أحضان من حجر

- غَش -

أحضان من حجر
قصة حقيقية
الكاتِبة آرام بـرو Aram_Pro

حسابي أنستا aram_pro1
.
.
.

- ديالى ليلاً -

بعد يوم كامل خلصناه بالسـيارة وگفنه بالمكان
المنشود أخيرًا و جان عِبارة عن مشروع مدرسة
مُتلكئ فتحت الباب ودفعته نازلة لكن أيد صفين
أستوقفتنـي:- أنتظري نازل ويـاج .

- خليك أنتَ رايحة وحدي ما أريدها تحس
بِشيء .

سمعت همس عَون الغاضب عبر السماعة الموصلة
بأذني:- أيـاج بيرين أيــااج أمشي على حسب
ما وصيتج .

تجاهلته وباوعت لَصفين بِنظرات مُتعبة راجية
عَلهُ يلبينـي لكن هزة رأسه الرافضة بينت لي
مدى إصراره بِدخلته وياي ، نزعت السماعات
وأني على حافة الإنهيار وبِنبرة حادة مهزوزة
گُتله:- ثِق بيـه صَفين ما راح يصير شيء أني
بس أريد أحجي وياها لآخر مرة  .

بلع ريگه والتردد تارس وجهة فجأةً مد أيده
للصندوگ سحب منه مُسدس وخلاه
بأيدي:- خليه وياج إحتمال تحتاجينـه .

باوعت للمُسدس بِنظرات خاوية قبل لا أرفع
رأسي مُبتسمة بِوجهة:- أختي اللي جوه مو
بِحاجة سلاح صفين .

رجعته اله وأبتعدت سادة باب السيارة أمشي
صوب المكان اللي هي بيـه بِخطوات ثگيلة
حاسه روحي معلگة بشعرة دخلت الممرات يا
دوب أشوف مَسلكي وصلت لِنهايـة المرر

وإذا بِساحة تودي على عِدة أماكن مُختلفة منها
صفوف دراسية ، لكن اللي جذب أنتـباهي
هو درج ينزل لإدارة المدرسة أو شيء من هالقبيل
لانو جانت نقطة النـِهاية ينبعث من داخلها ضوء

أكيد هي هنـاك أخذت نفس عميق ونزلت الها
بِنظرات تمشط كُل شيء تحط عليه وبِحين ما
حطت أيدي عالباب سمعت صوت رجولي قريب
من المكان فورًا فتحت الباب و دخلت سادته بِحذر

وهنا جانت الصدمة لمحت مجموعة أطفال
أعمارهم تتراوح بين 10 سنوات إلى 15 سنة
واگفين بِزاوية وحدة والخوف واضح بِعيونهم
همست بِصوت ناصي وأني أتقدم لَواحد منهم
جان صبي وأگف بالمُقدمة بِزي مدرسي وعيونه
الخضرة تتأملني بِتوجس:- لا تخافون ما جاية
أضر أحد منكم .

فتحت قيد أديه و أمرته بِذات النبرة:- يلا
لَشوف ساعد الباقين وياي بدون ماتصدرون
ضجة .

حرك رأسه بِعجل و راح يفتح أديهم المُقيدة
واحد واحد واغلبـهم تساعدوا بينهم و لاحظت
أنو البنات جانن مرعوبـات حد الموت

فجأةً أنفتح البـاب مجمد الكُل مكانهم و أنا
بِدوري أبتسمت مُلتفتة على عطرهـا بينما
هي ملامحهـا جانت ميتـة حتى إني
أستصعبت وصفهـا .

سدت البـاب و تقدمت مني:- يا الله عالإصرار
والمُجازفة اللي عندك .

- حتى لهجتج ولكنة كلامج طلعوا بعاد عن
لهجتنا الجنوبية ومع ذلك مثلتي عالكُل إنج
محافظة عليـهم ما تحسين إنج مُقززة باربرا ؟