اسكريبتات أميمة شوقى 💜

اسكريبت لطيف لذيذ 🤗💜

-أحمد
-أحمد
-أحمد
-أحمد
ايه ايه فيه ايه يا بلوه حياتى
-بقى أنا بلوه يا أحمد ،خلاص مش هقولك حاجه
أحلى بلوه وحياتك
الله عليك يا واد يا أحمد وانت بكلمه بتثبيتها وطلعت بتتكسف كمان ،بركاتك يا حاجه
-الله الله يا سى أحمد هو انا مش بنت ولا ايه
دا انتٍ ست البنات كلهم يا مارشيملوا حياتى
بحب مارشيملوا يا ناس
-.........
خلاص خلاص هسكت قولى عايزه ايه
-عايزه مصاصة وايس كريم وشويه شيكولاتات كده وانت وزوقك بقى
وانا وزوقى ايه ،دا فاضل ساعه والفجر يأذن
-شوف شوف طلعت مش بتحبنى اهو ،انا قولت من الأول انك بتضحك عليا وان جو الحب دا مش تمام
ياعينى عليكى يا لوزه وانتٍ مفيش حد بيعبرك ولا بيحبك و.....
بسسسسسس بسسسسسس انتٍ هتندبى ،وايه علاقه الحب يا ست هانم دلوقتي بالحاجات دى ولا هى هرمونات وخلاص
-مليش فيه عايزه دلوقتي ،لو بتحبنى هتنزل بدل ما انا انزل انا
تنزلى فين ياختى ،ما تتهدى كده وتعقلى كلامك
هنزل اجيب حاضر بس هتاخديهم ازاى
-هى الدبله مش عامله شغل معاك ولا ايه
لا عامله يا لمضه هانم بس هخبط على بيتكوا دلوقتي ازاى
-هنزلك السبت اللى فى البلكونه
اول ما ارن عليكى نزليه

أحمد
أحمد
ايه تانى ،مصاصه وجبت ،شيكولاته وجبت ،ايس كريم وشيبسى ،خاطب طفله انا
-أحمد انت بتتعصب عليا
مين دا ،لا طبعا يا ست البنات هو انا اقدر
ها قولى فيه ايه ،انا عارف انها ليله مش فايته
- دا انا ملاك يا بنى ،مش مقدر النعمه اللى معاك
طبعا يا حبيبى طبعا ملااااك اوى
-عايزه اروح الملاهى يا أحمد دلوقتي
نعم !!! اللى هو ازاى يعنى
_طب خلاص مش عايزه هقولك حاجه تانيه
اشجينى ياختى قولى
_خلاص بقى دا موضوع مهم جدا وهتكلم بجد خلاص
ياريت والله ياختى علشان الليله تعدى
_عايزه اسافر المالديف
.......
أحمد
احمد ،أحمد انت روحت فين
#بقلم_أميمة_شوقى_عوض