حياة مراهقات

الفصل الرابع

البارت طويل اهو بمقام بارتين يارب الاقي تفاعل بقا

وقفنا عند لما بسمله راحت لياسمين وفضلت مركزه شويه مع اللي فتح الباب معني كدا انها مش ياسمين تعالو نشوف مين اللي فتح
بسمله: اسماء؟ بتعملي ايه هنا
اسماء: قاعده مع صحبتي
بسمله: هو انتي!؟؟
اسماء بإستغراب: انا ايه
بسمله: ياسمين فين بس كدا
ياسمين: انا اهو
بسمله: دا انتي ليلتك معايا مش معديه انهارده
ياسمين: ليه عملت ايه
بسمله: هقولك تعالي بس كدا
وبتاخدها علي جمب وبتتكلم معاها
بسمله: مش انا قولتلك اقطعي مع البنات دي مسمعتيش كلامي برضو وانتي عارفه اسماء دي مين
ياسمين: مين
بسمله: بنت عمتي انا نفسي هقطع معاها
ياسمين: دي بنت عمتك مينفعش برضو
بسمله: ومينفعش اللي هي بتعملو دا
ياسمين: انا جيباكي عشان تشوفيهم ونتكلم معاهم عندي امل انهم يتغيرو
بسمله: اسمعي كلامي مره واحده بقا يا ياسمين
ياسمين: مش هيحصل حاجه لما نغيرهم يعني يا بسمله خلاص بقا تعالي

في غرفة ياسمين
ياسمين بإبتسامة: دي بقا بسمله صاحبه عمري
اسراء: يااه يا بسمله بقالي كتير مشوفتكيش عامله ايه
بسمله بضيق: كويسه انتي اللي عامله ايه
اسراء: الحمدلله
بسمله: دايما اذيكو يابنات
الجميع: الحمدلله
بسمله: عامله ايه يااسماء
اسماء: الحمدلله
بسمله: مبتسأليش يعني ولا كإني بنت خالك
اسماء: الدروس والمدرسه ساحلني مبفضاش خالص
ياسمين: خلاص بقا ي بوسي حصل خير صحيح يابنات كلمو اهاليكو وعرفوهم انكو عندي اليوم كلو وانتي كمان يابسمله
بسمله: ماما قيلالي متاخرش
ياسمين: كلميها وقوليلها انك هتقضي اليوم معايا مش هتقول حاجه كفايا اخر مره مقعدتيش
بسمله: ماشي يا ياسمين

بعد وقت بعد ماقعدو وهزرو واكلو
بسمله: بصو يابنات عشان مبحبش الف وادور ياسمين حكتلي اللي حصل امبارح وبصراحه مكنتش اتخيل ان اسراء ممكن تعمل كدا وكمان مكنتش اعرف ان دي اسماء بنت عمتي وبجد مش متخيله انك ممكن تعملي كدا
اسماء بملل: الكل بيعمل كدا مكبرين الموضوع ليه
ياسمين: انا قولتلك يا اسماء مش معني ان الكل بيعمل كدا يبقي صح ومش حرام عارفه.. لو بتعملي حاجه مش حرام مش هنقول حاجه لكن حرام ان بنت تكلم ولد مش هيجري حاجه لما يكلمو اهاليكو ويقولولهم انهم بيحبوكو وعايزينكو دا لو هما رجاله وبيحبوكو بجد
بسمله: ياسمين كلامها صح انا معاها مش عشان هي صاحبتي بس دي فعلا الحقيقه ودا الصح
ايمان: طب ايه المطلوب دلوقتي
ياسمين: تعملو اللي قولتلكم عليه تقولولهم لو بتحبونا البيت مفتوح وهما لو بيحبوكم هيدخلو البيت من بابو
بسمله: برضو انا موافقه كلام ياسمين وعشان متاخدوش ذنوب علي حاجه مش مستاهله احنا بننصحكم عشان بنعتبركو اخواتنا وانتي يااسراء بذات انتي صاحبتنا من زمان وانتي يااسماء بنت عمتي يعني لو مسمعتيش كلامي المفروض اروح اقول لعمتو
اسماء بخوف: لا هسمع الكلام حاضر
ياسمين بتحذير: الكلام ليكي برضو يااسراء اسمعي الكلام بدل مااقول لطنط
اسراء بخوف: ماشي
ساره: طب احنا هنمشي دلوقتي ونجيلك مره تانيه بقا
بسمله: ليه ماتفضلو قاعدين احنا مش قصدنا نزعلكو بس بجد خايفين عليكو
ايمان: مزعلناش بس عندنا دروس وكنا هنلغيها ونقعد معاكو بس مينفعش احنا لسا في الاول نبقي نيجي مره تانيه بقا
ياسمين: براحتكو
بيمشو وبيفضل بسمله وياسمين بس
ياسمين: انتي بقا معايا اليوم كلو
بسمله: حاضر بس ليه مقولتليش انهم عندك مكنتش جيت لما شوفتهم عصبوني
ياسمين: كان لازم تيجي عشان ننصحهم سوا عشان مبقاش انا لوحدي
بسمله: ماشي يارب يسمعو الكلام بقا
ياسمين: يارب بس هو انتي بجد ممكن تقولي لمامة اسماء عاللي اسماء بتعملو؟
بسمله: اكيد هقولها لو فضلت كدا انتي مش هتقولي لطنط مامة اسراء برضو
ياسمين: لا انا كنت بس بقول كدا عشان تخاف وبعدين انا مقدرش اقولها حاجه زي دي كنت ممكن بس المح لها او اوقع اسراء بالكلام
بسمله: لا انا هقولها عادي هنشوف بس لو عملو اللي قولنا عليه خلاص معملوش نقول لأهاليهم
ياسمين: ماشي بس احنا اغبيه صحيح مش كنا خليناهم يكلموهم قدامنا قبل مايمشو هنعرف ازاي دلوقتي انهم عملو اللي قولنا عليه
بسمله: مش مشكله انتي كدا كدا معاهم في المدرسه ولو لاقتيهم بيعملو نفس التصرفات يبقا مسمعوش الكلام بس سهله يعني
ياسمين بضحك: ايوا ياقمر انت كل حاجه بقت سهله بتقلديني كدا علي فكره
بسمله بمرح: البركه فيكي بقاا
ياسمين: ماشي ياستي قوليلي هنعمل ايه بقا
بسمله: كالعاده زي كل مره بنقضي فيها اليوم مع بعض
ياسمين بمرح: كرتون روبانزل وفشار وشوكولاته
بسمله: الله عليك ياصاحبي وانت فاهمني
ياسمين: عيب دا احنا داخلين علي حداشر سنه مع بعض اهو
بسمله: ماشي يلا هاتي الشوكولاتة والفشار علي اما اشغل الكرتون
ياسمين: ماشي
بتشغل بسمله كرتون روبانزل وبتجيب ياسمين الشكولاتة والفشار وبيقعدو يتفرجو عالكرتون (جو طفولي بحبو اوي بصراحه 🥺)
بعد وقت
بسمله: بقولك ي ياسو انا هروح بقا عشان بابا ميهزقنيش وعشان ماما قيلالي متأخرش
ياسمين: طب ماتباتي معايا انهارده
بسمله: خليها مره تانيه وعشان في حاجات في البيت ماما عيزاني اساعدها فيها ف هروح عشان ترضي تجيبني تاني
ياسمين: ماشي يابوسي سلميلي علي عمو وطنط
بسمله: يوصل ياقلبي
تغادر بسمله منزل ياسمين وتظل ياسمين في غرفتها تلعب في هاتفها
ياسمين: يانهار مش فايت ايه اللي انا عملتو دا
- هاي
عبدالله: انا عبدالله وانتي؟
عبدالله: ياسمين ولا سلمي؟
عبدالله: ماهو الاتنين ليهم دلع ياسو
عبدالله: طب بتشوفي الرسايل ومبترديش ليه ردي مش هاكلك يعني
ياسمين: يانعم
عبدالله: طب مااحنا بنرد اهو امال سيباني بكلم في نفسي ليه
ياسمين: مش شيفاك بتتكلم في حاجه مفيده عشان ارد واصلا مفيش كلام بين ولد وبنت
عبدالله: طب مش تعرفي انا عايز ايه الاول وبعدين تقرري
ياسمين: هتكون عايز ايه يعني اكيد داخل تستظرف
عبدالله: اهو شوفتي اتسرعتي في الحكم عليا مش داخل استظرف ولا حاجه
ياسمين: امال عايز ايه
عبدالله: بصي هبقي معاكي صريح بصراحه كدا انا معجب بيكي وعاوز اتعرف عليكي
ياسمين: اولا مبتعرفش علي ولاد ثانيا شوفتني فين عشان تُعجب بيا
عبدالله: صراحه مشوفتكيش بس معجب بيكي من البوستات اللي بتنزليها قولت اكيد اللي بيكتب الكلام دا حد قمر
ياسمين: وبعدين
عبدالله: بصي انا هبقي معاكي جَدي عشان مبحبش اللف والدوران
ياسمين: جَدي ولا جَدتي
عبدالله: طب مااحنا بنعرف نقلش ونهزر اهو امال مصدره الوش الخشب من الصبح ليه ومقولتيش اسمك كمان
ياسمين: اولا قولتلك مبكلمش ولاد ثانيا مش ملزمه اقولك اسمي
عبدالله: لا ماهو لازم اعرف اسمك واتعرف عليكي عشان اخد خطوه
ياسمين: خطوه في ايه بظبط؟
عبدالله: صراحه كدا عايز اكلم باباكي واتقدملك
ياسمين: نعم! حضرتك انت مش واخد بالك اني لسا في ثانوي
عبدالله: وايه المانع اني اتقدملك يعني
ياسمين: المانع اني عايزه اخلص تعليم واشتغل بشهادتي وبعدين افكر في الجواز وبعدين ما انت كنت ممكن توصل لوالدي من غير ماتكلمني ولا هو شغل تلزيق وخلاص
عبدالله: عندك حق بس دا لو مكنتيش انتي بعتالي ادد لكن انتي اللي بعتي
ياسمين: اتبعت بالغلط مش حوار يعني انتو اللي مابتصدقو تتلزقو وخلاص
عبدالله: مالك قلبتي كدا ليه
ياسمين: انا مش ناقصه وجع دماغ سلامم (وبترزعو البلوك المحترم والله جدعه ي ياسو 😂)
ياسمين: ناقصاك انت كمان بلا قرف