seriously?! (باللهجة الجزائرية)

6

-سامي: وي صح ماشي رحتي تغسلي
اسكت نتا وش نطقك دوك انا وش نقوللهم
-لؤي: مزالكي ساك... دينا وشبيها رجلك😨
انا هذي هي الفرصة تاعي باش منجاوبش ومثلت شوية عليهم
-آااي حتى دوك باش وجعتني
مفقتش كيفاه حتى لؤي صبتو قدامي وخايف
-لؤي: راهي توجع فيك بزاف 😧
مفهمتش وش بيه علاه راه خايف كامل هاك وزيد صحبتو راهي قدامو حتى هي راهي ساكتة
-سامي: عندك زهر راكي لابسة باسكات ماشي طالو
-لينة: شوف لؤي هذا ڨاع نتا مسكينة نجرحت كي طاحت ارواحي معايا نديرلك دوا ☺️
هذا وين عرفت علاه لؤي يحبها بزاف جايا حنينة ومتفهمة بصح دقيقة شهين وإلهام وين راهم
-سامي: يلاه طولنا على جماعة
واو كيشغل كان يقرا افكاري غير بديت نمشي رجلي وجعتني ملت وطحت بصح يد لؤي شدتني
-لؤي: بلعقل على رجلك نروح نجيبلك دوا ملوطو ونجي
وراح يجري مبعد جات لينة عاونتني باش نوقف
-لينة: هاي متعرفناش انا لينة ☺️
-دينا
-لينة: متشرفين دينا
-سامي: لينة علابالك شكون هذي 🙂
-لينة: ااا هذا وين قالت دينا 🙄
-سامي: نو حبيبتنا هذي هي لي ضربت لؤي لبارح 😆
مع قال لكلمة الاخير جاتو حجرة في كتفو
-لؤي: اسكت دوكا
انا ولينة بدينا نضحكو عليهم حتى ضحكو هوما تان معانا
-لينة: مع لوقت توالفيهم هاد زوج دايمن هكا مصغرهم👀
اووو راهي تعرفو ملي كانو صغار لينة دارتلي دوا وكملت
-لؤي: انا سمحولي نروح نوصل لينة للدار منقدرش نخليها وحدها يلاه
-لينة: باي دينا نايس تو ميتيو😊
مقلتلها والو من غير ابتسامة لي مديتهالها

"عند إلهام"
وين راهم هادو لي يروح مايوليش راني قاعدة وحدي مع شهين هي صح كنت نحلم باش نقعد معاه حكا وحدنا مي من بعد ماعرفت مشاعرو لدينا تبدل كلش انا مزالني نحبو لكن دينا صحبتي وخيرها سابق منقدرش نغدر بيها
-شهين: طولو نو؟
سييت نجاوبو ونخلي مشاعري من جهة
-يپ
شفت من جيهة الباب غير باش منشوفش في عينيه
-هاه رام جاو
-شهين: طولتو بصح دينا وش كنتي ديري برا مع سامي؟
باينة غار عليها وهاد شي باين من عينيه
-دينا: غير خرجت نهدر بتلفون تلاقيت بسامي كي كنت داخلة
باين هنا بلي شهين كان يسيي يقنع روحو يصدقها
-دينا: ادا كملتو نقدرو نروحو؟ راني عيانا
مام انا مانيش حابة نزيد نقعد مع شهين ونشوف في عينيه
-شهين: يلاه
-سامي: مال انا نوصلكم
رحنا ركبنا في لبورش كي لعادة انا avant وديمارينا بصح هاد لمرة طريق كامل وحنا ساكتين
-شهين: لؤي وين راه
شفت دينا عينيها وساعو على هذا السؤال
-سامي: جاه شغل راح
ودينا دارت للكارو طريق كامل وهي تشوف لبرا انا تان كنت ساكتة حتى شفت كاميو كبير قدامنا عيطت وهبطت راسي غمضت عيني ودرت يدي على راسي وبكيت بطريقة هستيرية سامي حبس لوطو و ماحبش يسقسيني هبط يجري وشهين ودينا نفس شي سامي فتلي لباب شدني من يدي وهبطني دينا مدتلي قرعة ما شربتها باش قدرت نتكالما شوية هنا دينا جات عنقتني
-دينا: خلاص إلهام لحكاية فاتت🥺
بقينا مدة وحنا واقفين
-خلاص راني مليحة نقدرو نروحو ☺️
-سامي: راكي سور؟
درتلو براسي ايه فتحلي لباب وطلعو لوخرين ديماريني السكات مجددا لي يغلب درت لقيت دينا وشهين راقدين
-مراكش حاب تعرف علاه عيطت هكاك؟
انا قررت باش نهدر
-سامي: منخبيش عليك حبيت نعرف مي باينة هذي حاجة صراتلك و دوك عندك فوبيا منها
قالهالي وعينيه مابعدهمش مطريق عجبني كي لقيتو متفهم هكدا
-كي كنت صغيرة وحد نهار رحت مع بابا وماما باش نحوسو وكنا نضكو وكلش كان شباب بابا كان يسوق بينا وماما كانت قاعدة وين راني انا 😢
حسيت بغصة ومقدرتش نكمل سامي حبس لوطو وشاف فيا بحزن
-سامي: خلاص إلهام متكمليش
-مبعد انا... كنت نلعب موراهم طاحلي لبالو قدام بابا... 😰هو هبط يجيبهولي غير طلع راسو... قابلنا كاميو كيما تاع مقبيل😢... بابا سيا يبعد مي مقدرش... خبطنا فيه 😣😭
سامي زادو وساعو عينيه كثر حسيتو حب يسكتني مي معرفش كيفاش
-انا مبعد ماتفكرت والو موراها 😥... وكي نضت لقيت ماما وبابا... معرين دم وانا ملقيتش وش ندير من غير لبكا وسييت نوضهم بصح والو حتى حسيت بيد بابا تتحرك فتح عينيه شدلي يدي وسيا يهدر معايا😓 مزالني شافية وش قال... قالي بنتي عيشي حياتك كوني قوية خلي قلبك بيض وكبير سامحي الناس بصح متخليهمش يدولك حقك... وتفكري بلي ماماك وباباك يحبوك ودايمن معاك😢... هذي كانت آخر كلمة قالها 😭جامي نسيت هاد لهدرة... وراني متوحشتهم بزاف 😣
مقدرتش نكمل نهدر حتى نحس بيد سامي تلوات عليا وعنقتني
-سامي: انا راني معاك إلهام متخافيش
هدرتو هذي حسيتها من قلبو وكملت عنقتو انا تاني بقينا مدة هكاك حتى ريحت شوية
-سامي: تشربي ما☺️
تبسمتلو
-سامي: بصح هادو شحال يرقدو 🙄صوت لبكا هذا كامل مانوضهمش🙂
انا هاد لمرة ضحكت بقوة خلاني ننسا بلي بكيت
-تنكس سامي
-سامي: واي
-كنت حابة نفرغ وش كنت مخبية وزيد ضحكتني 😊
-سامي: صحاب ولا بطلنا
-هه صحاب 😊
-سامي: يلاه للدار دوكا
-يلاه

21:15
لحقنا لدار نوضت دينا وهبطنا ودعنا سامي وشهين ودخلنا كي لعادة طاطا منال تستنانا في صالون
-منال: هذا وين 🤨
-دينا: صوري ماما علابالي طولنا
دارتلها بيزو بيسك علابالها بلي هي نقطة ضعف تاعها انا درت نفس الشي درتلها بيزو
-منال: نتوما زوج دايمن تعرفو كيفاش تكلخولي🧐
-وي طاطا بيسك نحبوك😊
عنقتها وجات دينا معانا درنا عناق جماعي

"عند دينا"

طلعت انا وإلهام للبيت كل وحدة بدلت حوايجها وانا رحت ديراكت لفراشي بيسك عييت تكسلت وتفكرت لينة وشحال يحبها لؤي عندو لحق طفلة شابة بزاف وحنينة وتخاف عليه مام هو خاف عليا كي جرحت رجلي ديجا علاه يخاف عليا انا بصح خاف عليا انا هنا تبسمت لا إراديا
-إلهام: ممم يادرا فيمن راكي تخمي🙂😏
وجهي ولا حمر وبديت نتلف فلهدرة
-أ و وو والو غيرراااا
-إلهام: خلاص خلاص مكاله تخمي في كذبة 🙄 لؤي ياك👀😏
اا كيفاش عرفت واش راني نخمم مقبيل سامي دوك هي زعما راهم يسمعوني في عقلي (ฅ'ω'ฅ)
-إلهام: شفتو كيفاش كان يشوف فيك كي كنا في لاتابل 😌
-فيا انا؟
-إلهام: يپ وتان شفتك نتي تان كي خرجتي موراه واحد فيكم مراح يغسل
-اوك دوك نحكيلك
حكيتلها كي شفت لينة وشحال يحبو بعضاهم بلا منحكيلها علكلب و طيحة مع لؤي
-إلهام: آااا شفتي 😧
-وات؟
-إلهام: لؤي خداع😶شفتو كيفاه كان يشوف فيك
-خلاص إلهام 😑 ايا بونوي
عاودت تكسلت وغمضت عينيا جاتني صورة لؤي اوووف حتى كينجي نرقد يتبعني