اكتمل حلمي بك

لم تكُن البدايه فقط

آدم فين يِجيلي حالًا ، إحنا عندنا ظابط مُختفي و لازم نِجيبُه ، ده مش أي ظابط ده مِن أكفَأ إلّي هنا ، لازم نشوف شغلنا إحنا مبنلعبش

قالها اللواء بعصبية و أردف مجددًا : تِجيبلي آدم حالًا

- حاضر يافندم
و خرج الضابط ليبحث عن آدم

_______________________

" و أنا قولتهالك من أولها أنا أي حاجة ليك هعملها "

إنطفئت الأغنية بسبب إتصالٍ على الهاتف

- أنتَ بتغنّي ؟ ، ده أنتَ هيتنكد عليك

- أبو الفصلان إيه يا عم عايز إيه ، خلاص جاي محصلش حاجة أنا في الطريق ، يا عم متخافش سلام..

ده إلّي يبقى معاه ظابط بشكل ده ميعرفش يتمزّج شوية ! .. يزفر بضيق ويكمل طريقه لمقر عمله

_________________________

يا بنتي وحياة أمك هنعمل حادثة مش عاوزة أموت

منة : بسيل لو سمحتِ ثِقي فيا متخافيش هنروح من غير أي خَربو..
لم تُكمل كلمتها و اصطدمت في سيارة أخرى

صرخت بسيل بهلع : يالهوي هنروح في داهية مش من غير خربوش بسببك يخرب بيت إلّي يمشي وراكِ

ترجلت بسيل من السيارة بغرض الإعتذار لصاحب السيارة الأخرى
بسيل بعتذار : أنا آسفة والله يافندم شوف حضرتك عايز اي ونعملو وي تعويض

- طالما مامبعترفوش تِسوقوا بتركبوا عربيات ليه ، يا سِتّي هاتي سواق أو اركبي تاكسي بس متبهدليش الناس كده !

منة : حيلَك حيلَك يا جدع أنتَ ، الولِية نزلت تعتذرلك عاوز إيه تاني ، تعتذر للعربية يعني
تركته منة و ذهبت تجاه السيارة و قالت : إحنا آسفين يا عربية ، أنا نوتي سوري متزعليش ، إيه حلو كده ؟

- بقولك إيه إنتِ واحدة مش محترمة و ربنا لَأحبِسكم و هعمل فيكم محضر و هتشوفوا

بسيل : بقولك إيه يا عم أنتَ أنا ساكتة و عمّالة أقول معاك حق بس أنا مجنونة متخلّينيش أتغابى عليك ، متوجعش دماغنا خلاص هنصلّحلك الزفتة

- و ربنا لَأحبسكم أنتوا الأتنين

بسيل بهدوء لا تريد ان يصل الحال لهنا: حقك علينا تاني بس شوف تعويض الي انت عايزه وهنعمله بس متوصلش للحبس

الرجل بغضب: لا بقا هتوصل للحبس وتعويض هاخد متقلقيش بس عشان تتعلمه الادب

نظرت له بسيل بغضب و قالت : حبس بحبس بقا يبقا نعمل جريمه ابقا مرضيه بيها وتحبس بضمير ،،نظرة لمنه واردفت بغيظ'منة ، اقلعي الجزمة دي

منة بتعجب : اقلعها ليه

صرخت بسيل : اقلعيها يا زفتة

شرعت منة في تنفيذ ما قالته بسيل و اعطتها الحِذاء ، فأخذتها بسيل و هشمت بها على رأس ذلك الشخص