السلام عليكم
*********
#بقلم/ الكاتبه/ سانسا
***************
سيلا،،،،،شنو يعني هوه يحبني بس ساكت
وكتله يعني شنو مافهمت
احمد،،،،لا فهمتي كلشي بس اتريدين اعيدلج الكلام
صح مو وقته بس راح اكولج اني احبج من زمان وافكر بيج بس ماردت ابينلج هذا الشي ما اريد اشغلج ابهيج
أمور وألهيج عن دراستج بس بعد ما اكدر اضم عليج وبل أصح خايف عليج خايف من عمامج وأولادهم وخايف من عيون العالم سيلا انتي ألي ممنوع اتصيرين الغيري وصاحبت الوالد وصاني عليج اني كيفت من كال الوالد سيلا أمانه عندك واتوصلها ابدربك وانتو دربكم واحد واجتي من يمي هاي السالفه حتئ كلوميه اصبح بعيونج الماخذتني والله نيتي كلها اتقدملج بس كلت اتخلص الجامعه ونفتح هيج موضوع بس ما حسبت الوالد هيج حالته وأجلت الموضوع بس هسه بعد ما اكدر أجل اكثر سيلا صح اني اكبر منج بس هيه كم سنه مو اهوايه وانتي تعرفيني وتعرفين طبعي
ما امدح ابنفسي بس اني أريدج ألج ماأريد غيرج حتئ لو رفضتيني لتتوقعين اخذ وحده غيرج لو انتي لو مااريد واخذي راحتج بل تفكير وفكري زين بس اتمنه اترجعيلي خبر اقرب وقت هههه لان اريد جوابج بلكت اليوم اترديلي جوابج حدج منا لليل انتضرج اتراسليني واريد جواب اموافقه
سيلا،،،،ياااا حتئ ما الحك افكر
احمد،،،،دروحي بابا هوه انته محاجه اتفكرين كولي اموافقه ومعليج
سيلا،،،،ياا ابصراحه استاذ فاجئتني ابكلامك وابصراحه خايفه من كلشي من عمامي لان مراح يسكتون ومن الطلاب اذا سمعو بل موضوع راح يئكدون كلام لنكال عليه
احمد،،، من هاي الناحيه معليج بيها يمي اني اتصرف بل موضوع هذا هسه انتضرج منا لليل اتردين جواب موشلعتي الگلبي حدج لليل ما انطي مجال اكثر
سيلا،،،،فرحت بين نفسي حسيته من صدك يريدني ويحبني وحتئ نسيت معاملته قبل اشويه من عصب ونسيت الموقف كله وحسيت ابراحه من طريقت كلامه المريحه واصلن اني اموافقه عليه بس ابيع ثكل هههه
ورفعت راسي وكتله ماشي افكر اليوم وأردلك خبر
واعصر بيدي من الخجل من الموقف واعض علئ شفتي
احمد،،،،ماشي وهسه وين انروح
سيلا،،،،للبيت طبعآ
احمد،،،،اتحسين نفسج زينه
سيلا،،،اي
احمد،،، ماشي
سيلا،،،،وشغل السياره ومشينه هدوء بس اسمع نفسه ووصلنه للبيت وقبل لا انزل كال
احمد،،،،،اذا سئلتج امج كوليلها ماعدنه محاضرات واساتذه عدهم اجتماعات واحمد وصلني لان عنده ملف ناسي بلبيت ووصلني وراح
سيلا،،، ماشي استاذ
احمد،،،،،يمكن راح اموت واني ابحسرتي علئ اسمي بدون استاذ اشوكت اتكولين احمد اريد اسمعها منج
سيلا،،،،،وكلت بدون وعي لا اصمله عليك اذا متت اني وين اروح منو ألي
احمد،،،،ههههه
سيلا،،،،وحسيت علئ كلامي وشهكت وحطيت أيدي علئ حلكي
احمد،،،،،أوووف يمه يعني اعتبرها هاي جوابج
سيلا،،،،،وجهي صار احمر حسيته نار خجلت من كلامي وكتله اسفه استاذ ونزلت واسمع ضحكته ويكول اروح فدوه للخجلان وطبيت للبيت وماما اتفاجأه ابجيتي وحجيتلها الكاله احمد ورحت غسلت وبدلت ونزلت ماما اتمشطلي شعري لان اضوج منه يبزعني بل تمشيط وكملت ورتبت البيت وسويت غده ابكان ماما وكملنه
وغسلت المواعين ورحت الغرفت ماما وصمعت صوتها تبجي علئ بابا والباب اشويه مردود وشفتها كاعده عل جربايه وحاضنه دشداشت بابا البيضه وتبجي ما اتحملت الموقف ودخلت عليها وكعدت وحضنتها من
ضهرها وكامت تبجي اكثر وبجيت وياها وكتلها ماما
اني مشتاقتله البابا واتمنه هوه يمنه هوه مو وعدني مايتركنه مو كال ما ازوجج ياهو الجان انطيج وكال شروط يله اوافق عليه
ماما،،،،،حبيبتي هذا امر ربج هيج كاتبله مابيدنه شي
انسوي بس اني مشتاقتله هم مثلج هوه مو بس زوجي هوه عائلتي كلها مافد يوم سمعني احجايه اتغثني اني مافقدت بس ابوج اني فقدت ابويه وامي واخويه واختي عائلتي كلها هوه بس مابيدنه شي بس الدعاء والصبر وهسه يله كومي مو ماصدكتي حتئ تبجين
سيلا،،،،ماما اني احبج لتعوفيني
ماما،،،،ما اعوفج حبيبتي يله روحي ارتاحي واني هم اريد انام
سيلا،،،،ماشي وبستها وطلعت صعدت الغرفتي طبعآ بابا ابد ما نسينا دائمآ نتذكر مواقفه بل بيت ودائمآ اسمع ماما تبجي عليه بس ابغرفتها متريدني اشوفها
ورحت غسلت وجهي وطلعت كتبي ودرست اشويه ونعست نمت وحسيت علئ الموبايل واشوف استاذ احمد داز رساله عل وات ساب وكاتب بيها
احمد،،، بدء العد التنازلي واتمنا جوابج اسرع وقت
لان متعرفين انتي بل نسبه اليه شنو
سيلا،،،،قريتها وطلعت من المحادثه ماجاوبت شي بس بقيت افكر من كل النواحي من صالحي اهم شي قريبه علئ ماما واني بل نسبه اليه مبدئيآ اموافقه لان مراح الكه مثله بس اخاف اكول اموافقه حتئ استخاريت مرتاحه وكلت هاهيه خلئ انشوف خل أوافق لان اني معجبه بيه وابشخصيته كلش وجريت نفس وكمت غسلت ونزلت وشفت ماما كاعده بل استقبال ودتقره قرءآ وكعدت يمها بستها من راسها وسدت الكتاب الكريم وكتلها ماما اريد اكولج شي
ماما،،، كولي بنتي محتاجه شي بيج شي
سيلا،،،،لاماما سلامتج بس اني
ماما،،،شنو حبيبتي قلقتيني
سيلا،،،،ماما اني فكرت ابموضوع استاذ احمد
ماما،،،،اي وشنو جوابج
سيلا،،،،ماما اني اذا اوافق عندي شرط واذا وافق عليهن اني اموافقه
ماما،،،،اي وشنو شروطج
سيلا،،،،لا ماما ما اكول هسه لان انتي راح اتمانعين شروطي
ماما،،،،گلبي لاعب منج بس لا صدك واتسويها واتجيبينه اكعيدي
سيلا،،،،،هههه لا ماما
ماما،،،،،عبالي شوفي يمه الزواج هوه مو بس بدله وصور وذهب وطلبات كلهن هذن مايفيدنج اهم شي يمه الرجال الزين لان هوه راح يعوضج عنهن كلهن
اهم شي تشترين الرجال بل نسبه اليه واحمد هوه
قليله ابحقه كلمه كنز شوفي أدب واخلاق ورزانه ومثقف ومتفاهم وصاحب نخوه وحنون يايمه متلكين مثل مواصفاته
سيلا،،،،ماشي ماما بس اني اذا وافق علئ طلبي اني اموافقه
ماما،،،،ابراحتج لعد راح اتصل علئ ام احمد خطيه كل مكالمه تسئلني علئ جوابج وهسه اتصل واكوللها علئ طلبج وراح اخليها تجي
سيلا،،،،ماشي وانطيتها الموبايل واتصلت
ماما،،،،،السلام عليكم ام احمد شخباركم
ام احمد،،،،هله عيني الحمد الله
ماما،،،، عيني خيه بل نسبه للموضوع سيلا
ام احمد،،،،اي عيني بشريني
ماما،،،،والله ما اعرف شنو اكول بس سيلا عدها شرط اذا اتوافقون هيه اموافقه عل زواج من احمد
ام احمد،،،،شنو هذا الشرط
ماما،،،،والله ياعيني وانتي والله حاسبتج مثل خيتي والله ماقبلت اتكوله اله ابحضوركم لان اني اعرف دباير بنتي عبالها خاف امانعها
ام احمد،،،،،تدلل سيلا شتريد احنه حاضرين
ماما،،،متقصرين
ام احمد،،،، واليوم ان شاء الله نجي يمكم بليل اني واحمد
ماما،،،،هله بيكم
سيلا،،،،وسدته الخط وكالت
ماما،،،،ما اعرف شنو اكول بس ماما لتفشليني كدامهم عبالهم احنه طماعين
سيلا،،،،لا ماما موهيج من يجون تعرفين شنو هذا الشرط
ماما،،،،ماشي لعد يله كومي حضري شي من يجون شن ضيفهم
سيلا،،،،ماشي راح اسوي كيك
ماما،،،،ماشي يله ابسرعه بين متحضريهن همه جايين
سيلا،،،،اشدعوه ماما همه بليل يجون يعني وره العشه
ماما،،،،حتئ اتخلصيها من وكت
سيلا،،،،ورحت جهزت المواد وخلطت الكيكه وكملتها حطيتها بل أوڤن واستوت وكملت سويت عشه وكملنه وغسلت المواعين ورحت اتحضر طبيت سبحت وبدلت لبست كلابيه سوده وبيها شذر فضي كلش حلوه ومشطت شعري ابسرعه ولميته وحطيت ماسكاره ومرطب شفايف ولفيت الشيله زين امرتبه وطلعت كلش حلوه وحطيت عطر ونزلت
ماما،،،،اللهم صلي علئ محمد وال محمد
سيلا،،،شكرآ ماما وكعدنه اشويه وكمت اشوف الكيكه لكريم مالها كلش حلوه طلعت وحضرت مشروبات ورجعت يم ماما واتصلت خاله ام احمد وكالت راح نجيكم وماما كالتلها هله بيكم وكمت اشوف نفسي بل أمرايه واندك الجرص وطلعت ماما ودخلو
واني رحت للمطبخ واجتي ماما وكالت
ماما،،،، فوتي سلمي واطلعي قدمي مي وره اشويه قدمي الضيافه
سيلا،،،ماشي وراحت ماما ورحت وراها ودخلت للاستقبال وسلمت السلام عليكم
ام احمد،،،،هله ابنيتي عليكم السلام
احمد،،،،وعليكم السلام
سيلا،،،ورحت علئ خاله بستها وسلمت علئ استاذ احمد وكعدت اشويه وبلشو يحجون مواضيع عاديه وطلعت روح اجيب مي حتئ اقدملهم مثل ما كالت ماما واخذت قدمتلهم مي اكلاصات جاهزه انطيت الخاله
ام احمد،،،،تسلمين حبيبتي
سيلا،،،الله يسلمج ورحت قدمت الاحمد وكتله اتفضل استاذ
احمد،،،،تسلمين
سيلا،،،الله يسلمك ورحت قدمت الماما وطلعت للمطبخ وكعدت عل ميز الطعام وخايفه وافكر يرفض طلبي وخايفه من قراري اذا وافق علئ طلبي ووكلت امري الربي ومشه اشويه وقت وكمت حضرت الكيك والمشروبات جهزتهن ورحت حطيت الطبلات مقابيلهم وطلعت وجبت قدمت الخاله كيك وشربت
ام احمد،،،،فدوه يمه قبل اشويه اتعشيت ليش اتكلفين نفسج
سيلا،،،الف عافيه خاله ماكو اي كلافه ورحت علئ احمد وقدمت الكيك وشربت
احمد،،،،شكرآ ليش تعبتي نفسج
سيلا،،،،وهمست العفو تعبك راحه
احمد،،،،الله يحفظج
سيلا،،،،وقدمت الماما وطلعت وانتضرهم يخلصون وماما صاحتلي ودخلت شلت المواعين حطيتهن عل كاونتر وصاحتلي ماما ودخلت كعدت يمها وكالت خاله
ام احمد،،،اي عيني سيلا احنه جيتنه علمودج انريد نعرف شنو طلبج
سيلا،،،،تسلمين خاله بس اني حابه اخبر استاذ احمد علئ طلبي يكون افضل لان ابصراحه ماما متعرف شنو هوه الطلب وماكتلها عليه
ماما،،،،يمه منج
ام احمد،،،،خليها ابراحتها
احمد،،،،،،خاله ابكيفها ماشي خلينه نعرف شنو هوه
ماما،،،،لعد اخذو راحتكم
سيلا،،،،اتفضل استاذ وكام مشه ورايه ودخلت الغرفت الضيوف خاصه وكعد عل تخم واني كعدت بعيد عنه بشويه وكال
احمد،،،،اي سيلا شنو الشروط الترديهن طبعآ بل نسبه اليه الترديه يتنفذ اولآ دوامج تبقين اتداومين وحتئ وضيفه اخليج تتوضفين واحلئ عرس اسويلج واخلي كل البنات تتمنئ مثل عرسج وذهب لو تردين المحل كله يجرالج بس مال بيت وحد تعذريني ما اكدر اعوف الوالده واني اول فرحتها ما اريد احرمها من فرحتها
سيلا،،،،،،طبعآ اني مايهمني لاذهب ولاعرس ولاكل الكلته هسه بس اني عندي شرط واحد
احمد،،،شنو هوه
سيلا،،،،،متحرمني من ماما واريد كل يوم الصبح قبل لا اطلع للدوام اروح عليها اتطمن عليها وكلوميه العصريات اني يمها وحسيت نفسي اختنكت وعيوني غوركت وكتله لان ماما هيه الوحيده بقتلي من بعد بابا ما اكدر اعوفها وحدها وما اريدك تمنعني من جيتي عليها ومسحت دمعتي نزلت غدر ودنكت راسي كتله هذا الشرط الوحيد العندي والباقي مايهمني واذا اموافق عليه اعتبرني اني اموافقه علئ طلبك
احمد،،،،اول شي ارفعي راسج خل اشوف عيونج الي حيرتني وماخلتني اشوف دربي
سيلا،،،،رفعت راسي وباوعت بعيونه وكال
احمد،،،،تذرين اني لايمكن اعارض شي انتي ترديه والتريدينه يتنفذ بدون كلام ثاني وعلئ
امج هذا الشي لايمكن امنعج منها واشلون اتفكرين بيه امنعج منها اني ما اسويها سيلا واني اموافق علئ طلبج
وابصراحه كبرتي ابعيني اكثر من شفت اهتمامج بل والده
سيلا،،،،استاذ اني ماعندي غير ماما بل دنيه فما اكدر استغنه عنها
احمد،،،،لعد اني وين رحت
سيلا،،،،دنكت راسي استحيت ما جاوبته
احمد،،،،اروح فده للخجلان اريد اعرف هذني اخدود لو تفاح احمر
سيلا،،،،يااا استاذ حباب لتحجي هيج
احمد،،،،،ماشي يله بطلنه بعد منحجي وهسه ماعندج شي ثاني
سيلا،،،،لا ماعندي
احمد،،،،،،لعد يله خل نطلع لان اخاف ما اضمن نفسي واضوك التفاح واخاف ربي يحرمني منج لان سويت شي يغضب ربي وانتي مو علئ ذمتي
سيلا،،،،،هههه يله
احمد،،،اروح فدوه ونذر للضحكه
سيلا،،،،،طلعت قبله ورحت للاستقبال واجه ورايه وكعد يم امه وكالت
ام احمد،،،،،هااا يمه بشر
احمد،،،،،كل الخير حجيه
ام سيلا،،،،،ابصراحه اوليدي احمد اني گلبي لاعب من سيلا ليش ماخلتني اسمع شروطها
احمد،،،،خاله سيلا ماطلبت بس حقها واني سيلا لو تطلب عيوني فدوه الها
ماما،،،،تسلم عيونك يمه بس ماعرفنه شنو شروط الخانو
سيلا،،،،،ماما تحجي وعيونها خازرتني واني گلبي يرجف اذا عرفت شنو شرطي
احمد،،،،،بل نسبه اليه اموافق علئ الشرط وهذا حقها
ماما،،،،،ولج شمصخمه اشطالبه من ورايه
احمد،،،،هههه خاله علئ كيفج وياها هيه رادت مااحرمها منج وكلوميه تجي يمج الصبح قبل الدوام والعصريه هم
سيلا،،،اباوع علئ ماما وخايفه شنو راح اتكول بس عيونها غوركت وكالت
ماما،،،،،يمه بعد روحي ابنيتي اشوكت كبرتي وتهتمين بيه وخايفه عليه
سيلا،،،،،ورحت يمها وحضنتها ونسيت اني وين ومسحت دمعتها وكتلها ماما اني اشعندي غيرج
اني مدي من ازوج اجيب رجلي واكعد يمج
شو اني كلت هيج وماما وخرتني وكالت
ماما،،،،يااااا اني ما اصدك تزوجين واخلص منج وفوكاها تجين يمي اكعيدي
احمد،،،،هههههه
ام احمد،،،،هههه عليج سوالف ام سيلا
سيلا،،،،،ليش ماما مترديني بس اتريدين تخلصين مني لعد زعلت منج
ماما،،،،يروحي انتي اشاقه وياااج اشعندي غيرج اني هوه بس هل وحده
سيلا،،،،،حضتنتي ماما وبستها
احمد،،،،،،خاله ربي يخليج ويحفظج النه
ماما،،،،تسلم اوليدي
احمد،،،،،هسه هاهيه متفقين بقت الأمور يمكم اني اترخص الموافقه واخذتها استئذن اخذو راحتكم
ماما،،،،مرخوص يمه البيت بيتك
احمد،،،،تسلمين خاله
سيلا،،،،طلع احمد وبقت خاله يم ماما
ماما،،،،اطلعي وصلي خطيبج للباب عيب
سيلا،،،،شبسرعه صار خطيبي
ماما،،،كومي عيب
سيلا،،،،وطلعت لاكنيدور لكيته يلبس حذائه وكفت يمه وباوع عليه ابنضرات ماعرفت شنو افسرها وعيونه بيها لمعه وكال
احمد،،،،فديته اليعرف الأصول
سيلا،،،،خجلت من كلامه ولاعبالك هوه استاذي بل جامعه شخصيته اتغيرت صار يغازل ويلطف جو بس بل جامعه موهيج وكال
احمد،،،،باجر اروح مشبه يم عمامج راح انطيهم خبر اروحلهم للبيت
سيلا،،، لا احمد ما اريد اتروحلهم اني ماعندي عمام وانته راح اتكبر راسهم هوه بس عمي ابو رائد ويجي اهنا ابيتنه
احمد،،،،ليش هيج اتسوين
سيلا،،،،اني عندي بس عم واحد هوه ابو رائد
بل نسبه لبو عبد ما أريده
احمد،،،،لتخلين گلبج قاسي
سيلا،،، اني گلبي مو قاسي ليش السووه البابا هين
احمد،،، سلميهم بيد ربج
سيلا،،، الله كريم
احمد،،،،اروح فدوه ونذر لهل لعيون
سيلا،،،،،شكرآ استاذ
احمد،،،،سيلا ترئ باجر المشيه الزلم وراح اتصيرين زوجتي متبطلين كلمت استاذ واتريحبني
سيلا،،،،متعوده
احمد،،،،ماشي نصبر شنسوي احنه صبرنه بقت عل هاي
سيلا،،،،هههه
احمد،،،،يله اني رايح محتاجه شي
سيلا،،،سلامتك
احمد،،،،الله يسلمج
سيلا،،،طلع بل طرمه يمشي اباوع علئ طوله علئ جسمه واكتافه كلشي بي حلو واخذ عقلي وصحيت علئ صوته وكال
احمد،،،،اعرف نفسي حلو
سيلا،،،،،يااا اشمذريك جنت اباوع عليك
احمد،،،،عندي عيون ليوره
سيلا،،،،،عزززاا
احمد،،،،ههههه مجرد احساس
سيلا،،،،،حسيت بيه
احمد،،،،طبعآ حسيت بيج اني احس بيج حتئ قبل الشي تردين اتكوليه
سيلا،،،،صدك
احمد،،،،،سيلا انته متعرفيني زين ولاتعرفين اني اشكد احبج واعرف انتي خايفه اتبادرين الشعور ويايا لان اني استاذج اتحسيها صعبه بس اني حاس بيج انتي هم اتحسين ابشي اتجاهي وحاس بيج ابكلشي
سيلا،،،،امممم
احمد،،،،يله اروح لان تعبان وباجر نتلاكه بل جامعه والعصر هم
سيلا،،،،ماشي
احمد،،،،باي عيوني
سيلا،،،،خجلت من كلامه واخدودي صارن نار وكتله بايات وطلع الباب البره وسمعته هوه ويمشي كال
احمد،،،،ربي منك الصبر
سيلا،،،،ضحكت علئ كلامه وطبيت للاستقبال وكعدت يمهم
ام احمد،،،،هسه نتفق عل مهر من ذهب وشغلات المهر
ماما،،،ام احمد احنه منريد انكلفكم ابشي حتئ لو حلقه وكافي
ام احمد،،،،لا خيه هاي سيلا مره الغالي والله والله كلشي ابنفسها اجيبه وما اخلي شي ابنفسها وذهبها ومهرها اخلي بنات الدنيا تتمنئ مثل مهر سيلا
سيلا،،،تسلمين خاله متقصرين
ماما متقصرين خيه
ام احمد،،،،،باجر المشيه الزلم ويتفقون
وبعدها عل عقد وابنفس اليوم انسوي الحفله
ماما،،،،ماشي
ام احمد، ،،،،يله عيني اني استرخص عيني اخذو راحتكم
ماما،،،بعد وكت والله
سيلا،،،،خليج خاله والله بعد وكت والله كعدتج حلوه
ام احمد،،،،فدوه يروحي كم يوم وتجين يمي ونشبع كعدات
ماما،،، ان شاء الله
سيلا،،،،وراحت ام احمد وكعدت واجتي ماما ماحجت شي علئ طلبي بقينه نتفاهم واتصلت وخبرت عمو وكالتله سيلا اموافقه والمشيه مال زلم باجر وسيلا اتريدها ابيت ابوها وحابه اتكون موجود
ابو رائد،،،،ماشي تدلل باجر يمكم
ماما،،،تسلم
سيلا،،،،وسدت الخط وبقينه كاعدين اني وماما لحد مانعست ماما وراحت اتنام وبقيت اني اباوع علئ لبلازمه وافكر شنو راح يصير باجر معقوله راح تمشي الأمور تمات وكمت الغرفتي غسلت وبدلت لبست اتراك ومددت وافكر اب احمد ونمت
شتتوقعون باجر شنو يصير ويه سيلا
معقوله الأمور تمشي تمام
وشنو رئيكم بل بارت
هذي الروايه تختلف عن الباقي
لتنسون تابعوني وصوتو وعلقو
حتئ تصعد الروايه للحكايه بقيه
لتحكمون ع الروايه من بدايتها
لتنسون المتابعه والتصويت⭐ والتعليقات🌹
أنت تقرأ
أبحث عنك في روحي
Randomهل تصدق لو أخبرتك بأنني لو ملكت العالم أجمع بكفه وأنته في ألكفه ألأخرئ هل تصدق بأنني سأبيع العالم وأختارك انت أنت الحظ ألوحيد الذي حالفني في هذا ألحياة أنت وحدك من تجدني حتئ قبل أن ابحث عنك من تشعر بي قبل أن أتحدث أنت وحيد قلبي ألذي مازال حتئ...
