السلام عليكم
*********
# بقلم / الكاتبه / سانسا
*****************
سيلا،،،،شنو يعني مافهمت
احمد،،،،سيلا هيه الوالد الله اخذ أمانته
سيلا،،،،يعني بابا مات
احمد،،،،،اي
سيلا،،،،جريت نفس وكلت بس بابا ميعوفني اني وماما
وين انروح من بعده منو النه احنه لا عيني بابا ميعوفنه
والله وكمت وكف ويايا ومشيت بس كمش أيدي ما أعرف ليش حسيت أيده حاره نار وترجف وانداريت عليه وكتله اريد اشوف بابا حباب
احمد،،،،ماشي بس يكملون أجرائات ووعد اخليج اتشوفينه
سيلا،،،،ماما وينها
احمد،،،،محمد راح يجيبها
سيلا،،،،ما اعرف ليش مابجيت احس ادموعي امحجرات مايقبلن ينزلن ما اعرف ليش يمكن لان ما صدكت بل خبر لان بابا وعدني مايعوفني ابد واجتي ماما ومحمد وكعدت ماما عل مصطبات بل ممر ورحت يمها بس لدموع تنزل وعاضه علئ شفتها وكعدت يمها وكتلها ماما اشبيج وينه بابا ليش تبجين وانهارت بل بجي ماما بس بدون اعياط بس كلام ناصي
ماما،،،،حبيبتي بابا هاهيه الله اخذ امانته خلي يرتاح شبع من الضيم والقهر من اخوانه
سيلا،،،لا ماما بابا مايعوفنه
ماما،،،،الله يعوضه الجنه
سيلا،،،،ماما بابا جان مابي شي ليش من اجمي عمامي اتئزمت حالته يعني ابسببهم هيج صار ابابا بس والله ما اطلع سيلا بنت ابويه اني اعرف اشلون اتصرق وياهم
بعد منا وهيج
ماما،،،سيلا اشبيج ماما
سيلا،،،،مابيه شي اباوع عليهم محمد واحمد مخبوصين وماما تبجي ما اعرف ليش مابجيت ابوقتها بس احس ابصدري متضايق ومخنوكه كلش وره اشويه اجتي خاله ام احمد كعدت يم ماما وكامت تبجي بس اني مانزلت ولا دمعه واجه احمد يم ماما
احمد،،،،ام سيلا اني اتصلت بخوان ابو سيلا هسه علئ جيه كالو وصلنه المستشفه
سيلا،،،رفعت راسي واشوف سرير طلعو من الردهه واخذو ومشو احمد راح وياهم وره اشويه اجه احمد وكال
احمد،،،،سيلا تردين اتودعين ابوج تعالي ويايا
سيلا،،،كمت وماما كالت
ماما،،،،ام احمد روحي وياها
سيلا،،،،مشيت وياا وصلنه غرفه الاموات وكتله ليش حاطين بابا اهنا
احمد،،،سيلا انتي مستوعبه شنو ديصير
سيلا،،،،هااا لا لا شنو وحسيت دفو علئ أيدي دنكت وشفت أيد احمد وعصرها بيدي وسحبني وياا
وطبيت للغرفه وأشر الواحد وفتح الثلاجه وطلع جثه وامغطيها وسحبني وصلت يمه
احمد،،،سيلا صيري قويه هذا امر الله مانكدر نعترض
علئ شي سيلا مو اتريدين اتودعينه هذا ابوج
النايم اهنا
سيلا،،،انته شنو كاعد تحجي ووخرت الجرجف
الابيض وحتئ ماخفت ابوقتها من الجثث حواليه وانصدمت وميزت هذي ملامح بابا وحتئ وجها
ابيض وشفايفه بيض ونايم اتلمست خده وباوعت
علئ احمد ورجعت باوعت علئ بابا استوعبت
الموقف وحسيت شي خنكني وصدري بل كوه
اجر النفس اريد اطلع عبرتي وجان اعيط عيطه
يمكن حتئ الموته رادو يكعدون من كد عبرتي
الخنكتني وصحت بابا لااااااا الله يخليك لا
اتعوفني الله يخليك بابا كوم وحسيت احد
سحبني من بابا واني نايمه علئ صدره حتئ
ماخفت ابذاك الوقت من الموته وابوس بي
بس حسيت جسمه ثلج وسحبني احمد خله
راسي علئ صدره وكامش اكتوفي وأيده
الثانيه علئ راسي وكال
احمد،،،،هاهيه رجعه
سيلا،،،،ومشه بيه طلعنه من الغرفه ومشينه الممر وخرني من صدره وكادني ومشيت حسيت نسيت روحي بل غرفه الموته ومشيت بدون روح وقبل ما إوصل ماما وخاله ام احمد شفت عمامي اثنينهم وصلو يمنه وكالو وين ابوسيلا شنو هذا الخبر وجاوبته ليش هوه بابا يهمك لو يهمك جان من اجيتو علينه وطلعتو ماخليتو يعصب واتئزمت حالته وابسببكم بابا مات
شنو حجيتو وياا وخليتو هيج يصير بي شنو من بشر انتو وحسيت عمو صار نار وسع عيونه واتقدم ورفع ايده راد يضربني وحسيت احد سحبني وراه وصرت وره ضهره وسمعته كال
احمد،،،،عمي بله زحمه بدون تخلف انته تعرف حاله لبنيه من الصدمه متعرف تحجي ميصير هذا التصرف يطلع منك هيه ابيا حال وانته اتزيدها عليها وهسه البقيه ابحياتكم واني كملت لجرائات وشهادت الوفاة نكدر ناخذه
سيلا،،،،وكال عمي الفاتحه ابيتي اتصير اني اخو الجبير
وكلتله ترئ بابا عنده بيت وطلع منه والفاتحه ابيت بابا ماريد بابا يطلع من بيتك لان عنده بيت ومن اشوكت اعترفت ابئخوك
احمد،،،،سيلا ميصير هيج تحجين
سيلا،،،،احمد من سحبني كامش أيدي ماعافها ويعصر بيها واني وره ضهره
احمد،،،،محمد اخذ سيلا وامها وامي للبيت هسه نجي وراكم اجيب عمي ابو سيلا يطلع من بيته
سيلا،،،،عمامي ماحجو شي لان خافو يصرفون شي واخذنه محمد للبيت وطبينه علك البجي ماما وخاله وكمت ابجي وياهم ومر وقت وجوارينه هم اجني ومشه الوقت ما أجمي وخابرت خاله ام احمد وكاللها راح انودي للجامع يبات بل جامع وكتلها خاله انطيني استاذ احمد وكتله استاذ الله يخليك لتودي لجامع خلي يبات يمنه اخر مره
احمد،،،،موزين عليج سيلا ميصير
سيلا،،،،الله يخليك استاذ بس هل مره يبات ابيته حباب استاذ وكمت ابجي
احمد،،،،ماشي هاهيه اكمل اجرائات لمغيسل واجيبه
سيلا،،،،وراح وضلينه نبجي واجني نسوان عمامي وبناتهم واولاد عمامي واهل ماما امسافرين وكرايب ماما بعيدين
ومشه الوقت واجمي جابو بابا وطلعت اتلاكاه عبالي مثل كل مره من يجي من الشغل اتلكاه بس هل مره شايلينه بل تابوت واحمد ومحمد بل مقدمه شايلينه وولد عمامي وراهم ويكبرون لا اله الا الله ودخلو بل استقبال وكال عمي بدون صوت ونعي ماكو وطلعو وطبت ماما للاستقبال لان مايصير علمود العده وبقينه بس النسوان يبجن واني كعدت يم التابو وحضنته وماما هم وكعدت ام احمد ونبجي بدون صوت عالي ومر هذا اليوم من اصعد الايام ابحياتي ما اتوقعت افتقد بابا ابيوم وراحن جوارينه وبقن بس كرايبنه وام احمد باتت يمنه ونامن النسوان واني وماما مانمنه بقينه حاضنين التابوت للصبح نبجي وصارت حركه بل بيت صبحت الدنيا واجمي عمامي والولد وكرايبنه وكالو ناخذه ندفنه رفعت راسي وماما كالت
ماما،،،سيلا ابوج وصاني من يشيلون تابوتي ماريد احد يعيط ولابجي ولالطم ولاغير شي لان يتئذه الميت بس ابجي ابصوت ناصي يابنتي صح صعبه بس هاي وصيت ابوج
سيلا،،،،ماشي ماما بس خلي اشوفه اخر مره حبابه كوليلهم ماما كوليلهم اريد اشوفه ورادو يطبون وكامت ماما علئ صفحه ميصير واجه عمو وكتله خلي اشوفه ماقبل واتوسلت بي وماقبل اجه استاذ احمد ديشيله وكتله استاذ خليني اخر مره اشوفه الله يخليك
احمد،،،،،ماشي ابسرعه لان الدفنه تنتضر بره
سيلا،،،،وكشف التابوت وطلعو كلهم علمود ماما
وشفته وجها أبيض واجتي ماما باسته من راسه
ماما،،،،بعد روحي امحلل دنيا وأخره يروحي اشلون
كلبك انطاك وعفتنه
سيلا،،،،وبسته احبك اهوايه همست يمه أذنه مراح اخليهم يرتاحون ابحياتهم وما احقق اليردونه لان ماخلوك يوم واحد ترتاح وعد مني الك ومراح انساك احبك بابا وسمعت صوت بره يصيحون يله وكامت ماما علئ صفحه
واجمي ولد عمي واحمد ومحمد وسدو التابوت وشالو وصاحو لااله الا الله وكلنه رددنه وياهم لا اله الا الله صوت التكبيرات قشعرت جسمي وطلعو الزلم
وراحو بقينه بس النسوان وماما مطيه افلوس الام احمد وكالت هاي افلوس ابو سيلا امجمعهن وكال افلوس فاتحتي وخلي يتسوكون بيهن الولد وفاتحته ابيته
واجمي العالم وصارت فاتحته علئ حسب الأصول واتجنبت عمامي وكلامهم الخاطر بابا بس خل تخلص الفاتحه ومشت الايام وخلصت الفاتحه ثلاث ايام وقلت العالم وعافونه عمامي ونسوانهم بقت بس جوارينه يروحن ويجن وام احمد ماتركتنه أبد حتئ المسواك البيت هيه تسوك واتجيبه ماما متطلع وماما تنطيها افلوس واجتي السبعه وسويناله ختمه وثواب وخلصت ومشه أيام كئابه كلش وحسينه ابفراغ واشتاقينه البابه ونتذكر كعدته وكلامه وشقاه ومرت الايام مثل المرار وصار لازم اداوم وكعدت الصبح بدلت ولبست أسود وسمعت هورن وطلعت وصعدت وسلمت صباح الخير استاذ
احمد،،،صباح النور اشلونج شخبارج
سيلا،،،الحمد الله وصار هدوئ لحد ماوصلنه وبلشنه محاضرات بس اختلف كلشي بيه صرت هادئه ما اشارك مو قصت كسل لا حافضه بس ما احب اشارك بس بل امتحان اجاوب ونبهني استاذ احمد ميصير هيج
راح اخسر هاي السنه وذكرني ابحلم بابا وجريت نفس ورجعت قوتي علمود بابا ماأريد اخذله لان دائمآ يكول اريد ارفع راسي بيج وشديت نفسي للدراسه اقوه من قبل ودائمآ استاذ احمد يوصلني ومن ارجع يكولي محتاجين شي واتشكر منه وصارت الاربعين مال بابا وماما ماراحت ولا اني ماما كالت اخلص العده واروح حتئ اني مارحت بس كل خميس انسوي ثواب ومشت الايام والاشهر واني ذبيت جهدي عل دراسه وماما خلصت العده وقررنه انروح انزور بابا وماما انطت خبر الام احمد ماما ووافقت اتروح ويانا وكالت احمد يودينه
وحضرنه نفسنه وكعدنه وطلعنه من الفجر اني وماما وام احمد كعدنه ليوره ومحمد بل صدر واحمد يسوق
وطريق كله امشغلين قرأن ووصلنه ونزلنه نمشي وشفت قبر بابا حسيت رجعت ايام الفاتحه كمنه نبجي اني وماما وام احمد بس ابصوت ناصي واحمد ومحمد ينضفون القبر ورشو مي ورد وكملو وكملنه وودعنه بابا ورجعنه ومشينه الطريق وحسيت نفسي دايخه ولعبانه نفسي ماكلت بس بعد ما اتحمل وكلت ماما حبابا راح ادوخ نفسي لعبت
ماما،،،،يمه بنتي دائمآ تتعبين من الطريق ليش ما اكلتي شي
سيلا،،،ماأريد عفيه ماما نفسي تلعب خل انزل حباب استاذ ووكف السياره ورأستان فتحت الباب و نزلت
الدنيه تفتر بيه ماصيطرت علئ نفسي دايخه جسمي ارتخه واذاني اتوشوش وجسمي يعرك ويبرد حسيت احد كمشتي أمنت علئ نفسي اخاف أوكع اريد اكعد عل رصيف واستحل الضلام عيوني حسيت علئ مي علئ وجهي وصوت هوسه وجسمي يئذيني ووشه ابئذني ويضربون بيه راشديات وصوت
ماما،،،، سيلا ماما سيلا اتسمعيني يمه أبنيتي
سيلا،،،،وسمعت صوت ميزته
احمد،،،،،سيلا شو اصحي فتحي عيونج محمد جيب اكو عطر بل سياره
سيلا،،،،ويرجع يضرب علئ خدي ومي بللني
محمد،،،هاك
سيلا،،، وشميت عطر حاط ايده قريب علئ خشمي وره اشويه فتحت عيوني بس لساني ثكيل وفاهي وبعدني دايخه وكلت أمممم ماما تعبانه وحسيت نفسي ابحضن ماما وشفت استاذ احمد ومحمد مقابيلي ونضراته خوفتني عاكد النونه واحمد انطاني مي شربت اشويه وغسلت وجهي وارتاحيت وكتلهم صرت زينه وكومتني ماما وخاله ونفضت ملابسي الصايه وصعدنه السياره وماما حطت راسي علئ صدرها واسمعها تقراء ايات
وغمضت عيوني حسيت ارتخيت ووكفت السياره ورفعت راسي هذا مو بيتنه
احمد،،،يله انزلو حتئ ناكل
ماما،،،،تسلم متقصر بس مايحتاج والله
احمد،،،لا خاله ميصير اقلها علمود سيلا شوفيها اشلون صارت وجها ليمونه
سيلا،،،اني ماريد
احمد،،، اي مو هيه ابكيفج يله انزلو
سيلا،،،،ونزلو كلهم ومشو ونزلت علئ كيفي ومشيت وسمعت واحد يحجي من بين اسنانه وانداريت علئ صدئ الصوت
محمد،،، عدلي شالج شعرج طالع لاهسه احرك عشيرتج
سيلا،،، عافني وراح ودخلت للمطعم وكعدت واباوع لمحمد عاكد النونه عكس استاذ احمد وطلبنه كباب ونزلو المقبلات والكباب والمشروبات واكلت صمونه وحدهي وبيبسي شبعت ما اريد اثكل علئ معتي وكملنه كلنه واحمد دفع لحساب وطلعنه وصعدنه السياره ومشينه الطريق ووصلنه البيت ونزلت وطبيت قبل ماما عفتها تشكر منهم ورحت سبحت وطلعت مددت عل جربابه وحسيت تعب الدنيا علئ ضهري واخذتني النومه وحسيت علئ دكت الموبايل ماشفت منو وفتحت خط ابصوت نعسان الو
احمد،،، شنو نايمه لحد الان
سيلا،،، منو حضرتك
احمد،،،، استاذ احمد
سيلا،،، هاااا العفو استاذ ماعرفتك
احمد،،،،عادي النوم امئثر عليج تعرفين هسه شنو وبيش الساعه
سيلا،،،،لا ما اعرف بس الغرفه ضلمه
احمد،،،،الدنيا المغرب
سيلا،،،،ياااا عزااا
احمد،،،،اشلون صرتي بالي يمج
سيلا،،،،الحمد الله زينه
احمد،،،،دوم ان شاء الله
سيلا،،،شكرآ الك
احمد،،،،يله كومي لتنامين هيج وقت موزين يله باي
سيلا،،،باي ومشت الاياموبين الدوام والبيت وعمامي علئ طول يجون بس يغثونه ويروحون وكعدت الصبح اتحضرت وكملت نزلت وكفت بل باب واجه استاذ احمد صعدت صبحت ومشت السياره ووصلنه للكليه بين المحاضرات وبين عيون ناس حاقده متخاف الله
مشيت وسمعت وحده اتكول شفتيها علطول تجي وياا واتروح وياا واتكول ماعندي شي
واني اتخبلت عفتها ماحجيت وياها شي وطلعت وكفت يم باب الكليه واجه استاذ احمد وصعدت وياا وكتله
استاذ لتمر عليه باجر اريد اسجل ابخط ماريد اتعبك ويايا احسك حتئ لو عندك شغل اتعوفه بحيث اتوصلني
أحمد،،،،أسف ما اكدر اعوفج وحدج ترحين لان ابوج قبل ليتوفه وصاني ماأعوفج واضل اوصلج لدوام ابطريقي لان نفس الكليه فتعذريني ما اكدر أخليج تروحين وحدج
سيلا،،،ماشي استاذ بس اريدك قبل لنوصل للكليه انزل وانته روح كمل طريقك
أحمد،،،،ليش شكو
سيلا،،، لاماكو شي بس هيج احسن ألنه
أحمد،،،،صاير شي أحد امضايقج ابكلام احجي حتئ أكدر اوكفهم عند حدهم
أنت تقرأ
أبحث عنك في روحي
Randomهل تصدق لو أخبرتك بأنني لو ملكت العالم أجمع بكفه وأنته في ألكفه ألأخرئ هل تصدق بأنني سأبيع العالم وأختارك انت أنت الحظ ألوحيد الذي حالفني في هذا ألحياة أنت وحدك من تجدني حتئ قبل أن ابحث عنك من تشعر بي قبل أن أتحدث أنت وحيد قلبي ألذي مازال حتئ...
