السلام عليكم
*********
#بقلم/ الكاتبه/ سانسا
***************
سيلا،،،،كمت من السكملي وشفت احمد صافن عليه وكتله يله استاذ وانتبه وكام لم غراضه وصلت قريب عل باب وصاح سيلا وكفت واتقرب يمي بقه يركز علي وكتله شنو وخفت من تركيزه واتقرب اكثر رجعت عل حايط يم الباب ولزمت الحايط وگلبي يدك سريع
احمد،،،سيلا
سيلا،،،،امممم دنكت راسي وعاصره أيدي حيل
احمد،،،،سيلا رفعي راسج خل أشوف
سيلا،،،،،رفعت راسي وركزت بعيونه
احمد،،،،اكولج شي
سيلا،،،بللت شفايفي وكتله اي كول
احمد،،،،الصار يضل بينه
سيلا،،،،مثل شنو
احمد،،،الموقف الصارلج يضل بينه وأمج لتخلينها تاكل همج بعد متئمن اتخاف عليج
سيلا،،،،بس اني ما أضم شي علئ ماما
احمد،،،،حتئ لو موضروري تعرف
سيلا،،،،اممم أحاول واتقرب اكثر وكال
احمد،،،،وشغله ثانيه
سيلا،،،،ابصوت ضعيف كتله شنو
احمد،،،،،امممم أحبج
سيلا،،،،أبلحضتها انثولت ما اعرف شنو اجاوب انصدمت من كلمته وكتله هااا
احمد،،،،أحبج
سيلا،،،،،حسيت گلبي يريد يطلع من بكانه دنكت راسي وعضيت شفتي وكتله امممم
احمد،،،،،امممم شنو اكولج احبج
سيلا،،،شكرآ
احمد،،،،العفو عيني احنه بل خدمه ولج شنو شكرآ قابل اني مندوب خدمه توصيل يولي داكولج احبك
سيلا،،،،اي اعرف انته مو مندوب
احمد،،،،لعد شنو اني
سيلا،،،،انته استاذ احمد
احمد،،،،الحمد الله والشكر همزين تعرفيني
سيلا،،،امممم
احمد،،،،شو رفعي راسج خل اشوف
سيلا،،،رفعت راسي
احمد،،،،هذني أخدود لو كرز صايرات ليش هيج صارن حمر
سيلا،،،،ما اعرف
احمد ،،،،،ليش هيج شفتج
سيلا،،،،شنو اشبيها ورفعت ايدي اريد اتلمس شفايفي
ولزم ايدي واتلمس شفايفي بصبعه وكمت ارجف من تصرفه وخليت أيدي علئ ايده اريد اسحب ايده مارضه
احمد،،،،ليش هيج شفتج امورمه وحمره بيها شك
سيلا،،ما اعرف ومسحها ابطرف اصبعه ودنكت راسي وكتله اريد اروح علئ ماما وحس علئ تصرفه
احمد،،،،احممم اممم يله
سيلا،،،،ورجع لمكتبه اخذ غراضه وبعدني ابكاني ماطلعت وكال
احمد،،،،يله خل نطلع لو متردين اتروحين حتئ هم اضوك الكرز
سيلا،،،هااا لا اروح هسه ماما ضل بالها عليه وردت اطلع
صاحلي
احمد،،،سيلا
سيلا،،،،انداريت عليه وكتله ها
احمد،،،،كلشي الصار يبقه بينه ماشي
سيلا،،،،اي ماشي
احمد،،،،لان حجي الناس مترحم واتزيد كلمات
سيلا،،،،مافهمت شنو يقصد وكتله اي ماشي
احمد،،،،يله لعد نطلع
سيلا،،،،وطلعنه مشينه بس بطني انئذيني ومشيت وصلنه السياره وصعدت وره وسديت الباب
احمد،،،، بيج شي
سيلا،،،لا
احمد،،،لعد ليش تمشين ابتعب
سيلا،،،هااا مو دتئذيني بطني
احمد،،،لعد انروح للمستشفئ
سيلا،،،،لا ماريد اروح
احمد،،،ابكيفج بس علمود نتطمئن
سيلا،،،لا ماروح
احمد،،،ماشي
سيلا،،،،ومشينه الطريق وكل اشويه ينتبهلي من لمرايه الأماميه ويركز عليه ولحد ماوصلنه البيت وكف وكتله شكرآ الك تعبتك
احمد،،،،سيلا تعبج راحه بس بطلي رسمياات اني خطيبج
سيلا،، اممم
احمد،،،،سلميلي عل والده
سيلا،،،يوصل باي
احمد،،،،باي
سيلا،،،ونزلت ودخلت للبيت ولكيت ماما تنتضرني وسلمت وسئلت علئ تئخيري
ماما،،،،ليش اتئخرتي اليوم كلش
سيلا،،،،ماما محاضرات وكذا
ماما،،،، والموبايل ليش مغلق
سيلا،،،،أول مره اكذب علئ ماما اطريت علمود مي ضل بالها عليه اختنكت الكلامي انقهرت عل موبايل وجاوبتها ماما وكع مني والشاشه اتفطرت ماما هذا ذكرئ من بابا
ماما،،،،اجيبلج غيره
سيلا،،،،ماما اني مو عل موبايل بس لان من بابا
ماما،،،،لعد غير تنتبهين
سيلا،،، ما اعرف
ماما،،،يله بدلي واتغدي اني ما اشتهي اكلي انتي
سيلا،، ماشي وصعدت للغرفه وسبحت وبدلت ونزلت اتغده وكملت وصعدت للغرفه مددت عل سرير ورجع تفكيري ب استاذ احمد وتصرفه العصبي والصار ويايا ومن لكاني حسيت ابخوفه عليه وانوب يكولي احبج ما اعرف صارت خربطه عنده بل تفكير وماحسيت غير بس علئ ماما من كعدتني
ماما،،،،ولج كومي ماما صارت لغروب موزين عليج
سيلا،،،،اي ماما كعدت بس والله تعبانه ونعسانه
ماما،،،،ميخالف بنتي كعدي ميصير بس نايمه موزين
سيلا،،،،ماشي يروحي كعدت
ماما،،،،ربي يخليج حبيبتي
سيلا،،،،كمت من السرير وبست ماما ودخلت للحمام غسلت وبدلت وطلعت يم ماما كاعده اريد احضر واجبي بس ما اعرف شنو واذا اتصل علئ استاذ احمد موبايلي مكسور اشلون اذا اكول الماما اريد اتصل علئ احمد علمود الواجب راح اتكول مو داومتي ويدخل الشك بل موضوع واخر شي كلت باجر اعتذر من الاستاذ اكوله ماداومت البارحه وما اعرف شنو تحضيرنه واخذتني الصفنه ولحد ما حسيت علئ ماما
ماما،،،سيلا هاج الموبايل احمد يريد يحجي وياج
سيلا،،،،هااا
ماما،،،احمد عل خط
سيلا،،،هااا اي وجاوبت ابصوت خفيف نعم استاذ
احمد،،،،هلو سيلا شخبارج اشلون صرتي بعدهي بطنج
اتئذيج
سيلا،،،لازينه الحمد الله
احمد،،،،اي اشدسوين
سيلا،،،كاعده ماعندي شي
احمد،،،،ماحضرتي واجبج
سيلا،،،هااا لا مو ما اعرف شنو أحضر
احمد،،،امممم ماشي هو اني اتصلت علمود هذا الموضوع
سيلا،،،،اممم وردلي التحضيرات لان ماخذهن من اصدقائه الاساتذه وكلي
احمد،،،باجر تحضير مهم ابدرسي شدي حيلج
سيلا،،،اممم ماشي شكرآ ألك أستاذ تعبتك
احمد،،،العفو تعبج راحه لو بس اتبطلين فهاوه وكافي مصايب
سيلا،،،شنو قصدك هسه اني صرت مصيبه ألك
احمد،،،،،، وأحلئ مصيبه والله
سيلا،،،،شنو يعني شنو مافهمت قصدك
احمد،،،، موهسه افهمج بعدين بل مستقبل
سيلا،،،،اي
احمد،،،،،يله هسه روحي كملي تحضيراتج باجر كلش مهم
سيلا،،،،ماشي
احمد،،،،تصبحين علئ خير
سيلا،،،،وانته من أهل الخير وسد الموبايل وانطيته الماما ورحت الغرفتي طلعت كتبي ونزلت جوه يم ماما خطيه وحدهي وبلشت احضر المواد واخر شي استلمت تحضير احمد اقره وما افتهم للموضوع يادوب فهمت اشويه وصار وقت العشه رحت سويت بورك وبتيته وكملت صبيت اتعشينه وغسلت المواعين وكملت
اريد اترس الدبه مال براد الفلتر طلع عاطل اسوي بي ماكو وصحت الماما
ماما،،،، هسه اروح اجيب مي من ابو التصفيه
سيلا،،،،،وكتلها لا ماما اخاف ابقه وحدي
ماما،،،لعد خل انمشي أمرنه منا الباجر خل اشوف بيت ام احمد خل اتصل عليها اتمشينه بس اليوم
سيلا،،،،خاف عيب
ماما،،،،لا ماكو عيب
سيلا،،،،راحت اتصلت علئ خاله وكالتلها عدنه دبه زايده هسه ادز الولد يجيبوها ألج
ماما،،،،مشكوره خيتي
سيلا،،،،وره اشويه اندكت الباب وطلعت ماما وشفت احمد ورحت لبست جادر الصلاه ولكيته يشكل الدبه بل تصفيه وسلمت عليه هلو استاذ
احمد،،،،حممم هلو شخبارج
سيلا،،،،الحمد الله
احمد،،،،خاله انطيني العده خل اشوف شنو السبب مايشتغل التصفيه مالتكم
سيلا،،،راحت ماما جابت العده بقه يفتح ويسوي بيها لحد ما خلصها
احمد،،،خاله كملتها بس خليها مشتغله حتئ تترس الخزان مالتها
ماما،،،ماشي أوليدي تعبتك ويانه
احمد،،،،شنو هذا الكلام خاله تعبج راحه
ماما،،،،سيلا صبي عشه الأحمد
سيلا،،،،ماشي
احمد،،،،تسلمين والله متعشي
ماما،،،،لعد سويله چاي
احمد،،،اذا چاي ماكول لا
ماما،،،،تعال اتفضل
سيلا،،،غسل أيده وراح للأستقبال
واني سويت الچاي ونسيت كتبي امطشره بل كاع والشخابيط بل دفتر وهوسه ورحت اشوف من الباب لكيت احمد شايل دفتري يقره ابدفتري ولطمت علئ خدي ورحت صبيت الچاي وعدنه كعك وصبيت
ورتبت الصينيه ودخلت للأستقبال وماما حطت الطبله وخليت الصينيه ورحت لميت كتبي لمطشره عبالك طاكه عبوه بل أستقبال ولميتهن بقن عل تخم يم احمد ولميت ودا اخذ الدفتر اليم احمد وهوه اخذه
احمد،،،،عوفي هذا يمي
سيلا،،،،هااا
احمد،،،،،عوفي يمي اريده
سيلا،،،ماشي اباوع علئ ماما ضامه ضحكتها ومشيت خليتهن علئ صفحه الكتب الميتهن وكعدت يم ماما
واحمد شرب الچاي وكمل وكال مشكورين عيني ان شاء الله اتصبولنه بل افراح
ماما،،،،بل عافيه عيني
سيلا،،،،كمت دا اخذ الصينيه وكال
احمد،،،،وديها وتعالي ابسرعه اريد اعرف شمخربطه شنو هاي الشخابيط
سيلا،،،،هااا مو مامفتهمه الموضوع زين
احمد،،،هاا ماشي يله وديهن وابسرعه تعالي اشرحلج اشويه
سيلا،،،صدك
احمد،،،اي صدك
سيلا،،،،وشلت الصينيه وغسلتهن وسمعت الباب تندك
وطلعت فتحته ودخلت خاله ام احمد
ام احمد،،،،اشلونج ابنيتي
سيلا،،،هلو خاله الحمد الله اتفضلي
ودخلنه جوه وسلمت علئ ماما وكعدت ورحت للمطبخ صبيتلها چاي وديته الها واحمد يباوع عليه وكال
احمد،،،يله سيلا خل اشوف شنو هاي الشخابيط
سيلا،،،،اي هسه لحضه اجيب الكتاب
احمد،،،،شنو نسيتي اني ابو الماده
سيلا،،،هااا صدك لعد اخذ الدفتر
احمد،،،لا جيبي واحد ثاني حتئ اعرف اشلون يطلع هيج جواب اشلون فسرتيها
سيلا،،،امممم ورحت اخذت دفتر ثاني وكعدت اشويه قريبه يمه وبيدي القلم وباوعت عليه وهوه كال
احمد،،،،يله ركزي ويايا زين
سيلا،،،،اي وبده يشرح الماده وكتله مافهمت وعادها مره ثانيه استوعبت نص وماما وخاله يسولفن واحمد كل اشويه يباوعلهن لان صوتهن عالي يعني يشوشن علينه
مايكدر يكول نصن صوتجن صعبه وباوعت علئ ماما ملتهيه بل سوالف
احمد،،،سيلا،،،هاي اخر مره اعيد انتبهي عليه وركزي ويايا واذانح خليها يمي مو ابذاك الصوب
سيلا،،،،يااا والله ويااك وامركزه وياك بس هنه صوتهن عالي
احمد،،،،ماشي
ماما،،،،احنه نستئذن انتو اخذو راحتكم بل تركيز
خاله،،،،اسفين علئ لزعاج
سيلا،،،لا خاله موقصدي والله ابقي كاعده اصلان خلصنه
احمد،،،،شنو خلصتي هوه انتي سؤال ماحليتي لحد الأن
سيلا،،،،دنكت راسي
خاله،،،لاابنيتي اخذو راحتكم وركزي زين
سيلا،،،،امممم وكامت ماما وخاله بقينه اني واحمد
احمد،،،،اي فهميني انتي دائمآ من تقرين هيج اطشرين كتبج عبالك صاير انفجار بل استقبال
سيلا،،،،اشكد فشله وكتله لا مو حضرت الواجبات كلهن وفاتحه الكتب واخر شي الماده مالته
احمد،،،،اي وهسه افتهمتي شي
سيلا،،،،اي يعني
احمد،،،،ولج اشتعلو لعد صارلي ساعه شنو اسوي
سيلا،،،،هااا مو بس اشويه افتهمت
احمد،،،،اخر مره اشرح وبعدين انتي اتحلين
سيلا،،،،ماشي بس علئ كيفك بل شرح حتئ استوعب
احمد،،،،ماشي
سيلا،،،،وبده يشرح ويسوي امثله واني اجاوب وياا ويحل واني صافنه عليه ولحد ما كمل
احمد،،،،هااا
سيلا،،،،افتهمت
احمد،،،هاج هذا المثال حلي بله
سيلا،،،،شنو هذا المثال احنه ماشرحنه هيج ترئ هذا صعب بس ميخالف احله مايصعب عليه شي
اني حجيت هيج شي شو هوه ضحك
احمد،،،،ههههه اي امبين من هذا دفترج كله شخابيط
سيلا،،،،غير جنت مافاهمه
احمد،،،يله علئ اساس هسه فهمتي
سيلا،،،،هسه اشوف ابعينك وبديت احل بيه بس صعب واجاوب ابصيغت شرح مثله هوه وباوعت عليه امركز عليه وحليته وانطيته وشافه
احمد،،،،عفيه عليج ممتاز
سيلا،،،طبعآ لعد اشعبالك
احمد،،،،تعرفين طالعه حلوه بل ازار
سيلا،،،،شكرآ
احمد،،،اشلون صرتي شفتج بعدهي بيها ورم خفيف
سيلا،،،زينه حطيت اشويه مرطب حتئ متبين
احمد،،،،امممم
سيلا،،،ودخلت ماما وخاله
ماما،،،خلصتو
سيلا،،،اي ماما
ماما،،،،تعبناك أوليدي
احمد،،،،لا خالتي ترئ ازعل لتحجين هيج احنه اهل
ماما،،،،تسلم يمه ربي يحفظك
احمد،،،تسلمين
ام احمد،،،،يله خيه نترخص
ماما،،،،بعد وكت خل نتعلل
احمد،،،،عل جايات
ماما،،،،ابراحتك أوليدي
احمد،،،،يله تصبحون علئ خير
ماما،،،وانته من أهله
سيلا،،،،راحو وسديت الباب ودخلنه جوه
ماما،،،،اشكد فشله من احمد شاف هيج هوسه
سيلا،،،وشي أكيد شكيتي مني الاحمد
ماما،،،،اي لعد اشلون حتئ يتعلم عليج خاف باجر عكبه من تزوجين وتدرسين يمه حتئ ماينصدم بل غرفه لان راح تتحول بس كتب وشخابيط
سيلا،،،،ماماااا ليش هيج والله عيب وتعالي ليش اتضحكين عليه
ماما،،،،اتذكرت كلام احمد وضحكت من كال احمد شنو خاله صاير انفجار يمكم مال كتب
سيلا،،،،ماشي بعد ما ادرس يمج ولا اطشر الكتب
ماما،،،لا حبيبتي اشاقه ويااج اخذي راحتج البيت بيتج هوه بس اني ويااج
سيلا،،،،،حبيبتي ماما الله يخليج أليه
ماما،،،،ومايحرمنه من بعض
سيلا،،،،امين ورحت لميت كتبي وصعدتهن فوك وحضرت ملابسي مال الدوام ونزلت جوه وكعدت يم ماما شو ضوجه انوب موبايلي انكسر ابيش الهي نفسي اخذت موبايل ماما مابي برامج مثل موبايلي بس اشويه وعفته وطلعت بره بل حديقه سكيتها وطبيت جوه وماما اتابع مسلسل كويتي ورحت سويت بوشار وكعدنه ناكل وخلصنه وكملت المسلسل نعست ماما وراحت نامت وصعدت الغرفتي نمت عل سرير واخذتني النومه وحسيت ماما اتكعدني وكعدت صبحت عليها وغسلت وبدلت لبست تنوره بڤ نيلي وقميص أبيض وشال نيلي وحذاء ابيض وساعه نيلي ومكياج ماحط طوخ بس مرطب شفه ومسكاره ونزلت واتريكت جبن وشاي وخلصت انتضر استاذ احمد وكلت الماما اذا اتئخر اتصلي علئ احمد لان موبايلي مكسور
ماما،،،،ماشي ابنيتي اليوم نطلع للسوك أجيبلج واحد جديد
سيلا،،،حبيبتي ماما وسمعت هورن وبستها وطلعت وصعدت السياره وكتله صباح الخير
احمد،،،،صباح النور
سيلا،،،حرك السياره وكال
احمد،،،،،سيلا هاج
سيلا،،،،هااا شنو وشفت بيده علاكه مال معايده اصغيره وكتله شنو هاي
احمد،،،،اخذيها وشوفيها شنو
سيلا،،،،اخذتها من أيده فتحتها واشوف كارتونه مال موبايل 12 أبرو وكتله هاي ألمن
احمد،،،،الجدي الله يرحمه يعني ألمن غير ألج
سيلا،،،،بس اني ماكتلك اريد موبايل ماما راح تشتريري اليوم
احمد،،،،سيلا،،،قابل اله اتكولين اريد
اني اشوف خطيبتي موبايلها مكسور ترديني مااجيب موبايل يله اخذي هذا هديه مني ألج البارحه جبته من طلعت من يمكم شنو اترجعين هديتي اترديني
سيلا،،،،لا موقصدي بس اني ما أحب أخذ من احد شي
احمد،،،،شنو يعني اني صرت واحد غريب
سيلا،،،،لا بس ما اكدر اخذه
احمد،،،ليش
سيلا،،،،لان غالي وماما راح تشتريلي اليوم نطلع للسوك
احمد،،،سيلا،،،مايغله عليج شي اخذي ولتحجين شي زايد
سيلا،،،أسفه بس ما اكدر أخده والله ماما متقبل وانطيته العلاكه مد أيده اخذها أبنتر وشمرها بل صدر عل كشن ووكعت العلاكه
احمد،،،ماشي سيلا اتردين هديتي
سيلا،،،موقصدي بس والله
احمد،،،،كافي سدي الموضوع
سيلا،،،حسيته صار عصبي أو زعل بعد ماحجه شي ضل ساكت لحد ماوصلنه ونزلنه ومشيت
الكاتبه:هلو حبايبي شخباركم أسفه عل تئخير
ان شاء الله راح نبدي من جديد وياكم
وشنو رئيكم بل بارت
هذي الروايه تختلف عن الباقي
لتنسون تابعوني وصوتو وعلقو
حتئ تصعد الروايه للحكايه بقيه
لتحكمون ع الروايه من بدايتها
لتنسون المتابعه والتصويت⭐ والتعليقات🌹
أنت تقرأ
أبحث عنك في روحي
Randomهل تصدق لو أخبرتك بأنني لو ملكت العالم أجمع بكفه وأنته في ألكفه ألأخرئ هل تصدق بأنني سأبيع العالم وأختارك انت أنت الحظ ألوحيد الذي حالفني في هذا ألحياة أنت وحدك من تجدني حتئ قبل أن ابحث عنك من تشعر بي قبل أن أتحدث أنت وحيد قلبي ألذي مازال حتئ...
