seriously?! (باللهجة الجزائرية)

10

8:30
نضت عيانة مشبعتش رقاد معلاباليش كيفاش جازت ليلة البارح ومازلني حابة نعرف وشنو هي حكاية سامي لي محبش يقولنا لمشكل تاعو مع رابح   دقيقة راح لحال مافطنتش او شيت علاه مانوضتنيش إلهام لبست حوايجي وهبطت نجري لحقت للكوزينة لقيت إلهام تفطر مع ماما رحت نجري ليها حكمتها مشعرها وقبل متقول حتى كلمة
-علاه مانوضتينيش 🤬
-منال: دينا😤 ريحي
-بصح...
قاطعتني ومخلاتنيش نهدر قعدت في بلاصتي لي جاية قدام إلهام إلهام رفدت روحها وقعدت قدام ماما    وتزيد تشنف ملفوق
-منال: راكي بعقلك ليوم دينا
-بصح هي مانوضتنيش
-منال: ليوم عطلة ادا نسيتي
شفت تيليفوني   اووو إلهام مسكينة ظلمتها صح معلاباليش وش راه صاريلي ليوم
-إلهام
مردتش قلبت وجها
-إلهام
كيف كيف
-سمحيلي إلهام 🥺
-منال: انا نروح نخليكم تتفاهمو
سكتنا شوية
-إلهام: نقدر نسامحك بشرط
قالتها بلا ماتطلع راسها
-راني قابلة وشنوه
طلعت راسها وشافت فيا
-إلهام: 🌚سور
اوااوو هذي لخزرة متعجبنيش
-إلهام: قولي للؤي نحبك😁
-وات
بقيت مدهوشة مبعد ستوعبت وش قاتلي ندير
-آر يو سيريوز
-إلهام: يب😌
-نو منديرهاش
هنا إلهام ناضت مبلاصتها وجات قعدت قدامي
-إلهام: يلمهبولة هاذي حاجة مليحة ليك
-كيفاه
-إلهام: 😩لازم تعييني منيتك مراكيش فاهمة 🤦🏼‍♀️
-يلاه فهمينا يا اينشتاين🙄
-إلهام: عندي شحال ونا نشوف في لؤي وهو يتبع فيك بعينيه ويسييي يراضيك ويديرلك كامل وش راكي حابة والنظرة تاعو معمرة حب ليك
-اوووو😮 قصة شابة الفتيها وش رايك ديري حكاية
-إلهام: يس عندك لحق ندير حكاية عليك ونسميها  Let's take revenge together
قلبت عيني منها
-إلهام: راني نحكي سيريو امنيني
حسيتها تقول الصح ومعلاباليش علاه مي راني حابة يكون صح وش راهي تهدر
-إلهام: ديجا شفتك نتيا تان كيفاه تشوفي فيه
حسيت وجهي سخون وولا حمر ملحشمة    وقتاش شافت كامل هذا    مصيبة هذي الطفلة
-إلهام: ااا وش قلتي فيها👀
-ااي.. ايي.. ااا...
-إلهام: قوليها وهنيني😐
-اوووووف ايه
-إلهام: يووووويوووويييووووييوووييييييي (تزغرت)
ناضت تصفق وانا هبطت راسي وتبسمت ملحشمة دخلت ماما تجري للكوزينة مخلوعة بقات واقفة مصدومة مفهمت والو إلهام راحت ليها جبدتها تشطح معاها ماما معرفتش وش دير ايا بدات تشطح معاها

16:55
-صماطاااااااااا
قلتها وانا مكسلة ففراشي
-إلهام: وش رايك نخرجو مع لؤي والجماعة و فنفس لوقت تقوليلو وش تفاهمنا
انا جبت مخدة حطيتها فوق راسي وبديت نتخبط برجليا
-مانبش واجدة
-إلهام: ياك قولنا بلي...
صونا تيليفوني وقطع هدرة إلهام وانا شكرت هذا لي عيط مام مزال ماشفت شكون رفدت تيليفون وشفت نيميرو منعرفوش بصح ريبونديت
-الو شكون
-هاي دينا انا لينة
-آآه لينة هاي سافا
-لينة: الحمدلله حبيت نسقسيك
-وي بيان سور
-لينة: انا ولؤي رانا قاعدين فالدار ملقيناش وش نديرو قلت اذا راكي حابة نتي وإلهام تخرجو معانا
-الهام: قولي ايه (تهدر بلعقل)
مفقتش حتى لقيت إلهام واقفة قدامي وتسمع
-اي..ايه
-لينة: سوبر دوك نزيد نعيط لسامي وشهين تان
-ايا اوك
-لينة: على 18:00نجوزو ندوكم
-ريڨل نتلاقاو مبعد
-لينة: باي
-باي
كوبيت حتى نلقا إلهام عند لخزانة تخير وش تلبس حطيت يدي على خصري وشفت فيها وانا مطلعة حاجبي
-إلهام: وات😗
-ماديريش روحك مافاهمة والو 😒
-إلهام: معلاباليش وش كاين فراسك بصح خاطيني
-يس امنتك 😒😑علابالي بلي نتي لي عيطتي للينة
-إلهام: منكذبش عليك يس انا عيطتلها بيسك علابالي متقوليلهاش لالا
-علااااه دوك علابالها بلي يعجبني لؤي 😣
-إلهام: نو مقلتلهاش قلتلها برك بلي ماحبيتيش تخرجي وبلي كون تعيطلك هي متقوليلهاش نو
-المهم خيرتي حوايج
-إلهام: يس
-ماقاتلكش وين رانا رايحين
-إلهام: للپارك
صوطيت مبلاصتي نجري الخزانة وش ندير نحب نلعب فلپارك
-وش خيرتيلنا
-إلهام: هادو