غرفة 307

part 5

غرفة_307

بقلم الكاتبة: أزل العقابي

تصويت + تعليق + متابعة للحساب

--------------------------
واّنه بروحيِ
حزن ديره
وملامح خوف
وحرب چذبه
وحلم تايه هجر جفني
ونهر ثالث حفر خدي
غريب بكآع متلمني
چم ليله آذب
دموع عله آلمامش ولا اَدري

------------------------------------

-: لازمني من ادية ويباوعلي بخوف وتوتر قيدني
من حركتي ورفع حنچي وصارن عيوني بعيونه
ويباوعلي بغضب لأن ماجاوبتة ..

-: لا تعبيني روح جاوبي

-: شعلية بيك اني

-: بس تصرخين اموتچ

-: خوش

-: يعني نطلع

-: اي
لمينة احتياجاتنة الضرورية ولزمني من ادية
وكل شوي يباوعلي بخوف طلعنة والدنيا ضلام مشينة من بين الزرع ونمشي بأقصى سرعة
وبس صوت انفاسنة تنسمع

-: روح ما تصرخين مو

-: تؤ
بعدنة نمشي من بين الزرع رجلية طاحن وگلبي يدگ
-سينمار يمتة نوصل تعبت

-: مابقة شي راح نوصل

-: واني جاي امشي حسيت شي دخل برجلي
صرخت وحطيت ادية على حلگي ..ااخ

-: شبيچ

-: مدري شنو دخل برجلي توجعني سينمار راح اموت

-: اششش ماتموتين مابيچ شي

-: كلة من وراك

-: اشش اسكتي

-: هسة شلون اگوم

-: راح اشيلچ

-: شنوو .. بعدني مامكملة كلامي وشالاني
ايد ورة ضهري وايد جوة رجلية ويمشي بية بأسرع قوة ولا كأنو شايل ثقل وصلنة يمة السيارة
فتح الباب وخلاني بالصدر راح يركض وصعد يمي

ساق السيارة بقوة وكلشوي يتلفت وعروگ ادي
بينت والعرگ صار ينزل من گصتة يمسحة ويرجع
ينزل ..

-: سينمار بيك شي
ما جاوبني .. درت وچهي للجامة والخوف يسري
بدمي ما اعرف شنو نهايتي.
واحنة نمشي صوت الطلق صار واضح وما حسيت
غير السيارات تمشي ورانة ضليت ابچي ومچلبة
بأدي واشهگ .
- سينماااار راح نموت امشي سريع
يحچي بخوف ويتلفت يمين ويسار
- ما يلزمونة اسكتي اسكتييييي

-: حطيت ادية على وچهي وابچي بخوف
واني ابچي وگفت السيارة ورجعت ليورة انطگيت
بالجام رفعت عيوني والسيارات محاوطتنة
من كل الجهات
- سينمااااار لزمونة راح نموت راح نموت سينمااار
باوعلي وعيونة مدمعة ويباوعلي بحسرة
طبگ ادية ثنينهن حضنهن وباسهن
- ماگدرت احميچ لوزايتي