين بأستغراب: التحرير ليه
اسراء بصدمه: ايه!؟؟
يتبع... توقعاتكو هل اسراء هتكون عارفه ياسمين فعلا ولا بتشبه عليها ولو عرفاها ايه اللي خلاها تتصدم كدا هنعرف في البارت الجاي ان شاء الله استنوني👀
#بقلم /مرام عرابي"كوكي"
أنت تقرأ
حياة مراهقات
Teen Fictionقصه تدور حول مرحله المراهقه والتقليد الاعمي اللي البنات بتعملو اليومين دول حتي لو كان غلط.... بس ياترا التقليد الاعمي دا ممكن يوديهم علي فين!؟؟ تعالو نشوف 👀
