seriously?! (باللهجة الجزائرية)

9

"عند إلهام"
مزالنا نوجدو للحفلة تاع دينا قريب نكملو مابقالناش بزاف بقا غير و لڨاتو ولباف قلت لشهين يجيبهم
-منال: تقدرو تعاونوني نعلق هادي
-راني جاية
-سامي: لا خليني انا نطلع
-عادي عادي بعد تشو خليني نخدم😌
-سامي: شوف اسيدي🙄
طلعت فالسلوم وكان عالي بزاف انا صح خفت مي شحال الاحتمال بلي نطيح لحقت لدرجة الاخيرة تاع السلوم علقت هديك زينة وغير جيت هابطة رجلي دارت ومقدرتش نشد روحي طحت وغمضت عينيا     بصح مانيش نحس بلوجع (๑• . •๑) فتحت عينيا لقيت روحي بين احضان سامي بقيت مدة وانا سارحة في عينيه
-منال: أححححم احم سمحولي قاطعتكم بصح مزال كاين خدمة
سامي حطني ولعب بشعرو ملحشمة وانا هبطت راسي ووجهي ولا حمر
-سامي: مال انا نشوف ادا كملو لخدمة فالحديقة
-منال: سامي انسان مليح استحفظي عليه
قالتهالي بلا مايسمع انا حشمت ومعرفتش واش نقوللها
-لالا هو صديق برك 😳
-منال: مممممم يلاه يلاه عندنا خدمة

19:05
هذا وين عيطلنا لؤي وقالنا بلي راهم في الطريق وحنا كملنا كلش حتى شهين ولينة جاو طفينا كامل ضواوي وتفتحت لباب
-دينا: لؤي قتلك... علاش راهي ظلمه؟ مامااااا إلهاااام
وشعلنا كامل ضواوي
-سوربراااااايز 🥳(بصوت واحد)
دينا تخلعت مع لول مبعد فرحت بزاف
-دينا: اووو ڠايز منسيتونيش 🥺🤭
-شهين: كيفاش ننساو هاد زين كامل   هابي بورذداي 😍☺️(عنقها)
-ايه حبي مننساوكش ❤
رحت نجري ليها عنقتها
-لينة: سنة حلوة دينا ☺️(عنقتها)
-سامي: صح مكنتش نعرفك مقبل بصح نتمنا تعيشي ماخير☺️
-دينا: تنكس سامي 😊
عنقها وخبرلها حاجة هي حشمت وهبطت راسها مبعد خبطاتو للكتف وش كاين بيناتهم   خلاص خلاص منخممش هاك بصح انا واش دخلني
-لؤي: هابي بورذداي 😊
-دينا: علابيها مخليتنيش نروح للدار
-شهين: يس كانت فكرة تاعي انو نديرولك سوربرايز 😌
-لينة: بصح ڨاع خدمنا عليها😊
-شهين: وي وي صح صح 🙄
-منال: حبيبتي كبرتي وليتي شابة ومسرارة راني محظوضة بزاف خاطرش انا لي جبتك لهاد دنيا
دينا راحت تجري عندها عنقتها
-دينا: انا لمحظوضة هنا خاطرش نتي ماما
-منال: ايا دوكا اطلعي للبيت شوفي وش خليتلك
دينا طلعت تجري لفوق

"عند دينا"
فرحت بزاف كي تفكروني انا وكنت ناسيا ليوم لحقت للباب تاع بيتي فتحتا عينيا راحو ديراكت للاغوب لي راهي محطوطة فوق فراشي كانت كاينة ورقة صغيرة ~With love, your mother ~ هذا وش كان مكتوب فيها رفدتها