seriously?! (باللهجة الجزائرية)

Finally

a month later

"عند لؤي"

-هناء: هيا شهين متكونش كي لبيبي كول
-شهين: يييخخ ماشي بنين 🤢
-منال: تشفايلو كي كان صغير هكا كان يدير 👩🏼‍🦰
-هناء: وكيفاش نقدر ننسا وليدي👱🏻‍♀️... بصح 😢..... راني نادمة على كامل هاد السنين لي مكنتش معاك.... سمحلي شهين سمحلي وليدي
-شهين: علابالي بلي ماشي لغلطة تاعك لعكس انا لي نطلب منك السماح لي سمعت كلام لي يسموه بابا قالي هربت معا راجل وحداخر وخلاتك مقاليش ممپا بلي عندي خويا سمحيلي بزاف
هنايا مدام هناء مقدرتش تشد روحا كثر وبكات شهين حضنها باش يخفف عليها
-سامي: راني بديت نغير 🙄😶
مدام هناء طلقت ضحكه خفيفه وشهين تان
-هناء: ارواح لهنا يا لغيور
فتحت يدها وحضنتهم في زوج
-سامي: خويا لكبير ياه😂🙂
-شهين: وش خويا الصغير 😉😏

20:00
-دينا: هيا تتعشاو راه وجد لعشا
-شهين: صحيت على وش درت 😊
-بلا مزية برو
ايه حقا رابح راه مخبي على خاطر شتكينا بيه ومدينالهم ادلة قوية تخليه يلحق حتى حكم الاعدام

flash back
-لينة: لؤي وين
-دوك نولي
-لينة: كون يعاودو يولو ليك 😣
-متخافيش نجيب حاجة ونجي😊(سلمتلها على راسها) بلاكو عليها دوك نولي

لحقت لداري طلعت الدروج نجري حتى طحت جا راسي فلرض
-شيت
ميهمنيش عاوت نضت فتحت لقجر خربتو كامل رحت الخزانة كيف كيف رميت كامل لحوايج فلرض لينة ديرلي حالة
-تفكرت
رفدت لكادر لي كان معلق فتحتو لقيت لورق لي كنت نحوس عليهم

-راني وليت
-لينة: وش بيه راسك 😲
-😅طحت
-المهم... راني جبت كامل لجرائم تاع رابح هنا وراني عيت للابوليس راهم جايين
-شكون فيكم لؤي
راهو يسقسي منيتو هذا باينة كاين غير انا راجل في وصطهم (T＿T)
-هاا جاو لابوليس انا
-قلتنا كاين ادلة ضدّ رجل العصابات رابح لي عندنا شحال وحنا نحوسو نطيحوه
-وي راهم كامل هنا
-هناء: حبس
وشبيها دوكا غاضها رابح ولا وش
-هناء: مشي هداك كلش عندي ادلة زيادة وقوية عليه راهم فداري
-اوكي مدام مال نجو ندوهم وهكا نكونو تهنينا من رابح

Back to the present
المهم هبطنا ناكلو وكامل كانو فرحانين بصح كاين حاجة دينا مراهيش نورمال معايا برك لوخرين تهدر معاهم نورمال غير انا تيفيتيني وش درتلها مزالها زعفانة مني منهار هداك كانت سيريو كي قاتلي متزيدش تهدر معايا (๑˙ー˙๑)
-سامي: وش رايكم نخرجو كي نكملو لعشا
-هناء: وين بيها
-سامي: نتمشاو برك
-شهين: ايه
-هناء: سيريوزلي
-منال: خليه يشم لهوا
-اوك
-سامي: ونتوما لبنات
-يس(إلهام ولينة)
-دينا: انا منروحش
-شهين: دينا راكي مليحة
-دينا: يس😊
-منال: روحي معاهم عندك شحال مخرجتيش
-دينا: بصح...
-منال: قلت يلاه
-دينا: اوووك🙄
-سامي: هيا نودو
-هناء: اببببببب متبوجوش منا حتى ترفدو الطابلة وتغسلو لماعن😌

خرجنا ورحنا لواحد جاغدا قعدنا لتم شهين حكمني من يدي وبعدنا باش ميسمعوش
-شهين: وش خممت وش قلت
-فيمن؟
-شهين: نستاهلها ولا لالا
-بيناتنا متستاهلهاش
شهين بقا مصدوم
-شهين: اوك برو اتهلا
-😂😂😂ارواح ارواح منيتك باينة مراحش تكون مليحة غير معاك 😊
-شهين وش.. وش.. وشنو😳 سيريوزلي 😃راك تهدر صح
-راك حاب نبدل رايي روح عندها ضوك😐
طار ملفرحة وراح يجري معلابالوش وين جماعة شافوه ومفهمو والو
-منا منا لعكس وين راك رايح 😂
ملفرحة غلط فالطريق عاود دار وراح عند لينة رفدها ودار بيها
-لينة: خلاص خلاص وش كاين
حطها وخبرلها حاجة واحد مقدر يسمع وغير انا لي علابالي لينة بقات جامدة في بلاصتها
-شهين: جاوبيني لينة
شافت فيا بتردد
-اتس اوكي علابالي دوك نشوفو نتي ادا راكي حابة
عاودت دارت لشهين شافت فيه وتبسمت بخجل
-لينة: يس ☺️
عاود رفدها ودار بيها وهي تضحك
-سامي: كاش واحد يفهمنا
-شهين: حنتزوج
-سامي: 🙄🙄🙄هه. هه. هه مضحك جدا
إلهام ودينا ناضو يعيطو باينة فهمو
-دينا: يووو لينة مبروك عليك 😍
-إلهام: كنت عارفتها😍
-سامي: متقولوليش صح..... خويا كلشي مبروك نتي تان عروستنا
-يسلمك (لينة وشهين)
-دينا: بصح شهين طولت عيها عندها شحال وهي تستنا فيك
-شهين: خاطيني شوفو مع لؤي🤷🏻‍♂️
-دينا: صح هذا وش يعرف يدير
وش راهي حابة تقول
-وش....
صونا تيليفوني وقطع هدرتي
-الو
-معاك الشرطة
-شرطة؟
-عيطنالك بخصوص رابح
-متقوليش زاد هرب
-لالا
-حكمتوه؟
-لالا تان
-وشنو مال
-خليني نهدر
-سمحلي حضرات كمل
-حنا ليوم تبعنا رابح ولقيناه وين راه مخبي حاصرنا لمكان واقتحمناه لقيناه لتم سيا يهرب باش منخلوهش واحد مرجالنا ترا عليه دوكا راهو في المستشفى
كوبيت
-رابح راهو فسبيطار