-من وقتاه ونتي تحبيه؟ كسرت الصمت لي كان بيناتنا -إلهام:معلاباليش مي لحاجة لي علابالي بيها اني نحبو -وعلابالو هو -إلهام:نو ساد الصمت مجددا -إلهام: علابالك قالي راني حاب دينا مرتي مشي ختي -علابيها كان يبعد سي رابح على ماما -إلهام: محبش يسمع كلمة خويا من عندك اما انا نورمال 😞 -صدقيني مكانش علابالي إلهام وجامي نخمم نغدر فيك ولا ندير حاجة مور ضهرك 🥺 -إلهام: قتلك علابالي ماشي غلطة تاعك 🙄 -صووْ وش حنديرو دوك -إلهام: نكملو حياتنا عادي كيلي مصرا والو😌 -وشهين كيفاه 😕 -إلهام: راني قتلك كيلي مصرا والو 👀 -بشرط متقوليلوش بلي علابالي -إلهام: يا اختي راني مصرا والو 🤨 -🙄🙄اوك اوك -إلهام: وش كاين عشا؟ 😅جعت -مام أنا هيا نهبطو نتعشاو -إلهام: يلاه 😋
21:05 تعشينا وكملنا أنا طلعت بيسك عييت وخليت ماما وإلهام قاعدين في الصالون بعد ما بدلت حوايجي ولبست بجامة صوطيت في فراشي وحطيت راسي علمخدة اول حاجة جات في بالي كيفاه شهين يحبني أنا وإلهام من وقتاه تحبو وعرفت علاه مكانش يحب باباه قريب من ماما بزاف حاجات يدورو فراسي حطيت لمخدة على فمي وعيطت باش مايسمعونيش كي نحيت لمخدة تفكرت حاجة وحدوخرة لؤي وشكون هديك لي كانت معاه بالاك girlfriend تاعو لي كان يهدر معاها بالتليفون صبح اوووووف خلاص وانا وش دخلني فيهم نعست نروح نرقد خير 눈_눈
لحقنا لافاك وخليت لبنات يسبقوني انا رحت نجيب لما في طريقي باش نولي جا بالو تاع باسكات فوق راسي -صوري برو كنا نلعبو حتى طارت لابال برا سطاد -او راك سيغيو ارواح نوريلك (ง'-̀̀'́)ง حكمتو متريكوه وجبتو لسقتو فلحيط ودربتو بدبزة لوجهو هو تبسم على جيهة وحدة وبزق دم لي كان في فمو وحكمني نكتافي وطبعني برجلو مبعد دربني بوكس لوجهي كملناها في زوج واحد يضرب في لوخر حتى جا بابا بعدنا على بعضانا نتوما زوج للبيرو دوكا
لحقنا للبيرو وكان بابا يستنا فينا -رابح: هذي راهي جامعة ماشي حلبة مصارعة ضوك لزوج عندكم انذار برك هاد لمرة لمرة لجاية إجراء وحدوخر 😠 تقدرو تخرجو دوكا كنا خارجين والحاجة لي حيرتني هي كيفاه هداك كان يشوف في بابا بنظرة حادة -ايي نتايا مدلي رقم اهلك(بابا هدر معاه) هداك مدلو ابتسامة جانبية -صدقني مراكش حاب تعرفهم قالهالو وعينيه ركزهم في عين بابا نظرة تاع واحد واثق بزاف بابا لاحظ هذا تان -خلاص تقدر تروح -اوك متشرفين سي رابح 😏 وخرج ثقة تاعو عجبتني بصح باين راه مخبي موراها عفسة وبابا وش دخلو فلحكاية
دخلت للاكلاص واول واحد شفتو لؤي كان قاعد مع إلهام ودينا رحت ليهم لقيت إلهام مطرطڨة بضحك -إلهام: شهين جيت😂😂😂 اااواو ان شاءلله متكونش حكاتلهم -إلهام: تشفالو السيد لي حكاتلنا دينا بلي ضاربت معاه😂 -وي -إلهام: ظهر لؤي مسكين 😂😂😂 -هههه😂متزيديليش -لؤي: يس انا هو الضحية 🙄 وكامل بدينا نضحكو -لؤي: شهين حبس وشبيه وجهك -انا تان ضاربت ليوم -لؤي: شكون هذا لمسكين -انا درت لقيت نفس ابن ادم لي ضاربت معاه وش خصو هذا -لؤي: متزيديليش 😂😂😂 -دينا: عيب عليك (خبطاتو لكتفو) -عادي خليه انا تان ضحكت عليه لبارح كي ضرباتو طفلة -لؤي:جماعة هذا صاحبي سامي -صحبك 🤨 مرحبا بيك -سامي: متشرفين -عجبتني لجرأة تاعك قدام بابا مدلي نفس التبسيمة على جهة وش حكايتو -إلهام: هاي انا إلهام 😊 -سامي: مرحبا ☺️ -دينا: وانا دينا لي ضربت لؤي لبارح🤭 -سامي: 😂نتي نمدولك تحية سبيسيال -لؤي: خلاص 😶 -دينا: وش رايكم نخرجو كيف كيف مور لكوغ -يس -يس -يس
